முரசொலி: தொற்றுநோய் காலகட்டத்தில் பொதுத் தேர்தல்

ஹான் யோங் மே, ஆசி­ரி­யர், எஸ்­பி­எச் சீன மொழிச் செய்திக் குழுமம்

தேர்தல் தொகுதி எல்லைகள் மறுஆய்வுக் குழு சென்ற ஆகஸ்ட்­டில் அமைந்­தது முதலே அர­சி­ய­லில் அக்­க­றை கொண்ட நண்­பர்­கள் அடுத்­த பொதுத் தேர்­தல் எப்­போது என்­பது பற்றி விவா­தித்து வரு­கி­றார்­கள். 

இந்த ஆண்­டின் தொடக்­கத்­தில் கொரோனா கிருமித்தொற்று தலைக்­காட்­டி­யதை அடுத்து        கவ­னம் கொஞ்­சம் மாறி­யது. 

கிருமித்தொற்றை எப்­ப­டி சமா­ளிப்­பது, அது    எப்­ப­டி­யெல்­லாம் பாதிக்­கும், நிறு­வ­னங்­கள் அந்­தச் சவா­லைச் சமா­ளித்து எப்­படி மீண்டு வரும் என்­ப­தில் மக்­கள் இப்­போது அதிக அக்­க­றைக் காட்­டு­கி­றார்­கள். 

இப்­ப­டிப்­பட்ட ஒரு நேரத்­தில் பொதுத் தேர்­தல் நடக்­காது என்று பெரும்­பா­லான மக்­கள் நினைத்­தி­ருந்­த­போது, திடீ­ரென தேர்தல் தொகுதி எல்லைகள் குறித்த மறுஆய்வுக் குழு அறிக்கை வெளி­யாகி இருக்­கிறது. கொரோனா கிருமித்தொற்று பற்றி பர­ப­ரப்­பாக செய்தி வெளி­யிட்டு வந்த செய்தி­யா­ளர்­க­ளுக்­குக்கூட இது வியப்­பா­கி­யது.

விரை­வில் பொதுத் தேர்­தல் நடப்­ப­தற்­கான வாய்ப்பு பற்றி செய்­தி­யா­ளர்­கள் தீவி­ர­மாக யோசிக்க வேண்­டிய நிலைமை ஏற்­பட்­டு­விட்­டது. 

திரு லீ சியன் லூங் 2004ல் பிர­த­ம­ராக அறி­விக்­கப்­பட்­ட­தற்­குப் பிறகு நடந்த மூன்று பொதுத் தேர்­தல்­க­ளை­யும் திரு கோ சோக் டோங் பிர­த­ம­ராக இருந்தபோது நடத்­தப்­பட்ட பொதுத் தேர்­த­லை­யும் பார்க்­கை­யில் தேர்தல் தொகுதி எல்லைகள் மறுஆய்வுக் குழுவின் அறிக்கை வெளி யான­தற்­குப் பிறகு கொஞ்ச காலத்­தி­லேயே பொதுத் தேர்­தல் நடந்­தப்­பட்டு வந்­தி­ருப்­பது தெரி­கிறது. 

இதை அடிப்­ப­டை­யாக வைத்­துப் பார்க்­கை­யில், இன்­னும் சில வாரங்­களில் பொதுத் தேர்­தல் நடக்­கக்­கூ­டிய வாய்ப்பு தெரி­கிறது.

இந்­நி­லை­யில், கோவிட்-19ன் ஆகப் புதிய நில­வ­ரங்­க­ளைப் பார்த்­தால் அதைக் கட்­டுப்­ப­டுத்­தி­விட முடி­யும் என்றே தெரி­கிறது. 

ஐரோப்­பா­வி­லும் அமெ­ரிக்­கா­வி­லும் கொரோனா கிருமித்தொற்றின் தாக்­கம் தொடக்க கட்­டங்­க­ளி­லேயே இருக்­கின்­றன. சிங்­கப்­பூர் தனது குடி­நு­ழை­வுக் கட்­டுப்­பாட்டு நட­வ­டிக்­கை­க­ளைத் தீவி­ர­மாக மும்­மு­ரப்­ப­டுத்தி உள்­ளது. 

இந்த நட­வ­டிக்­கை­கள் எல்­லாம் பலன் தரு­மா­னால் இன்­னும் இரண்டு வார காலத்­தில் வெளி­யில் இருந்து சிங்­கப்­பூ­ருக்­குள் கொரோனா நுழை­வது குறைந்­து­வி­டும். சிங்­கப்­பூ­ரில் சமூ­கப் பர­வ­லாக கொரோனா உரு­வெ­டுக்­க­வில்லை என்­றால் இன்­னும் ஒன்று அல்­லது இரண்டு வாரங்­களில் ஆங்­காங்கே கிரு­மித்தொற்­று­களும் மங்­கி­வி­டும். 

அர­சாங்­கம் கொரோ­னா­ கிருமித்தொற்றைக் கட்­டுப்­ப­டுத்த இப்­போது எடுத்­து­வ­ரும் பல முயற்­சி­களின் கார­ண­மாக அந்­தக் கிரு­மி­கள் முற்­றாக அழிந்­து­வி­டாது என்­றா­லும் இன்­னும் ஒரு மாத காலத்­தில் கொரோனா கிருமித்தொற்று ஒடுங்­கி­வி­டும் என்­ப­தற்கு அதிக வாய்ப்­பு­கள் தெரி­கின்­றன.

ஓராண்டு காலத்­திற்­குள் இந்த உல­கக் கிரு­மித்­தொற்­றுக்கு முடி­வு­கட்­டு­வது இய­லா­தது என்­னும் பட்­சத்­தில், அர­ச­மைப்­புச் சட்­டப்­படி அதற்­கான காலக்­கெ­டு­வான 2021 ஏப்­ரல் வரை ஒத்­தி­வைக்­கா­மல், கிரு­மி­கள் கட்­டுப்­பாட்­டில் இருக்­கும் கால­கட்­டத்­தி­லேயே பொதுத் தேர்­தலை நடத்­து­வதே சிறந்­த­தாக இருக்­கும்.

கிரு­மித்­தொற்­றுக்கு இடையே பொதுத்­தேர்­தலை நடத்­து­வ­தன் மூலம் ஆளும் மக்­கள் செயல் கட்சி அர­சாங்­கம் தனக்­குத் தானே சிர­ம­மான அர­சி­யல் பிரச்­சி­னையை உண்­டு­பண்­ணு­கி­றதா? அல்­லது வாக்­கா­ளர்­க­ளி­டம் இருந்து வலு­வான ஆத­ர­வைப் பெறு­வ­தற்கு அந்­தக் கட்­சிக்­குக் கிடைத்­தி­ருக்­கும் பொன்­னான வாய்ப்­பாக இது இருக்­குமா?

சிங்­கப்­பூர் கொரோ­னா­ கிருமித்தொற்றைக் கடந்த மூன்று மாத கால­மா­கக் கையாண்டு வரும் விதத்­தைப் பார்க்­கை­யில், சூழ்­நி­லைக்கு ஏற்ப சிங்­கப்­பூர் தன்­னு­டைய கொரோனா கிருமி எதிர்ப்பு நட­வ­டிக்­கை­க­ளைச் செம்­மை­யாக மாற்றி அமைத்து கொண்டு வரு­வ­தைக் காண­லாம். 

இந்­தக் கிரு­மித்­தொற்­றை சிங்­கப்­பூர் கையா­ளும் விதம் முரண் இல்­லா­மல் இருந்து வரு­கிறது. கிரு­மி­யைக் கட்­டுப்­ப­டுத்த முடிந்த அனைத்து நட­வடிக்­கை­க­ளை­யும் எடுக்­கும் அதே­வே­ளை­யில், மக்­க­ளின் வாழ்க்­கைக்கு ஏற்­ப­டக்­கூ­டிய இடை­யூ­று­களைக் கூடு­மான வரை­யில் குறைக்­க­வும் நாம் முயன்று வரு­கி­றோம். 

உட­னடி கிரு­மித்தொற்று சம்­ப­வங்களைச் சமா­ளிக்­கும் அதே­வே­ளை­யில், தன்­னு­டைய நீண்­ட­கால உத்தி இலக்­கு­களில் இருந்து வில­கிச் செல்­லா­ம­லும் திறந்த நிலை­யில் தொடர்ந்து இருந்து, அனைத்­து­லக நற்­பெ­ய­ரைக் காப்­பாற்­றிக்­கொண்டு வரும் நாடாகவும் சிங்­கப்­பூர் உள்­ளது. 

இதற்கு கோஸ்டா ஃபார்ட்­சுனா உல்­லா­சக் கப்­ப­லைச் சிங்­கப்­பூர் தன் கடற்­க­ரை­யில் அனு­ம­தித்­ததை எடுத்­துக்­காட்­டா­கக் குறிப்­பி­ட­லாம். 

இது­வ­ரை­யில் கொரோ­னா கிருமித்தொற்றைக் கையா­ளு­வ­தற்­கான சிங்­கப்­பூ­ரின் உத்தி அனைத்­து­லக அங்­கீ­கா­ரத்­தைப் பெற்று இருக்­கிறது. 

உள்­நாட்­டி­லும் குறை­கூ­றல்­க­ளை­விட அதிக பாராட்டு அர­சாங்­கத்­திற்­குக் கிடைத்து இருக்­கிறது. இந்­தக் கால­கட்­டம், ஆளும் கட்­சிக்­குச் சிக்­க­லான ஒரு கால­கட்­ட­மாக இருக்­க­லாம். ஆனால் தலை­சி­றந்த வாய்ப்பை வழங்­கு­வ­தா­வும் இது இருக்­கிறது. 

கொரோனா கிரு­மித்­தொற்று நம் சமூ­கத்­தில் சுதந்­தி­ரம், சமத்­து­வம், ஜன­நா­ய­கம், ஆளுமை ஆகிய அடிப்­படை கோட்­பா­டு­களில் கவ­னம் செலுத்­த­வும் நம்மை நெருக்கி இருக்­கிறது.

பொதுத் தேர்­தல் என்­பது மக்­கள் தங்­கள் வாழ்க்­கை­யை­யும் தாங்­கள் விரும்­பும் எதிர்­கா­லத்­தை­யும் தாங்­கள் எப்­படி நிர்­வ­கித்து நடத்­தப்­பட வேண்­டும் என்­ப­தை­யும் பற்றித் தீவி­ர­மாக பரி­சீ­லிக்க வேண்­டிய ஒரு தரு­ணம்.

அமைதிக் காலத்­தின்­போது ஒரு விருப்ப உரி­மை­யை­யும் நெருக்­க­டி­யின்­போது கூடு­த­லாக ஒரு விருப்ப உரி­மை­யை­யும் அளிக்­கக்­கூ­டிய ஆற்­றல் வாய்ந்த அர­சாங்­கம் எது­வும் இல்லை. ஒரே நேரத்­தில் பல்­வேறு தேவை­க­ளை­யும் நிறை­வேற்ற முடி­ய­வில்லை என்­றால் நீங்­கள் எதற்கு முன்­னு­ரிமை கொடுப்­பீர்­கள்?

நடக்­க­வி­ருக்­கும் பொதுத் தேர்­தல் நான்­காம் தலை­மு­றைத் தலை­வர்­களை நம்பி வாக்­க­ளிக்­கும் ஒரு தேர்­த­லா­கும். கடந்த மூன்று மாத கால­மும் இந்­தத் தலை­வர்­க­ளுக்கு ஒரு பொதுத் தேர்வு கால­மாக இருந்து வந்­துள்­ளது. 

வெளியே தெரி­யாத ஒரு மாணவி போன்ற நாடு சிங்­கப்­பூர். அந்த மாணவி படிக்­கி­றாரா இல்­லையா என்­ப­து­கூட சுற்றி இருக்­கும் மக்­க­ளுக்­குத் தெரி­யாது. சிலர் அந்த மாண­வியை நினைத்து கவ­லைப்­ப­டு­வார்­கள். மற்­ற­வர்­கள் குறை­கூ­று­வார்­கள். முடி­வில் அந்த மாணவி தலை­சி­றந்த சாத­னை­களு­டன் தேர்­வில் தேர்ச்சி பெறு­வார் என்று சிலர் வர்­ணித்­துக் கூறு­கி­றார்­கள். 

நான்­காம் தலை­மு­றைத் தலை­வர்­க­ளின் கீழ் நடந்து வரும் கொரோனா கிருமித்தொற்று எதிர்ப்­புப் போரில் சில குறை­பா­டு­கள் இருக்­க­லாம் என்­றா­லும் மொத்­தத்­தில் அவர்­கள் சாதித்து இருக்­கி­றார்­கள். மக்­க­ளின் நம்­பிக்­கை­யைப் படிப்­ப­டி­யா­கப் பெற்று வரு­கி­றார்­கள். 

ஒரு ஜன­நா­யக நாட்­டில் குறிப்­பிட்ட காலத்­திற்­குள் பொதுத் தேர்­தலை நடத்­தி­விட வேண்­டும். இப்­போ­தைய கால­கட்­டத்­தில் பொதுத் தேர்­தலை நடத்­து­வது ஆபத்­தா­னது என்று தெரிந்­தா­லும் பொதுத் தேர்­த­லுக்­கான தலை­சி­றந்த வாய்ப்­பா­க­வும் அது திக­ழக்­கூ­டும்.  

அமைதிக் காலத்­தில் கிளம்­பக்­கூ­டிய எந்­தப் பிரச்­சி­னைக்­கும் ஆளும் கட்சி மீது மக்­கள் குறை­கூறக்­கூ­டும். ஆனால் சவா­லான கால­கட்­டத்­தில் எல்­லா­ருக்­குமே ஒரே குறி­க்கோள்­தான் இருக்­கும். 

இந்­தக் கால­கட்­டத்­தில் பொறுப்­பில் இருப்­ப­வ­ருக்கு ஒரே எதிரி அவ­ரும் சவால்­க­ளும்­தான்.

* லியான்ஹ சாவ் பாவ் நாளிதழில் முதன் முதலாக வெளியான இந்தக் கட்டுரை சீன மொழியில் எழுத்தப்பட்டு பின்னர் ஆங்கிலம் வழி தமிழில் மொழி பெயர்க்கப்பட்டது.