மாணவர் முரசு
இ-பேப்பர்
ஆடுகளைப் பாசத்துடன் வளர்க்கும் இளைஞனின் கதை 'மானசி' மூவி மேஷன்ஸ் எம்.ஜே பிலிம்ஸ் நிறுவனம் தயாரிக்கும் படம் 'மானசி'. நரேஷ்குமார் என்ற புதியவர் கதாநாயகனாக நடிக்கிறார். நாயகியாக ஹாரிசா நடிக்கிறார். இவர் மலையாளத்தில் சில படங்களில் நடித்துள்ளார். மேலும், தவசி, அனூப் சதீஷன், சல்மான், பிருத்வி, கேசவ், ஆசிக் ஆகியோரும் முக்கிய வேடங்களை ஏற்றுள்ளனர். கதை, திரைக்கதை எழுதி இயக்குகிறார் நவாஸ் சுலைமான்.
இவர் மலையாளத்தில் கமல், பாசில் உள்ளிட்ட இயக்குநர்களிடம் உதவியாளராகப் பணியாற்றியவர். "கதாநாயகன் அன்புவின் குலத்தொழிலே ஆடு மேய்ப்பதுதான். ஆனால் அந்த ஆடுகளை தனது குடும்பத்து உறுப்பினர்களாகத் தான் கருதுகிறான். அவனைப் பொறுத்தவரை அந்த ஆடுகள் யாருக்கும் தீங்கு நினைக்காத ஜீவராசிகள். "இந்நிலையில் அவனது ஆடு ஒன்று காணாமல் போக, பதறிப் போகிறான். காணமல் போன அந்த ஆட்டுக்குட்டி கிடைத்ததா? இல்லையா என்பதை நெகிழ்ச்சியுடன் படமாக்கி உள்ளோம்," என்கிறார் நவாஸ் சுலைமான்.
