மாணவர் முரசு
இ-பேப்பர்
நடிகர் கார்த்தி, அதிதி ஷங்கர் இணைந்து நடிக்கும் 'விருமன்' என்ற திரைப்படத்தின் படப்பிடிப்பு மதுரை அருகே அண்மையில் தொடங்கியது. இந்தப் படத்தின்
படப்பிடிப்பை தொடர்ச்சியாக தீபாவளி வரை நடத்தி முடிக்க திட்டமிட்டிருந்தனர் படக் குழுவினர்.
படத்தில் முக்கிய வேடத்தில் நடிக்கும் பிரகாஷ்ராஜ் ஆந்திராவில் நடிகர் சங்க தேர்தலில் போட்டியிடுகிறார். அவரை எதிர்த்து மோகன்பாபுவின் மகன் போட்டியிடுவதால் இருவரும் தீவிரமாக தேர்தல் பணிகளில் ஈடுபட்டு வருகின்றனர்.
தேர்தல் பணி காரணமாக படப்பிடிப்பில் பிரகாஷ் ராஜால் கலந்துகொள்ள முடியவில்லை. பெரும்பாலான காட்சிகளில் பிரகாஷ் ராஜ் நடிப்பதால் அவர் இல்லாமல் படப்பிடிப்பு நடத்த முடியாமல் போனது.
பிரம்மாண்ட இயக்குநர் ஷங்கரின் மகள் அதிதிக்கு 'விருமன்' படம்தான் முதல் படம். முதல் படமே இப்படி பாதியில் நின்றதைக் குறித்து வருத்தத்தில் இருக்கிறார் அதிதி. மதுரையில் அனைத்து ஏற்பாடுகளையும் செய்திருந்த படக்குழுவும் வருத்தத்துடன் சென்னை திரும்பியது.
