தமிழ் நடிகருக்கு இந்தி நடிகையின் காதலர் தினப் பரிசு

“சிறு வயது முதலே என்னை வெகுவாக ஈர்த்தவர் மாதுரி தீட்சித். எனது முதல் இந்திப் படத்தின் முன்னோட்டக் காட்சித் தொகுப்பை அவர் வெளியிட்டது கனவு போல் உள்ளது. “இதைவிட மிகச் சிறந்த காதலர் தினப் பரிசு இருக்க முடியாது,” என்று இந்நிகழ்வில் குறிப்பிட்டார் கணேஷ். படம்: ஊடகம்

16 Feb 2020 06:10 | மாற்றம் செய்யப்பட்ட நாள் / நேரம்: 16 Feb 2020 12:40

நடிகர் கணேஷ் வெங்கட்ராம் ‘கன்ஸ் ஆஃப் பனாரஸ்’ என்ற படத்தின் மூலம் இந்தியில் அறிமுகமாகிறார். இப்படத்தின் முன்னோட்டக் காட்சித் தொகுப்பு மும்பையில் நடைபெற்றது. இந்நிகழ்வில் முன்னாள் நடிகை மாதுரி தீட்சித் முக்கிய விருந்தினராக கலந்துகொண்டு அத்தொகுப்பை வெளியிட்டார். ‘கன்ஸ் ஆஃப் பனாரஸ்’ படத்தில் விக்ரம் சிங் என்ற வில்லன் கதாபாத்திரத்தில் நடிக்கிறார் கணேஷ். வலிமை மிகுந்த தாதாவாக நடித்திருப்பதாகவும், அதற்காக நிறைய மெனக்கெட்டதாகவும் சொல்கிறார் கணேஷ். “சிறு வயது முதலே என்னை வெகுவாக ஈர்த்தவர் மாதுரி தீட்சித். எனது முதல் இந்திப் படத்தின் முன்னோட்டக் காட்சித் தொகுப்பை அவர் வெளியிட்டது கனவு போல் உள்ளது. “இதைவிட மிகச் சிறந்த காதலர் தினப் பரிசு இருக்க முடியாது,” என்று இந்நிகழ்வில் குறிப்பிட்டார் கணேஷ்.