'பறந்து செல்ல வா'=சிங்கப்பூரில் தயாரான முதல் முழு நீள திரைப்படம் என்ற பாராட்டுதலைப் பெற்ற இப்படத்தின் முன்னோட்ட காட்சி, இசை வெளியீடு இம்மாதம் நடைபெறவுள்ளது. அருமைச்சந்திரனின் தயாரிப்பில், தனபால் பத்மநாபன் இயக்கத் தில் விரைவில் வெள்ளித்திரை காணவிருக்கும் இப்படத்தில் பாஷா, ஐஸ்வர்யா, ஆனந்தி, சதீஷ், கருணாகரன், ஆர்.ஜே. பாலாஜி, மனோபாலா, பேராசிரியர் ஞானசம்பந்தன்,
ஜோ மல்லூரி, உள்ளூர் கலைஞர்கள் மதியழகன், குணா, சீன நடிகை நரேல், சுகன்யா, உதயா, ராஜி சீனிவாசன் (கௌரவத் தோற்றம்) ஆகியோர் நடித்து உள்ளனர். கவிஞர் முத்துக்குமாரின் பாடல்களுக்கு இனிமையான இசை சேர்த்திருப்பவர் ஜோஷுவா ஸ்ரீதர். கிட்டத்தட்ட 50 நாட்களில் நூற்றுக்கு மேற்பட்ட கலைஞர்களுடன் இப்படம் எடுக்கப்பட்டு உள்ளது. இப்படத்தின் முன்னோட்ட காட்சி, பாடல் வெளியீடு வரும் 18ஆம் தேதி சனிக்கிழமை மாலை 6.30 மணிக்கு நாடாளுமன்ற உறுப்பினர் விக்ரம் நாயர், நியமன உறுப்பினர் கணேஷ் ராஜாராம் முன்னிலையில் டோவர் சாலை உள்ள சிங்கப்பூர் பலதுறைத் தொழிற்கல்லூரி மாநாட்டு அரங்கில் நடைபெறவுள்ளது. பேராசிரியர் ஞானசம்பந்தன், 'நீயா நானா' கோபிநாத், நடிகர்=இயக்குநர் மனோபாலா, இப்படத்தின் நட்சத்திரங்கள், உள் ளூர் கலைஞர்கள் பலரும் கலந்து கொள்கின்றனர்.
'பறந்து செல்ல வா' திரைப்படத்தின் ஒரு காட்சி. படம்: ஏ.பி.இராமன்