மலேசியாவில் தொற்று அதிகரிப்பு; மேலும் உயரலாம் என அச்சம்

மலாக்கா, சரவாக் மாநிலத் தேர்தல்கள் புதிய கொவிட்-19 அலையை ஏற்படுத்திவிடுமோ என்று மக்கள் கவலை தெரிவித்துள்ளனர். கோப்புப்படம்: ராய்ட்டர்ஸ்

கோலாலம்பூர்: மலேசியாவில் கடந்த மாதம் 22ஆம் தேதிக்குப் பிறகு ஆக அதிகமாக இன்று வெள்ளிக்கிழமை 6,517 பேர்க்கு கொவிட்-19 தொற்று உறுதிப்படுத்தப்பட்டுள்ளது.


தொடர்ந்து மூன்றாவது நாளாக 6,000க்குமேல் புதிய பாதிப்புகள் பதிவாகியுள்ளன.


கிருமித்தொற்றால் பாதிக்கப்பட்ட ஒருவரிடம் இருந்து சராசரியாக வேறு எத்தனை பேர்க்கு தொற்று பரவலாம் என்பதைக் குறிப்பிடும் ‘ஆர்-நாட் (R0) மதிப்பு ஒன்றை எட்டியுள்ளது. நேற்று இம்மதிப்பு 0.99 ஆக இருந்தது.


சிலாங்கூர் (1.03), கிளந்தான் (1.02), கோலாலம்பூர் (1.04), புத்ராஜெயா (1.16), நெகிரி செம்பிலான் (1.01), பாகாங் (1.01) ஆகிய இடங்களில் அவ்விகிதம் ஒன்றைவிடக் கூடுதலாக இருக்கிறது.


மலேசியாவில் இவ்வாண்டு ஜூலை பிற்பகுதியில் இருந்து கிருமித்தொற்று இறங்குமுகத்தில் இருந்து வந்த நிலையில், அக்டோபர் 20ஆம் தேதியில் இருந்து நிலைமை தலைகீழானது.


தேசிய அளவில் கடந்த ஏழு நாள்களில் கிருமித்தொற்றுக்காக மருத்துவமனையில் அனுமதிக்கப்பட்டோர் எண்ணிக்கை, அதற்கு முந்திய வாரத்தைக் காட்டிலும் 3.3% குறைந்தது.


ஆனாலும், திரெங்கானு (33%), கோலாலம்பூர் (17%), நெகிரி செம்பிலான் (10%) ஆகிய வட்டாரங்களில் அது கூடியுள்ளது.


இதனுடன், மலாக்காவிலும் சரவாக்கிலும் சட்டமன்றத் தேர்தல் நடக்கவிருப்பதும் மக்களிடையே அச்சத்தை ஏற்படுத்தியுள்ளது.


“சாபாவில் நிகழ்ந்ததைப்போல, இவ்விரு மாநிலத் தேர்தல்களும் புதிய கொரோனா அலையை உருவாக்கிவிடுமோ என்று மிகுந்த கவலையாக இருக்கிறது,” என்றார் கணக்காளராகப் பணியாற்றும் ஆலியா ஸைனல், 30.


பொதுநலனைக் கருத்தில்கொண்டு, மலாக்காவில் தேர்தல் தொடர்பான ஒன்றுகூடல்களுக்கு அனுமதியில்லை என்று சுகாதார அமைச்சர் கைரி ஜமாலுதீன் கடந்த மாதம் அறிவித்திருந்தார்.


நேற்று வியாழக்கிழமை நிலவரப்படி, மலேசியாவில் கிட்டத்தட்ட 75.7 விழுக்காட்டினர் முழுமையாகவும் 78.3 விழுக்காட்டினர் குறைந்தது ஒரு தடுப்பூசியேனும் போட்டுக்கொண்டுள்ளனர்.

கொவிட்-19
மலேசியா
 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!