அமைச்சர் ஓங்: வருடாந்திர பூஸ்டர் தடுப்பூசிகள் வழமையாகக் கூடும்

கொவிட்-19 நோயின் பிற திரிபுகளால் மீண்டும் ஒருவர் பாதிப்புக்கு ஆளாகாமல் இருக்க ஒவ்வோர் ஆண்டும் பூஸ்டர் தடுப்பூசிகள் போட்டுக்கொள்வது வழமையாககூடும் என்றார் சுகாதார அமைச்சர் ஓங் யி காங்.

‘ஃப்ளு’ சளிக்காய்ச்சலுக்குப் போட்டுக்கொள்ளும் வருடாந்திர தடுப்பூசிகள் போல கொவிட்-19 நோயிலிருந்து காத்துக்கொள்ள வருடாந்திய பூஸ்டர் தடுப்பூசிகள் போட்டுக்கொள்வது அவசியமாகும் என்று அவர் சொன்னார்.

ஒன்பது மாதங்களுக்கு ஒரு முறையா அல்லது ஓர் ஆண்டுக்கு ஒரு முறையா என எந்த இடைவெளியில் பூஸ்டர் தடுப்பூசிகள் போட்டுக்கொள்வது உகந்தது என்பதை சுகாதார அமைச்சு வரும் மாதங்களில் உறுதி செய்யும் என்றும் அவர் குறிப்பிட்டார்.

தற்போதைய கொவிட்-19 அலை தணிந்து வந்தாலும் மெத்தனப்போக்கு கூடாது என்றும் அவர் அறிவுறுத்தினார்.