மாணவர் முரசு
இ-பேப்பர்
பிரபுதேவா நடித்துவரும் 'தேவி' படத்தின் வெளியீட்டுத் தேதி அறிவிக்கப்பட்டுள்ளது. பிரபுதேவா, தமன்னா நடிப்பில் ஏ.எல்.விஜய் இயக்கியுள்ள புதிய படம் 'தேவி'. இதில் இந்தி நடிகர் சோனு சூட், எமி ஜாக்சன் நடித்துள்ளனர். மேலும், வில்லனாக அமலா பாலின் தம்பி அபிஜித் பால் நடிக்கிறார். இப்படத்தின் படப்பிடிப்பு முடிவடைந்து இப்போது இறுதிக்கட்ட பணிகள் தீவிரமாக நடைபெற்று வருகின்றன.
தமிழ், இந்தி, தெலுங்கு என மூன்று மொழிகளில் ஒரே நேரத்தில் உருவாகும் இப்படத்தை பிரபுதேவா ஸ்டூடியோஸ் நிறுவனம் சார்பில் பிரபுதேவாவே தயாரிக்கிறார். இந்நிலையில், இப்படத்தை ஆரா சினிமாஸ் நிறுவனம் தமிழகம் முழுவதும் வெளியிடும் உரிமையைப் பெற்றுள்ளது. அதன்படி, வரும் செப்டம்பர் 9ஆம் தேதி முதல் இப்படம் உலகம் முழுவதும் வெளியாக உள்ளதாகக் கூறப்படுகிறது. திகில் படமாக உருவாகியுள்ள இதன் முன்னோட்ட காட்சிகள் ஏற்கெனவே வெளியாகி ரசிகர்களிடையே பெரும் வரவேற்பைப் பெற்றுள்ளது. விரைவில், பாடல்களையும் வெளியிட உள்ளனர்.
