நடிகை சாத்னா, விநியோகிப்பாளர் கார்த்திக் திருமணம்

9 Feb 2017 08:19 | மாற்றம் செய்யப்பட்ட நாள் / நேரம்: 10 Feb 2017 07:52

நடிகை சாத்னா டைட்டஸ் நடித்த 'பிச்சைக்காரன்' திரைப்படத்தை கே.ஆர்.பிலிம்ஸ் விநியோகம் செய்தது. இந்த நிறுவனத்தின் பங்குதாரரான கார்த்திக்கைத் திருமணம் செய்துகொண்டிருக்கிறார் சாத்னா. இரு வீட்டாரது உறவினர்கள், நண்பர்கள் கலந்து கொள்ள சாத்னா டைட்டஸ், கார்த்திக் திருமணம் எளிமையாக நடைபெற்றது. திருமண வரவேற்பு நிகழ்ச்சி நாளை சென்னையில் விமரிசையாக நடைபெறவுள்ளதாகத் திருமண வீட்டார் தெரிவித்துள்ளனர். முன்னதாக இந்தக் காதல் திருமணத்துக்கு சாத்னா தரப்பில் கடும் எதிர்ப்பு கிளம்பியது. தற்போது இரு வீட்டார் சம்மதத்துடன் திருமணம் நடந்ததாகக் கூறப்படுகிறது.