மாணவர் முரசு
இ-பேப்பர்
இருசக்கர வாகனங்கள் மீது அலாதியான விருப்பம் கொண்டிருப்பவர் அஜித் என்பது அவரது ரசிகர்களுக்கு நன்கு தெரியும்.
தான் நடிக்கும் படங்களில், கதைக்குப் பொருத்தமாக பைக் துரத்தல் காட்சிகள் இடம்பெற்றால் உற்சாகமாகிவிடுவார். மேலும், அந்தக் காட்சிகள் எவ்வளவு ஆபத்தானவையாக இருந்தாலும் 'டூப்' போடாமல் தாமே நடிக்கவேண்டும் என்றும் விரும்புவார்.
இந்நிலையில், வெளிநாட்டில் இருந்து இறக்குமதி செய்யப்பட்டுள்ள தமது மோட்டார் சைக்கிளில் உலகைச் சுற்றி வர திட்டமிட்டுள்ளாராம் அஜித்.
அது எப்போது நிகழும் என்பதை திட்டமிடவில்லை என்றாலும், அந்தப் பயணத்துக்கான முன்னேற்பாடுகளும் மறைமுக பயிற்சிகளும் தொடங்கிவிட்டதாகத் தெரிகிறது.
உலகப் பயணத்துக்கு முன்பு, வெவ்வேறு நிலப்பரப்புகள், வானிலை நிலவரங்களுடன் தன்னை பழக்கப்படுத்திக்கொள்ள விரும்புகிறார் அஜித். அதனால்தான் தமது படங்களுக்கான படப்பிடிப்புகள் வெளிநாடுகளில் நடக்கும்போது, தமது இருசக்கர வாகனத்தையும் கையோடு கொண்டு செல்கிறார்.
படப்பிடிப்பு முழுமையாக முடிந்த பின்னர் படக்குழு நாடு திரும்பினாலும், அஜித் மட்டும் சில நாள்கள் அந்த நாடுகளில் தங்கி இருப்பது வழக்கம். அந்த வாய்ப்பை பயன்படுத்தி, பயிற்சியில் ஈடுபடுவாராம்.அந்த வகையில், 'வலிமை' படத்தின் இறுதிக்கட்ட படப்பிடிப்பு ரஷ்யாவில் முடிவடைந்த நிலையில், அஜித் அங்கேயே தங்கி இருப்பதாக செய்தி கள் வெளியாகியுள்ளன.
, :