முகக்கவசம் அணிவதில் கின்னஸ் சாதனை!

இந்த கொவிட்-19 பரவல் காலகட்டத்தில் முகக்கவசம் அணிவதைக் கிட்டத்தட்ட எல்லா நாடுகளுமே கட்டாயமாக்கியுள்ளன.

பலரும் முகக்கவசம் அணிவதை ஒரு தொந்தரவாகக் கருதும் நிலையில், அதனைக்கொண்டே கின்னஸ் சாதனைப் புத்தகத்தில் தமது பெயரை இடம்பெறச் செய்துள்ளார் ஜார்ஜ் பீல் எனும் இந்த இளையர்.

ஒவ்வொரு முகக்கவசமாக எடுத்து, ஒன்றன்மேல் ஒன்றாக பத்து முகக்கவசங்களை அணிகிறார் ஜார்ஜ். இதற்கு இவர் எடுத்துக்கொண்ட நேரம் வெறும் 7.35 நொடிகள்தான்!

ஜார்ஜ் இவ்வளவு விரைவாக முகக்கவசங்கள் அணிந்து சாதனை படைத்த காணொளியை இதுவரை 335,330 பேர் கண்டு வியந்துள்ளனர். அதனைக் கண்டவர்களில் ஒருவர், “இப்போது இதுவும் ஒரு திறமையாகிவிட்டது!” என்று வேடிக்கையாக கருத்து பதிவிட்டுள்ளார்.

அந்தக் காணொளி இதோ!