இப்போதெல்லாம் முழுநீளத் திரைப்படங்களில் நடிப்பது மட்டுமல்லாமல் குறும்படங்கள், தனி இசைத்தொகுப்புகளுக்கான காணொளிப் பதிவு, விளம்பரங்கள் ஆகியவற்றிலும் நடிக்க பலரும் ஆர்வமாக உள்ளனர். நடிகை ஐஸ்வர்யா ராஜேஷ் முன்னணி நாயகியாக வலம் வந்தாலும் குறும்படங்களில் நடிக்க ஆர்வம் காட்டுகிறார். சிம்பு, கௌதம் மேனன், அனிருத் என கோடம்பாக்கத்தில் பலர் தனி இசைத்தொகுப்புகளை உருவாக்கி வருகிறார்கள். இந்நிலையில் நடிகை பிரணிதாவும் அப்படியொரு தொகுப்பில் நடித்துள்ளாராம்.
இந்தியில் 'சான் கித்தன்' என்ற தலைப்பில் உருவாகியுள்ள இந்த இசைத்தொகுப்பை பிரபல இயக்குநர் சுரேஷ் திரிவேணி இயக்குகிறார். "குறும்படங்கள், தனித் தொகுப்புகள் நாம் சொல்ல நினைக்கும் கருத்துக்களை மக்களிடம் மிக எளிதாகக் கொண்டுசேர்க்கின்றன. எனவே, இவற்றில் தொடர்ந்து நடிக்க விரும்புகிறேன். இதன் மூலம் ரசிகர்களை நாம் மேலும் நெருங்க முடிகிறது என்பதையும் கவனத்தில் கொண்டுள்ளேன்," என்கிறார் பிரணிதா.