மாணவர் முரசு
இ-பேப்பர்
'வெப்பம்' படம் மூலம் தமிழில் அறிமுகமானவர் நித்யா மேனன். இப்படத்தை தொடர்ந்து 'மாலினி 22 பாளையங்கோட்டை', 'காஞ்சனா 2', 'ஓ காதல் கண்மணி' உள்ளிட்ட படங்களில் நடித்துள்ளார். தமிழைத் தவிர, தெலுங்கு, மலையாளம், கன்னடம் உள்ளிட்ட மொழிகளிலும் நடித்துள்ளார். இவர் தற்போது தமிழில் விக்ரமுடன் இணைந்து நடிக்கும் படம் 'இருமுகன்'. இப்படத்தை 'அரிமா நம்பி' ஆனந்த் சங்கர் இயக்கி வருகிறார். இப்படத்தின் படப்பிடிப்பு விறுவிறுப்பாக நடந்து வருகிறது.
இந்நிலையில் நேற்று முன்தினம் நித்யாவின் பிறந்த நாளாம். இதை அறிந்த 'இருமுகன்' படக்குழுவினர், பெரிய கேக் ஒன்றை வரவழைத்து பிறந்தநாளை படப்பிடிப்புத் தளத்திலேயே கொண்டாட வைத்துள்ளனர். அனைவரும் பிறந்த நாள் வாழ்த்து தெரிவித்ததில் பூரித்துப்போனாராம் நித்யா. மேலும் பல்வேறு திரை பிரபலங்கள், ரசிகர்கள் பலரும் நித்யாவுக்கு வாழ்த்து தெரிவித்துள்ளனர். நித்யா மேனன் நடிப்பில் அடுத்து '24', 'முடிஞ்சா இவன புடி' ஆகிய படங்கள் வெளியாக உள்ளன.
