சந்திரஹாசன் நடித்த 'தாதா 87' படத்தை இயக்கிய விஜய் ஸ்ரீ இயக்கத்தில் உருவாகும் புதிய படம் 'பவுடர்'.
இதில் தமிழ்த் திரையுலகின் முன்னணி மக்கள் தொடர்பாளரான நிகில் முருகன் நாயகனாக நடிக்கிறார்.
அவருக்கு ஜோடியாக வித்யா பிரதீப் நடிக்க, சிங்கம் புலி, வையாபுரி, மொட்டை ராஜேந்திரன் உட்பட பலர் முக்கிய கதாபாத்திரங்களை ஏற்றுள்ளனர். லியாண்டர் லீ மார்டி இசைஅமைத்துள்ளார்.
இந்நிலையில், இப்படத்தின் குறு முன்னோட்டக் காட்சித் தொகுப்பு வெளியாகி உள்ளது.
சென்னையில் மனித மாமிசத்தை ஒரு கும்பல் சமைத்துச் சாப்பிடுவதாக காவல்துறைக்கு தகவல் கிடைப்பதாகவும் அந்தக் கும்பலை காவல் அதிகாரிகள் விரட்டிப் பிடிப்பதாகவும் கதை நகருமாம்.
முழு நீள அடிதடி, திகில் படமாக உருவாகும் 'பவுடர்', விரைவில் திரைகாண உள்ளது.