வினுசக்கரவர்த்தி உடலுக்கு தமிழ்த் திரையுலகம் அஞ்சலி

29 Apr 2017 09:35 | மாற்றம் செய்யப்பட்ட நாள் / நேரம்: 30 Apr 2017 08:31

உடல் நலக்குறைவு காரண மாக கடந்த ஓர் ஆண்டாக சிகிச்சை பெற்று வந்த குணசித்திர நடிகர் வினுசக்கரவர்த்தி நேற்று முன்தினம் இரவு 7 மணியளவில் காலமானார். தமிழ், தெலுங்கு, மலை யாளம், இந்தி, ஆங்கிலம் உள்பட பல்வேறு மொழிகளில் ஆயிரத்துக்கும் அதிகமான படங்களில் நடித்தவர் வினுசக்கரவர்த்தி. அவருக்கு கர்ணப்பூ என்ற மனைவியும் சரவணன் என்ற மகனும் சண்முகப்பிரியா என்ற மகளும் உள்ளனர். வினுசக்கரவர்த்தி மரணம் பற்றிய தகவல் அறிந்ததும் நடிகை, நடிகர்கள் உள்ளிட்ட தமிழ்த் திரையுலகினர் ஆழ்ந்த இரங்கலைத் தெரிவித்து உள்ளனர். தென்னிந்திய நடிகர் சங்கம் தயாரிப்பாளர் சங்கம் சார்பிலும் இரங்கல் தெரிவிக்கப்பட்டு உள்ளது. மறைந்த வினுசக்ரவர்த்தி யின் உடல் சென்னை சாலி கிராமத்தில் உள்ள அவரது வீட்டில் அஞ்சலிக்காக வைக்கப்பட்டு இருந்தது.