வெற்றிமாறன் இயக்கத்தில் உருவாகியுள்ள 'விடுதலை' படத்தின் முதல் பாகம் எதிர்வரும் நவம்பர் மாதத்தில் வெளியீடு காண உள்ளது. இதற்கான வெளியீடு ஓரிரு தினங்களில் வெளியாகும் என எதிர்பார்க்கப்படுகிறது.
கதை நாயகனாக சூரியும் முக்கிய வேடத்தில் விஜய் சேதுபதியும் நடித்துள்ள படம் 'விடுதலை'. தொடக்கத்தில் சூரி நாயகனாக நடிப்பதாக அறிவித்தார் வெற்றிமாறன். பின்னர் விஜய் சேதுபதி சிறப்புத் தோற்றத்தில் நடிப்பதாக அறிவிக்கப்பட்டது.
படப்பிடிப்பு நடந்து கொண்டிருந்த போதே சேதுபதியின் கதாபாத்திரத்துக்கு முக்கியத்துவம் அதிகரித்ததை அடுத்து, இப்படம் இரண்டு பாகங்களாக வெளியாகும் என அறிவித்தார் வெற்றிமாறன். முதல் பாகத்துக்கான இறுதிக்கட்டப் பணிகள் நடைபெற்று வருகின்றன. எனவே நவம்பர் மாத மத்தியில் விடுதலை படம் வெளியீடு காணும் என எதிர்பார்க்கப்படுகிறது.
அந்த நாளை மிகுந்த ஆவலுடன் எதிர்பார்த்துக் காத்திருப்பதாகச் சொல்கிறார் சூரி. முதல் பாகத்தில் இவருக்கும் இரண்டாம் பாகத்தில் விஜய் சேதுபதிக்கும் முக்கியத்துவம் கொடுக்கப்பட்டுள்ளதாகத் தகவல்.