தொடர்ந்து கதாநாயகனாக நடிக்கக் கேட்டு யோகிபாபுவை வாய்ப்புகள் முற்றுகை இடுகின்றன.
அதற்காக இருப்பதை விட்டுவிட்டு பறப்பதற்கு ஆசைப்படவில்லை என்கிறார் யோகி.
கடந்தாண்டு 25க்கும் மேற்பட்ட படங்களில் நடித்து முடித்துள்ள இவரது கைவசம் தற்போது 16 படங்கள் உள்ளன. நாளொன்றுக்கு 5 லட்சம் சம்பளம் வாங்குகிறாராம். ‘பன்னிக்குட்டி’, ‘மண்டேலா’ போன்ற படங்களில் நாயகனாக நடித்து வருகிறார்.
“கதாநாயகனாக நடிப்பது மகிழ்ச்சி அளித்தாலும், நகைச்சுவைக் கதாபாத்திரங்களுக்குத் தொடர்ந்து முக்கியத்துவம் அளிப்பேன். ஆண்டுக்கு ஒன்றிரண்டு படங்களில் வேண்டுமானால் நாயகனாக நடிப்பேன்.
“முன்பு இரவு பகலாக நடித்ததால் தூக்கம் கெட்டு, உடல்நலமும் பாதிக்கப்பட்டது. இனி அந்தத் தவற்றைச் செய்யமாட்டேன். நான் அதிக சம்பளம் கேட்பதாக வெளிவரும் தகவலில் உண்மையில்லை,” என்கிறார் யோகிபாபு.