மாணவர் முரசு
இ-பேப்பர்
தமிழ் சினிமாவில் அசுர வளர்ச்சி அடைந்த சிவகார்த்திகேயனின் நடிப்பில் விரைவில் வெளிவர இருக்கும் படம் 'ரெமோ'. இப்படத்தின் முன்னோட்டக் காட்சி அண்மையில் வெளி யானது. சமூகவலைத்தளத்தில் பெரும் வரவேற்பைப் பெற்றுள்ள இந்த முன்னோட்ட காட்சியைத் தற்போது வரை 37 லட்சம் பேர் பார்வையிட்டு உள்ளனர். அதுமட்டுமின்றி 61 ஆயிரம் பேர் 'லைக்ஸ்' என்ற தங்கள் விருப்பத்தைத் தெரிவித்து உள்ளனர். இதன் மூலம் சிம்பு, தனுஷ் ஆகியோரின் டீசர், முன்னோட்டக் காட்சிகள் பெற்ற 'லைக்ஸை' விட 'ரெமோ' அதிக 'லைக்ஸ்' பெற்று சாதனைப் படைத்து உள்ளது. மேலும் இந்த முன்னோட்டக் காட்சியில் ரஜினி, அஜித் நட்சத்திரங்களின் வசனங்கள் அதிகம் உள்ளன.
முன்னோட்டத்தின் முதல் காட்சியிலேயே 'நம்ம தலைவரோட பேனர் மாதிரி இதே சத்யம் திரையரங்கத்தில் பெரிய பேனர் வரணும்' என்று ரஜினியைக் குறிப்பிடும் வசனமும் 'சும்மா தெறிக்க விடணும்' என்ற அஜித் ரசிகர்களை கவர்ந்த வசனமும் அவர் களைப் பெரிதும் ஈர்த்துள்ளன. இதுபோன்ற வசனங்கள் இருப்பதால் ரஜினி, அஜித் ரசிகர்களும் தங்களது நட்சத்திர நாயகனின் படத்தை எதிர்பார்ப்பது போல், சிவகார்த்திகேயனின் 'ரெமோ' பட வெளியீட்டிற்காக காத்துக் கிடக்கின்றனர்.
