தினகரன் திடீர் டெல்லி பயணம்: புது கூட்டணி அமைய வாய்ப்பு

புது­டெல்லி: அம­முக பொதுச்­செ­ய­லா­ளர் டிடிவி தின­க­ரன் நேற்று காலை திடீ­ரென டெல்­லிக்கு மேற்­கொண்ட பய­ணம் தமி­ழக அர­சி­யல் களத்­தில் பர­ப­ரப்பை ஏற்­ப­டுத்தி உள்­ளது. அவர் மூன்று தினங்­கள் டெல்­லி­யில் தங்­கி­யி­ருப்­பார் என்­றும் சில முக்­கிய அர­சி­யல் சந்­திப்­பு­களை நிகழ்த்­து­வார் என்­றும் தக­வல் வெளி­யாகி உள்­ளது.

நேற்று காலை சுமார் 9.30 மணி­ய­ள­வில் தனி விமா­னம் மூலம் டெல்­லிக்­குச் சென்­றார் தின­க­ரன். முன்­ன­தாக அவர் செய்­தி­யா­ளர்­க­ளைச் சந்­திக்­க­வில்லை.

டெல்­லி­யில் அவர் காங்­கி­ரஸ் மூத்த தலை­வ­ரும் வழக்­க­றி­ஞ­ரு­மான அபி­ஷேக் மனு சிங்­வியை சந்­திப்­பார் என்று தெரி­கிறது. உச்­ச­நீ­தி­மன்­றத்­தில் நிலு­வை­யில் உள்ள தின­க­ர­னு­டன் தொடர்­பு­டைய வழக்­கு­களில் அபி­ஷேக் சிங்வி முன்­னி­லை­யாகி வரு­கி­றார்.

இந்­நி­லை­யில் அவ்­வ­ழக்­கு­கள் தொடர்­பாக விவா­திக்­க­வும் சசி­க­லாவை முன்­கூட்­டியே விடு­தலை செய்­வது தொடர்­பாக ஆலோ­சிக்­க­வும் அபி­ஷேக் மனு சிங்­வியை தின­க­ரன் முத­லில் சந்­தித்­துப் பேச உள்­ளார் என அம­முக வட்­டா­ரங்­கள் தெரி­விக்­கின்­றன.

இதை­ய­டுத்து அவர் பாஜக தலை­வர்­கள் சில­ரைச் சந்­திப்­பார் என்­றும் கூறப்­ப­டு­கிறது.

தமி­ழ­கத்­தில் அம­மு­கவை வலுப்­ப­டுத்­து­வ­து­டன் அதி­மு­க­வை­யும் தனது கட்­டுப்­பாட்­டுக்­குள் கொண்டு வரு­வதே டிடிவி தின­க­ர­னு­டைய திட்­டம் என்­றும் மத்­தி­யில் ஆட்­சி­யில் இருப்­ப­வர்­க­ளைப் பகைத்­துக்கொண்­டால் இது சாத்­தி­ய­மா­காது என்­பதை அவர் உணர்ந்­தி­ருப்­ப­தா­க­வும் அர­சி­யல் பார்­வை­யா­ளர்­கள் கரு­து­கின்­ற­னர்.

பாஜக மூத்த தலை­வர் ஒரு­வர் கடந்த இரண்­டாண்­டு­க­ளாக தின­க­ரனை வெளிப்­ப­டை­யாக ஆத­ரித்து வரு­கி­றார். எனவே அவர் மூல­மாக தின­க­ரன் பாஜக மேலி­டத் தலை­வர்­களை நெருங்­கி­யுள்­ள­தா­கத் தெரி­கிறது. இந்த டெல்லி பய­ணத்­தின் மூலம் பாஜ­க­வு­டன் தின­க­ரன் தரப்பு நெருக்­க­ம­டைய வாய்ப்­புள்­ள­தா­க­வும் அர­சி­யல் பார்­வை­யா­ளர்­கள் கரு­து­கின்­ற­னர்.

கடந்த நாடா­ளு­மன்­றத் தேர்­த­லின்­போது அதி­முக கூட்­ட­ணி­யில் பாஜக போட்­டி­யிட ஐந்து தொகு­தி­கள் மட்­டுமே ஒதுக்­கப்­பட்­டன. மேலும் பாஜக வேட்­பா­ளர்­க­ளுக்கு ஆத­ர­வாக அதி­முக தலைமை பிரச்­சா­ர­மும் மேற்­கொள்­ள­வில்லை.

தேசிய ஜன­நா­ய­கக் கூட்­டணி என்ற பெய­ரை­யும் கூட அதி­முக தவிர்த்­தது. எனவே அதி­மு­கவை உத­றி­விட்டு எதிர்­வ­ரும் சட்­டப்­பே­ர­வைத் தேர்­த­லில் அம­மு­க­வு­டன் பாஜக கூட்­டணி அமைக்க வாய்ப்­புள்­ள­தா­க­வும் ஓர் ஆரூ­டம் அர­சி­யல் களத்­தில் நில­வு­கிறது.

சசிகலா சிறையில் இருந்து முன்கூட்டியே விடுதலையாகும் பட்சத்தில் கூட்டணி தொடர்பான பேச்சுவார்த்தையும் வேகம் பெறும் என்று தமிழக ஊடகம் செய்தி வெளியிட்டுள்ளது.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

வாழ்க்கைத்தொழில் குறித்து முடிவெடுக்க உதவிக்கரம்

கணினித் தொழில்நுட்பம் பற்றி எதுவும் தெரியாத நிலையில் அறிவியல் பாடத்தில் மேல்நிலைத் தேர்வு எழுதிய கீர்த்தனா ஜண்முகம், சில ஆண்டுகளுக்கு முன்னர் சிங்கப்பூர் தொழில்நுட்ப, வடிவமைப்பு பல்கலைக்கழகத்தின் (எஸ்யுடிடி) பொறியியல் கட்டமைப்பு, வடிவமைப்புத் துறையில் சேர்ந்தார்.

ஆயினும், மூன்றரை ஆண்டுகளாக பல்கலைக்கழகத்தில் தாம் முன்னெடுத்த சொந்த முயற்சியால் திறன்களை மேம்படுத்திக்கொண்டதுடன் தற்போதைய கொவிட்-19 நோய்ப் பரவல் சூழலில் பிறருக்குப் பயன்படக்கூடிய செயலி ஒன்றையும் இவர் உருவாக்கியுள்ளார்.

வருங்கால வாழ்க்கைத் தொழில் குறித்து முடிவெடுக்க விரும்பும் மாணவர்களின் தேவைகளை நிறைவேற்ற ‘பிளேன் அஹெட்’ என்ற செயலியின் சோதனை வடிவத்தை தமது இறுதியாண்டு பணித்திட்டத்திற்காக சக மாணவர்கள் சிலருடன் சேர்ந்து கீர்த்தனா உருவாக்கி இருக்கிறார்.

ஒருவரது குணாம்சங்களை நன்கு ஆராயும் ‘எம்பிடிஐ’, ‘ரெய்செக்’ போன்ற தேர்வுகளின் அடிப்படையில் பொருத்தமான வாழ்க்கைத் தொழிலைத் தேர்ந்தெடுக்கவும் கல்வித் தெரிவுகளை ஒப்பிடவும் இந்தச் செயலி உதவும்.

“தொடக்கக் கல்லூரி மாணவர்களைக் கருத்தில்கொண்டு இந்தச் செயலியை நாங்கள் வடிவமைத்தோம்,” என்றார் ஈசூன் தொடக்கக் கல்லூரி முன்னாள் மாணவியான கீர்த்தனா, 22.

உயர்நிலை கல்வியைக் காட்டிலும் அதிகளவில் மாறுபடாத தொடக்கக் கல்லூரி கல்வி முறையில் மாணவர்கள் எந்தத் துறையில் பட்டப்படிப்பைத் தேர்ந்தெடுப்பது, சரியான முடிவை எப்படி எடுப்பது போன்றவற்றில் சிரமத்தை எதிர்நோக்கலாம் என்று இவர் கருதுகிறார்.

“உயர் கல்விக்கான செலவு, வேலைவாய்ப்பு, பட்டப்படிப்பு முடித்தவர்களுக்கு கிடைக்கும் மாதச் சம்பளம் போன்றவற்றை இந்தச் செயலி மூலம் ஒப்பிடலாம்,” என்று கீர்த்தனா கூறினார்.

ஊழியரணி சிங்கப்பூர் அமைப்பின் தகவல்களைக் கொண்டு இந்தச் செயலியை இவர் உருவாக்கினார்.

இந்தச் செயலி பதிவிறக்கம் செய்வதற்கு இன்னமும் தயார்நிநிலையில் இல்லை என்றாலும் அரசாங்கத் தொழில்நுட்ப அமைப்பு (GovTech) மாணவர்களின் பயன்பாட்டிற்கு அதை அறிமுகப்படுத்தக்கூடும்.

ஒவ்வொரு தொடக்கக் கல்லூரிக்கும் கல்வி ஆலோசகர் ஒருவரும் வாழ்க்கைத் தொழில் ஆலோசகர் ஒருவரும் நியமிக்கப்படுவர் என்றும் உயர்நிலைப் பள்ளிகளுக்கான இத்தகைய ஆலோசகர்களின் எண்ணிக்கையும் அதிகரிக்கப்படும் என்றும் கல்வி அமைச்சர் லாரன்ஸ் வோங் அண்மையில் அறிவித்திருந்தார்.

இதனைத் தாம் வரவேற்பதாகக் கூறிய கீர்த்தனா, தொடக்கத்தில் இருந்தே சரியாக திட்டமிட்டு, திறன் மேம்பாட்டில் கவனம் செலுத்த இந்தச் செயலி உதவும் என்றார்.

ஆயினும், கீர்த்தனாவின் கல்விப் பயணம் வேறுபட்டது. தொடக்கத்தில் உயிர் மருத்துவத்துறை மீது ஆர்வமாக இருந்த இவர், இறுதியில் அடிப்படை வகுப்புகளை முடித்த பிறகு வர்த்தக தரவாய்வு (Business Analytics) துறையில் சேர முடிவெடுத்தார்.

“இந்தத் துறையில் கல்வி முடித்தோருக்கு வேலைச் சந்தையில் அதிகம் தேவை இருப்பதை நான் அறிந்தேன். தொழில்நுட்ப ரீதியான மற்ற தெரிவுகளை ஆராய்ந்து அவற்றில் எதில் எனக்கு ஆர்வம் உள்ளது என்பதைப் பற்றி யோசித்தேன்,” என்றார் இவர்.

நிரலிடுதலைப் பற்றி தமக்கு எதுவும் தெரியாவிட்டாலும் ‘பைத்தன்’ நிரலிடுதலை ‘ஹேக்வேகன்’ என்ற தனியார் பள்ளி வாயிலாக தாம் அதைக் கற்றுக்கொண்டதாக கீர்த்தனா சொன்னார். தேசிய சேவையின்போதே மாணவர்கள் இதுபோன்ற திறன்களைக் கற்றால் தொழில்நுட்ப மாற்றங்களுக்கு அவர்களால் ஈடுகொடுக்க முடியும் என்றார் இவர். தொழில்நுட்ப அம்சங்களைச் சுயமாக கற்ற இவர், இளநிலை பட்டதாரிகளுக்கான அரசாங்கம் வழங்கிய மானியத்தைப் பயன்படுத்தி பலனடைந்தார்.

சிறந்த பொறியியல் வடிவமைப்புக்கான ‘ஜேம்ஸ் டைசன்’ விருதை கீர்த்தனாவின் குழு கடந்தாண்டு வென்றது.

“கற்பனையில் தோன்றிய ஒரு பொருளை உருவாக்கும் ஒருமித்த நோக்கம் கொண்ட நண்பர்களுடன் இணைந்து செயல்பட்டது அருமையான அனுபவமாக இருந்தது,” என்று கீர்த்தனாவின் குழுவில் இடம்பெற்ற ஆங் வெய் ஜியே, 24, தமிழ் முரசிடம் தெரிவித்தார்.

“கீர்த்தனா போன்ற தன்முனைப்பு மிகுந்த மாணவர்களுடன் புத்தாக்கப் படைப்புகளை உருவாக்கும் அனுபவம் மிகுந்த மன நிறைவை அளிக்கிறது,” என்று சேரா ஓங், 23, கூறினார்.

தமது இறுதியாண்டு படிப்பின்போது வேலைக்கு விண்ணப்பித்த கீர்த்தனா, சில மாதங்களுக்கு முன்பு நிர்வாக ஆலோசனை நிறுவனம் ஒன்றில் வர்த்தக தரவாய்வாளராக சேர்ந்தார்.

நல்ல வாய்ப்புகளைப் பற்றி தெரிந்துகொள்வதுடன் சமூகத்திற்குத் திருப்பித் தர, இளம் தலைவர்களுக்கான ‘யங் விமன் லீடர்ஷிப் கனெக்‌ஷன்’ என்ற சங்கத்தில் இணைந்துள்ளார்.

இந்த ஆண்டில் பல்கலைக்கழக பட்டதாரிகள் உணர்ந்த அதே தாக்கத்தை தாமும் உணர்ந்ததாக கீர்த்தனா கூறினார்.

“இந்தக் காலகட்டத்தில் வேலை கிடைப்பது மிகவும் சிரமம். கடந்த ஆண்டு ஜூலை மாதத்திலிருந்தே வேலைக்கு விண்ணப்பிக்கத் தொடங்கினேன். தொடர்பு வட்டத்தை விரிவுபடுத்தினேன். மனம் தளராமல் இருப்பது மிகவும் முக்கியம்,” என்றார் கீர்த்தனா.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

பாதுகாவல், தளவாட, துப்புரவுத் துறைகளில் மனிதவளப் பற்றாக்குறை

கொவிட்-19 கொள்­ளை­நோய் சிங்­கப்­பூ­ரைப் பாதிக்­கத் தொடங்கி எட்டு மாதங்­கள் கடந்­த­விட்ட நிலை­யில் பாது­கா­வல், தள­வாட, துப்­பு­ரவு ஆகிய துறை­களில் இன்­னும் மனி­த­வ­ளப் பற்­றாக்­குறை நில­வு­கிறது என்று தெரி­விக்­கப்­பட்­டுள்­ளது. உதா­ர­ணத்­துக்கு, பாது­கா­வல் துறை­யில் வெளி­நாட்டு ஊழி­யர் தங்­கும் விடு­தி­கள் போன்ற சில இடங்­களில் ஏற்­பட்­டுள்ள பாது­கா­வல் அதி­கா­ரி­க­ளுக்­கான பற்­றாக்­குறை அந்த வேலை­க­ளுக்கு வழக்­கப்­படும் சம்­ப­ளத்தை உயர்த்­தி­யுள்­ளது.

இணை­யத்­தில் பதி­வேற்­றம் செய்­யப்­பட்ட ஒரு விளம்­ப­ரத்­தில், ‘பச்சை மண்­ட­லம்’ அதா­வது கொவிட்-19 கிரு­மித்­தொற்­றி­லி­ருந்து விடு­பட்ட ஊழி­யர்­கள் தங்­கும் விடு­தி­களில் உள்ள பாது­கா­வல் அதி­கா­ரி­க­ளுக்கு மாதம் $3,200 சம்­ப­ளம் வழங்க பாது­கா­வல் நிறு­வ­னம் ஒன்று முன்­வந்­துள்­ளது.

பாது­கா­வல் ஊழி­யர்­கள் சங்­க­மும் சிங்­கப்­பூர் சமூக அறி­வி­யல் பல்­க­லைக்­க­ழ­க­மும் இவ்­வாண்டு ஜன­வரி மாதம் முதல் பிப்­ர­வரி மாதம் வரை நடத்­திய ஆய்வு ஒன்­றில், பாது­கா­வல் அதி­காரி ஒரு­வ­ரின் சரா­சரி மாதாந்­திர சம்­ப­ளம் $1,975 என்று கண்­ட­றிந்­தன.

“பாது­கா­வல் அதி­கா­ரி­க­ளுக்­கான சம்­பள விகி­தம் உயர்ந்து விட்­டது. குறிப்­பாக, ‘சிவப்பு மண்­ட­லம்’ அதா­வது கொவிட்-19 கிரு­மித்­தொற்­றி­லி­ருந்து இன்­னும் விடு­ப­டாத ஊழி­யர்­கள் தங்­கும் விடு­தி­க­ளின் பாது­கா­வல் அதி­கா­ரி­க­ளின் சம்­ப­ளம் அதி­க­ரித்­துள்­ளது,” என்­றார் சிங்­கப்­பூர் பாது­கா­வல் சங்­கத்­தின் தலை­வர் திரு ராஜ் ஜோஷுவா தாமஸ்.

“கிரு­மிப்­ப­ர­வல் அதி­க­ரித்­த­போது, பாது­கா­வல் அதி­கா­ரி­க­ளுக்­கான தேவை 10% (5,000 வேலை­கள்) முதல் 20% (10,000 வேலை­கள்) வரை உயர்ந்­தது. அவற்­றில் பெரும்­பா­லா­னவை, உடல் வெப்­ப­நிலை சோதித்­தல், முன்­க­ளப் பணி­யா­ளர்­கள் போன்ற துணைப் பணி­கள்.

“இப்­ப­டிப்­பட்ட வேலை­களை பாது­கா­வல் அதி­கா­ரி­களே தற்­கா­லி­க­மாக கூடு­தல் பொறுப்­பா­கக் கவ­னித்­துக்­கொண்­ட­னர். கொவிட்-19 கிரு­மித்­தொற்று நிலை மெது­வ­டை­யும்­போது பாது­கா­வல் வேலை­க­ளுக்­கான தேவை­யும் குறை­யும் என்று எதிர்­பார்க்­கப்­படு ­கிறது,” என்­றும் திரு ராஜ் தெரி­வித்­தார்.

இதற்­கி­டையே, வெளி­நாட்டு ஊழி­யர்­களை அதி­கம் சார்ந்­தி­ருந்த தள­வா­டம், துப்­பு­ர­வுத் துறை­ க­ளை­யும் மனி­த­வ­ளப் பற்­றாக்­குறை பாதித்­துள்­ளது. துப்­பு­ர­வுப் பணி­கள் அதி­க­மாகி விட்­ட­தால் அதனை ஈடு­கட்ட அத்­துறை ஊழி­யர்­கள் அதி­கம் தேவைப்­ப­டு­கி­றார்­கள் என்று துப்­பு­ரவு நிறு­வ­னங்­கள் கூறு­கின்­றன.

“துப்­பு­ரவு வேலை தொடர்­பான அதி­க­மான விளம்­ப­ரங்­களை நாங்­கள் வெளி­யி­டு­கி­றோம். ஆனால், அந்த வேலை­களை ஏற்­க ­சிங்­கப்­பூ­ரர்­கள் தயங்குகிறார்கள். இப்­போது சிங்­கப்­பூர்-மலே­சிய எல்லை மூடப்­பட்­டி­ருப்­ப­தால், கூடுதல் வெளி­நாட்டு ஊழி­யர்­களை வேலைக்கு அமர்த்த முடி­யாத நிலையில் உள்ளோம்,” என்றார் ஏ1 ஃபெசிலிட்டி நிறுவனத்தின் இயக்குநர் திரு பிரையன் கோ.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

உயர்கல்வி மாணவர்களுக்கு நாகூர் தர்கா இந்திய முஸ்லிம் மரபுடைமை நிலையத்தின் கல்வி உதவி நிதி

உயர்­கல்வி மாண­வர்­க­ளின் கல்­விச் செல­வு­க­ளைக் குறைக்க உதவு­கிறது நாகூர் தர்­கா இந்திய முஸ்லிம் மரபுடைமை நிலையத்தின் கல்வி உதவி நிதி.

இவ்­வாண்­டின் கொவிட்-19 கிரு­மித்­தொற்று ஏற்­ப­டுத்­திய சவால்­களுக்கு மத்­தி­யில் தெலுக் ஆயர் வட்­டா­ரத்­தில் அமைந்­துள்ள நாகூர் தர்கா இந்­திய முஸ்­லிம் மர­பு­டைமை நிலை­யத்­தில் இம்­மா­தம் 12ஆம் தேதி கல்வி உதவி நிதி வழங்கும் நிகழ்ச்சி நடந்­தே­றி­யது.

உயர்­கல்­வி­யில் பயி­லும் மாண­வர்­கள், குறிப்­பாக குறைந்த வரு­மான பின்­ன­ணி­யி­லி­ருந்து வரும் மாண­வர்­க­ளுக்கு கல்வி உத­வி­ நிதி வழங்­கும் நோக்­கத்­தில் பல இனத்­தை­யும் சேர்ந்த மாண­வர்­க­ளுக்கு இந்த விரு­து­கள் வழங்­கப்­பட்டு வரு­கின்­றன.

கிட்­டத்­தட்ட இரண்டு மணி நேரம் நீடித்த நிகழ்ச்­சி­யில் சிறப்பு விருந்­தி­ன­ராக பிர­த­மர் அலு­வ­லக அமைச்­ச­ரும் கல்வி, வெளி­யு­றவு இரண்­டாம் அமைச்­ச­ரு­மான முகம்­மது மாலிக்கி ஒஸ்­மான் கலந்­து­கொண்டு விரு­து­களை வழங்­கி­னார்.

‘வக்­காஃப் ஜாமிஆ’ (Wakaf Jamae) என்ற அறக்­கட்­டளை நிதி­யின் ஆத­ர­வில் இவ்­வாண்டு 25 மாண­வர்­க­ளுக்கு விரு­து­கள் வழங்­கப்­பட்­டன.

பல்­க­லைக்­க­ழ­கத்­தில் பயி­லும் மாண­வர்­க­ளுக்கு $1,000,

பல­து­றைத் தொழிற்­கல்­லூ­ரி­யில் பயி­லும் மாண­வர்­க­ளுக்கு $800, தொழில்­நுட்­பக் கல்­விக் கழ­கங்­களில் பயி­லும் மாண­வர்­க­ளுக்கு $600 என்று கிட்டத்தட்ட $21,000 மதிப்­புள்ள கல்வி நிதி நிகழ்ச்­சி­யில் வழங்­கப்­பட்­டது.

கொவிட்-19 கார­ணத்­தி­னால் பாது­காப்பு தூர இடை­வெ­ளி­யோடு நிகழ்ச்சி நடந்­தா­லும் மாண­வர்­கள், பெற்­றோர்­க­ளின் உற்­சா­கம் குறை­ய­வில்லை என்­றார் நாகூர் தர்கா இந்­திய முஸ்­லிம் மர­பு­டைமை நிலை­யத்­தின் செய­லா­ளர் திரு நசீர் கனி.

“விருது பெற்ற மாண­வர்­கள் எதிர்­கா­லத்­தில், வாழ்­வில் ஒரு நல்ல நிலையை அடை­யும்­போது, அவர்­க­ளுக்கு உத­விய சமு­தா­யத்தை திரும்­பிப் பார்க்­க­வேண்­டும். அவர்­களைப் போன்­ற­வர்­க­ளுக்கு உதவி செய்ய வேண்­டும் என்­பது என் வேண்­டு­கோள்,” என்­றார் திரு நசீர்.

ஏறத்­தாழ 40 விண்­ணப்­பங்­களில் 25 மாண­வர்­க­ளுக்கு மட்­டுமே நிதி வழங்க முடிந்­தது என்­றும் விருது பெறாத மாண­வர்­கள் மற்ற உதவி அமைப்­பு­க­ளுக்­குப் பரிந்­து­ரைக்­கப்­பட்­ட­னர் என்­றும் குறிப்­பிட்­டார் திரு நசீர்.

நன்­யாங் தொழில்­நுட்பப் பல்­கலைக்­க­ழ­கத்­தில் தொழில் பரி­வர்த்­தனை, நிதித் துறை­யில் பயிலும் 24 வயது முஹம்­மது இர்­ஃபா­னுல்­லாஹ் விருது பெற்­ற­வர்­களில் ஒரு­வர். தனிப்­பட்ட செல­வு­கள் உட்­பட பள்­ளிக்­கான கட்­ட­ணங்­க­ளை­யும் சுய­மா­கச் சமா­ளித்து வரு­கி­றார் அவர்.

“சேமிப்பு, வேலைப்­ப­யிற்சித் திட்­டங்­களில் சம்­பா­திப்­பது ஆகிய வழிகளில் தனி­யா­கவே என் கல்­விக்­குக் கட்­ட­ணத்­தைச் செலுத்தி வரு­கி­றேன். என் தந்­தைக்கு உடல்­நலப் பிரச்­சி­னை­கள் உள்­ளன. தாயார் முன்பு பணி­யாற்­றி­னார், தற்­போது இல்­லத்­த­ர­சி­யாக இருக்­கி­றார். அது­போக, எனக்கு மூன்று சகோ­த­ரர்­களும் உள்­ள­னர். இந்தக் கல்வி உத­வி­ நிதி எனக்­கும் என் குடும்­பத்­தா­ருக்­கும் பெரு­ம­ள­வில் உத­வும்,” என்று குறிப்­பிட்­டார் திரு இர்­ஃபா­னுல்­லாஹ்.

அதே பல்­க­லைக்­க­ழ­கத்­தில் உயி­ர் அறி­வி­யல் துறை­யில் பயி­லும் திரு யூசோஃப் ஃபரித், தமது சொந்­தச் செல­வு­க­ளுக்கு பகுதி நேர­மாக ‘ஃபுட்பாண்டா’ உணவு விநி­யோக ஓட்­டு­ந­ராகப் பணி­பு­ரி­கி­றார். அவ­ரும் இந்நிகழ்ச்சியில் விருது பெற்­றார்.

“சொந்­தச் செல­வு­களை நானே வேலை செய்து கவ­னித்­து­கொள்­கி­றேன். கல்­விக்­கான போக்­கு­வரத்து, உணவு என்ற அன்றாட செல­வு­க­ளுக்கு இந்த உத­வித் தொகை­யைப் பயன்­ப­டுத்­து­வேன். என் பெற்­றோர் மீதுள்ள நிதி பாரத்­தைக் குறைக்க இந்த நிதி உத­வும்,” என்­றார் 23 வயது யூசோஃப் ஃபரித்.

விருது பெற்ற தெமா­செக் பல­து­றைத் தொழிற்­கல்­லூ­ரி­யின் இரண்­டாம் ஆண்டு மாண­வ­ரான 19 வயது குமாரி பிரபா வேலா­யு­த­னும் அவ­ருக்கு கிடைத்த $800 கல்வி உதவி நிதி தமது பள்ளிக் கட்­ட­ணங்­க­ளுக்கு உத­வும் என்று­குறிப்­பிட்­டார்.

நாகூர் தர்கா இந்­திய முஸ்­லிம் மர­பு­டைமை நிலை­யத்­தின் வரு­டாந்­திர கல்வி உத­வி­ நிதி விருது வழங்கும் நிகழ்ச்சி 2014ஆம் ஆண்­டி­லி­ருந்து நடந்து வரு­கிறது.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

தாய்லாந்து மன்னருக்கு சவால் விடுக்கும் ‘மக்கள் கேடயம்’

தாய்லாந்து அரசாங்கத்துக்கும் மன்னருக்கும் எதிராக நேற்று ஆர்ப்பாட்டம் நடைபெற்றது.தாய்லாந்து தலைநகர் பேங்காக்கில் உள்ள அரண்மனைக்கு அருகில் உள்ள சனாம் லுவாங் எனும் திடலில் அந்நாட்டு மன்னருக்குச் சவால் விடுக்கும் வகையில் கேடயம் ஒன்றை ஆர்ப்பாட்டக்காரர்கள் வைத்துள்ளனர்.

இந்தக் கேடயத்துக்கு மக்களின் கேடயம் என்று பெயர் வைக்கப்பட்டுள்ளது.

1930களில் அப்போதைய மன்னராட்சிக்கு எதிராக வைக்கப்பட்ட கேடயத்துக்குப் பதிலாக இந்தக் கேடயம் வைக்கப்பட்டுள்ளதாக ஆர்ப்பாட்டத்துக்கு ஏற்பாடு செய்தோர் கூறினர். பழைய கேடயம் 2017ல் காணாமல் போனது. தாய்லாந்தின் மன்னருக்கு இருக்கும் அதிகாரங்கள் தொடர்பாக சீர்திருத்தங்களைக் கொண்டு வர வேண்டும் என்றும் அரசியல் முறையில் மாற்றம் வேண்டும் என்றும் ஆர்ப்பாட்டக்காரர்கள் முழக்கமிட்டனர்.

கடந்த வாரயிறுதியில் நடத்தப்பட்ட ஆர்ப்பாட்டத்தில் அதிகாரிகளின் எச்சரிக்கையைப் பொருட்படுத்தாது ஆயிரிக்கணக்கானோர் பங்கேற்றனர்.

பிரதமர் பிராயுட் சான் ஓ சா பதவி விலக வேண்டும் என்று ஆர்ப்பாட்டக்காரர்கள் கோரி வருகின்றனர்.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

பாலின சமத்துவத்துக்கு முக்கியத்துவம்

பாலின சமத்துவம், பெண்களுடன் பரஸ்பர மரியாதை போன்ற பண்புநெறிகள் தொடர்பாக மக்களின் மனப்போக்கில் மாற்றத்தைக் கொண்டு வர பெண்களைப் பாதிக்கும் விவகாரங்கள் குறித்த முழுமையான மறுஆய்வு தொடர் கலந்துரையாடல்கள் மூலம் நடத்தப்படவுள்ளது. இதுகுறித்து பொதுமக்களுடனும் தனியார் துறையுடனும் மகளிர் மற்றும் இளையர் அமைப்பு களுடனும் அரசாங்கம் இணைந்து செயல்படும் என்று சட்ட, உள்துறை அமைச்சர் கா. சண்முகம் தெரிவித்தார்.

கலந்துரையாடல்களுக்கு அரசியல் பதவி வகிக்கும் மூன்று பெண்கள் தலைமை தாங்குவர் என்று அவர் தெரிவித்தார்.கல்வி மற்றும் சமுதாய, குடும்ப மேம்பாட்டு துணை அமைச்சர் சுன் சூலிங், கலாசார, சமூக, இளையர் துணை அமைச்சர் லோ யென் லிங், சுகாதார அமைச்சுக்கான நாடாளுமன்றச் செயலாளர் ரஹாயு மாசாம் ஆகியோர் கலந்துரையாடல்களுக்குத் தலைமை தாங்குவர்.

கலந்துரையாடல்கள் மூலம் பெறப்படும் ஆலோசனைகளும் பரிந்துரைகளும் அடுத்த ஆண்டின் முதல் பாதியில் நாடாளுமன்றத்தில் வெள்ளை அறிக்கையாக தாக்கல் செய்யப்படும் என்று திரு சண்முகம் கூறினார்.

இந்த விவகாரம் தொடர்பான முதல் மெய்நிகர் கலந்துரையாடல் நேற்று நடைபெற்றது.அதில் கலந்துகொண்டு பேசிய அமைச்சர் சண்முகம், ஆண்களுக்கு இருக்கும் வாய்ப்புகளைப் போல பெண்களுக்கு வழங்கவும் பாலின சமத்துவத்துக்கும்

சிங்கப்பூர் அதிக முயற்சிகளை எடுத்துள்ளது என்று கூறினார். இருப்பினும், நிலைமையை மேம்படுத்த இன்னும் நிறைய செய்ய வேண்டி இருக்கிறது என்றார் அவர். இதற்குத் தொடர்ந்து இடையூறாக இருந்துவரும் கலாசார, சமூகத் தடைகளை எதிர்கொள்ள கலந்துரையாடல்கள் மூலம் கருத்துகள் சேகரிக்கப்படும் என்று திரு சண்முகம் தெரிவித்தார்.

‘பெண்கள் மேம்பாட்டுக் கலந்துரையாடல்கள்’ எனும் தலைப்பின்கீழ் நேற்றைய மெய்நிகர் கலந்துரையாடல் நடத்தப்பட்டது. இதே போல பல மெய்நிகர் கலந்துரையாடல்கள் நடத்தப்பட்டு கருத்துகள் சேகரிக்கப்படும்.

“சிங்கப்பூரில் பெண்களைப் பாதிக்கும் விவகாரங்களை எதிர்கொள்ள வெள்ளை அறிக்கை இலக்கு கொண்டிருக்கும். கூடுதல் பாலின சமத்துவத்துக்குப் பாதை வகுக்க அது முற்படும்,” என்று நேற்றைய மெய்நிகர் கலந்துரையாடலில் கலந்துகொண்ட ஏறத்தாழ 60 பேரிடம் அமைச்சர் சண்முகம் தெரிவித்தார்.

இந்தத் திட்டத்தை சமுதாய, குடும்ப மேம்பாட்டு அமைச்சு ஒருங்கிணைக்க, கலாசார, சமூக, இளையர் அமைச்சும் உள்துறை அமைச்சும் ஆதரவு வழங்குகின்றன. சிங்கப்பூரில் உள்ள பெண்கள் ஊழியரணி, அரசியல், கல்வி போன்ற துறைகளில் முன்னேற்றம் அடைந்திருப்பதாக அமைச்சர் கூறினார். ஆனால் பாலின சமத்துவத்தில் சமுதாயம் மேலும் மேம்பட வேண்டும் என்றார் அவர்.

“ஒவ்வொரு சிறுவனும் சிறுமியும் பாலின சமத்துவம் முக்கியம் என்பதை உணர்ந்து வளர வேண்டும். ஆண்களும் பெண்களும் சமமாக நடத்தப்பட வேண்டும் என்றும் மரியாதையுடன் நடத்தப்பட வேண்டும் என்று சிறு வயதிலிருந்து அவர்களுக்குப் போதிக்க வேண்டும். பாலின சமத்துவம் குறித்து மக்களின் மனப்போக்கு மாற வேண்டும்.

“பாலியல் வன்முறை, பாலினச் சமத்துவமின்மை போன்றவை அடிப்படை நெறிமுறை மீறல்கள் என்ற எண்ணம் அனைவருக்கும் வர வேண்டும்,” என்றார் திரு சண்முகம்.

பாலின சமத்துவம் குறித்து மக்களின் மனப்போக்கை மாற்ற தேவையான வழிமுறைகள் கலந்துரையாடல்களில் ஆராயப்படும் என்று திரு சண்முகம் கூறினார்.

பெண்கள் வீட்டில் எதிர்நோக்கும் பிரச்சினைகளைப் பற்றி அலசி ஆராயப்படும். உதாரணத்துக்கு, கணவரால் துன்புறுத்தப்படும் பெண்களுக்குப் பாதுகாப்பு வழங்கப்படும். மேலும் பள்ளிகளிலும் வேலை இடங்களிலும் பெண்கள் பற்றி நிலவும் எண்ணங்கள் குறித்தும் பாலியல் ரீதியிலான தொல்லைகள், தாக்குதல்கள், வேலையிடப் பாரபட்சம் ஆகியவற்றிலிருந்து பெண்களைப் பாதுகாப்பது குறித்தும் ஆராயப்படும் என்று திரு சண்முகம் தெரிவித்தார்.

“பெண்களுக்குத் தெரிவுகள் உள்ளன என்று கூறும்போது அவை உண்மையான தெரிவுகள்தானா? தங்கள் ஆற்றலை நிரூபிக்க பெண்களுக்கு வாய்ப்பு இருக்கிறதா?” என்று நேற்றைய கலந்துரையாடல் முடிந்த பிறகு திருவாட்டி சுன் கேள்வி எழுப்பினார்.

வேலையிடங்கள், பள்ளிகள், சமூகம் ஆகிய இடங்களில் பெண்களைப் பாதிக்கும் விவகாரங்கள் குறித்து திருவாட்டி ரஹாயுவும் திருவாட்டி லோவும் பேசினர்.

“பெண்கள் பல ஆண்டுகளாக எதிர்நோக்கும் பிரச்சினைகளை கொவிட்-19 தற்போது தெளிவாக எடுத்துக்காட்டுகிறது. குடும்பப் பொறுப்புகளைத் தனியாகச் சுமப்பது, வேலையிடப் பாரபட்சத்தை எதிர்நோக்குவது போன்ற சவால்களைப் பெண்கள் எதிர்நோக்குகின்றனர்.

“நமது தாய்மார்கள், மகள்கள், சகோதரிகள் இத்தகைய சவால்களை ஒவ்வொரு நாளும் எதிர்நோக்குகின்றனர். சில துறைகளில் முன்னேற்றம் உள்ளது. ஆனால் சிங்கப்பூர் பெண்கள் மேம்பட அனைவரும் பங்காற்ற வேண்டும்,” என்று திருவாட்டி ரஹாயு தெரிவித்தார்.

“அனைவரும் ஒன்றிணைந்து செயல்பட்டால் பாரபட்ச நிலையை முடிவுக்குக் கொண்டு வரலாம். அதோடு சிங்கப்பூர் பெண்களின் நிலை மேம்பட வழிவகுக்கலாம். பழைய மனப்போக்குகளை நீக்கி பெண்களின் முன்னேற்றத்துக்கு இடையூறாக இருக்கும் அணுகுமுறைகளை முடிவுக்குக் கொண்டு வரலாம். இதன் மூலம் நமது சமுதாயம் மேலும் முன்னேற்றம் அடையும்,” என்றார் திருவாட்டி லோ.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

கொவிட்-19க்கு எதிரான அரசாங்கக் கட்டுப்பாடுகளை இன்னமும் சிலர் மீறுகின்றனர்

கொவிட்-19 கிருமித் தொற்றை முறியடிக்கும் நோக்கில் அரசாங்கம் பல்வேறு கட்டுப்பாடுகளை விதித்திருந்தாலும் உணவகங்களில் கொவிட்-19 விதிமுறைகளை மீறும் வாடிக்கையாளர்கள் இருக்கவே செய்கின்றனர். கொவிட்-19 பாதுகாப்பு நிர்வாக நடவடிக்கைகளை மீறியதன் தொடர்பில் சென்ற வார இறுதியில் அதிகாரிகள் பல உணவு, பானக் கடைகள் மீது நடவடிக்கை எடுத்தனர். 

இதையடுத்து மக்களிடையே பிரபலமாக இருக்கும் புகிஸ், ஆர்ச்சர்ட் ரோடு, தஞ்சோங் பகார் வட்டாரங்களில் அமைந்துள்ள உணவு, பான வர்த்தகங்களில் பாதுகாப்பு இடைவெளி தூதர்கள் தங்களின் கண்காணிப்புப் பணிகளை அன்றாடம் மேற்கொண்டு வருவதாக வர்த்தகங்கள் கூறுகின்றன. 

கடந்த வெள்ளிக்கிழமை இரவு ஸ்ட்ரெய்ட்ஸ் டைம்ஸ் சுமார் 30 உணவு, பானக் கடைகளைப் பார்வையிடச் சென்றபோது, பெரும்பாலானவற்றில் களை கட்டியிருந்தது. இருப்பினும் ஐந்து நபருக்கு மேல் உள்ள குழுக்களை அனுமதிக்கமுடியாது என்று சில கடைகள் கூறியதாக தெரிவிக்கப்பட்டது.  அப்படியே அனுமதிக்கப்பட்டாலும் அவர்கள் வெவ்வேறு மேசைகளில் அமரவேண்டியிருந்ததுடன் மேசைகளும் அருகருகே இல்லாதவாறு அமைந்திருந்தன. 
 

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

அமைச்சர் சண்முகம்: பாலின சமத்துவத்தை இளம் பிள்ளைகளிடம் ஊக்குவிக்க வேண்டும்

பாலின சமத்துவம் என்பது  குறிப்பிட்ட துறைகளில் உள்ள செயல்முறை அளவைத் தாண்டி இருப்பது முக்கியம் என்பது நமது உணர்வில் ஆழமாகப் பதிந்திருக்க வேண்டும் என்று சட்ட, உள்துறை அமைச்சர் கா. சண்முகம் வலியுறுத்தியுள்ளார்.

“ஒவ்வோர் ஆண் பிள்ளைக்கும், பெண் பிள்ளைக்கும் அவர்களின் சிறு வயதிலிருந்தே இரு பாலினங்களும் சமமாகவும் மதிப்புடனும் நடத்தப்பட வேண்டும் என்று சொல்லிக்கொடுக்க வேண்டும்.

“அப்போதுதான் அந்த எண்ணம் அவர்களில் மனதில் ஆழமாகப் பதிந்து, பாலின வன்முறைக்கு எதிரான ஒட்டுமொத்த சமூகத்தின் முயற்சிக்கு வலு சேர்க்கும்,” என்று ‘பெண்கள் மேம்பாட்டு கலந்துரையாடல்கள்’ எனும் தலைப்பில் இன்று நடைபெற்ற மெய்நிகர் கலந்துரையாடலில் திரு சண்முகம் கூறினார். 

“பெண்கள் மற்றும் பாலின சமத்துவம் என்பது நமக்கு நீண்டகாலமாகவே மிகவும் முக்கியமான அம்சமாக இருந்து வந்துள்ளது. அதற்காக பல முயற்சிகள் மேற்கொள்ளப்பட்டு உள்ளன. அவற்றில் சில இன்னும்  செயலாக்கம் பெற்று வருகிறது.

“பாலின சமத்துவத்தை அடைய இன்னும் பல முயற்சிகள் எடுக்கப்பட வேண்டும். அதை நாம் சாதிக்கலாம் என்ற நம்பிக்கை எனக்கு உண்டு. அதற்கு நமது கலாசார, பண்புநெறிகளில் சில மாற்றங்களைக் கொண்டு வரவேண்டும்,” என்றும் அமைச்சர் விவரித்தார்.

பாலியல் வன்முறைக்கான தண்டனைகளையும் திரு சண்முகம் சுட்டினார். 

“அது ஒரு பெண்ணுக்கு எதிராக ஓர் ஆண் புரியும் குற்றம் என்று இனிமேல் எடுத்துக்கொள்ளப்படாது. ஒரு சாதாரண குற்றத்துக்கு விதிக்கப்படும் தண்டனையாக அது இருக்காது. 

“மாறாக, அது அடிப்படை உணர்வுகளைக் காயப்படுத்திய பெரிய குற்றமாகவே கருதப்படும். அப்படி என்றால், அடிப்படை உணர்வுகளைக் காயப்படுத்திய அந்தக் குற்றம் விசாரணைக்கு வரும்போது, குற்றவாளி இளம் வயதுள்ளவர், அவர் பல்கலைக்கழகத்தில் பயில்கிறார் போன்ற விவாதங்கள் அவரது தண்டனைக் குறைப்புக்கு எந்த அளவுக்கும் உதவாது,” என்றும் அமைச்சர் விளக்கினார்.

“தொடர் குற்றங்களுக்கு தண்டனைகளைக் கடுமையாக்கிக்கொண்டிருக்கும்போது, சிறுவர்களைப் பாலியல் செயல்களுக்குத் தயார்ப்படுத்துதலும் அவர்களைப் பாலியல் செயல்களில் ஈடுபடத் தூண்டுவதும் தலைத்தூக்குகின்றன.

“இப்படிப்பட்ட சம்பவங்களை எதிர்நோக்கும்போது எந்த கண்ணோட்டத்தில் அணுகுவது, இதற்காக புதிய கட்டமைப்பு உருவாக்கப்பட வேண்டுமா என்றெல்லாம் என்னை சிந்திக்க வைக்கிறது,” என்றும் திரு சண்முகம் தெரிவித்தார்.
 

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

சிங்கப்பூரில் பெண்களின் நிலை குறிப்பிடத்தக்க அளவில் உயர்வு

பல ஆண்டுகளாக வெளிப்படுத்தப்பட்ட அனைவரது ஒருமித்த ஒத்துழைப்பின் காரணமாக சிங்கப்பூர் சமூகத்தில்  கல்வி, நாடாளுமன்றத்தில் பிரதிநிதித்துவம், பொருளியலில் பங்களிப்பு ஆகிய அம்சங்களில் பெண்களின் நிலை குறிப்பிடத்தக்க அளவில் உயர்ந்துள்ளது என்று சட்ட, உள்துறை அமைச்சர் கா. சண்முகம் தெரிவித்துள்ளார். 

“இதர முயற்சிகளின் வழி பெண்களை அதிகம் பாதித்த அம்சங்களில் உள்ள பிரச்சினைகளுக்குத் தீர்வு காணப்பட்டது. 

“உதாரணத்துக்கு, பாலியல் செயல்களைப் பார்த்து இன்பம் அடைதலை உள்ளடக்கிய தண்டனைச் சட்டத்தில் கடந்த ஆண்டு கொண்டு வரப்பட்ட திருத்தங்கள், குடும்ப வன்முறை மற்றும் பாதிக்கப்படக்கூடியவர்களை பாதுகாக்க இந்த ஆண்டு அமைக்கப்பட்ட அமைப்புகளுக்கிடையிலான பணிக்குழு ஆகியவற்றைக் குறிப்பிடலாம்.

“இருப்பினும், பெண்கள் தொடர்பில் மேலும் மேம்பாடு காணவேண்டிய சில விவகாரங்கள் உள்ளன. அவற்றில் சில பரிசீலிக்கப்பட்டு வருகின்றன. மற்றவை இன்னும் வடிவமைக்கப்பட்டு வருகின்றன,” என்றும் திரு சண்முகம் விளக்கினார்.

‘பெண்கள் மேம்பாட்டு கலந்துரையாடல்கள்’ எனும் தலைப்பில் இன்று நடைபெற்ற மெய்நிகர் கலந்துரையாடலில் அமைச்சர் சண்முகம் பங்கேற்று முக்கிய உரை ஆற்றினார். 

“இல்லத்தில், பள்ளிகளில், வேலையிடங்களில், சமூகத்தில் பெண்களைப் பாதிக்கும் விவகாரங்கள் பற்றிய கருத்துகள் சேகரிக்கப்படும்.

“பாலின சமத்துவமின்மை தொடர்பான விவகாரங்கள் பற்றிய விரிவான மறுஆய்வு நடத்தப்பட்ட பிறகு அது தொடர்பான வெள்ளை அறிக்கை அடுத்த ஆண்டு முற்பாதியில் நாடாளுமன்றத்தில் தாக்கல் செய்யப்படும்,” என்றும் திரு சண்முகம் கூறினார். 

“1961ஆம் ஆண்டில் அறிமுகப்படுத்தப்பட்ட மாதர் சாசனத்தைத் தவிர, பெண்களின் நலன்களைப் பாதுகாக்கும் புதிய சட்டங்களும் சேர்க்கப்பட்டுள்ளன. 

“சட்ட, உள்துறை அமைச்சர் என்ற முறையில் இது எனது முன்னுரிமைகளில் ஒன்றாக இருந்து வந்துள்ளது. குற்றவியல் சட்ட செயல்முறைகளின்போது பாதிக்கப்பட்டவர்களின் அதிர்ச்சியைக் குறைக்க 2018ல் அறிமுகமான குற்றவியல் நடைமுறைச் சட்டம், பாலியல் வன்கொடுமை தொடர்பான திருமணத் தடைக் காப்பைத் திரும்பப் பெறுதலை உள்ளடக்கி, கடந்த ஆண்டு கொண்டு வரப்பட்ட தண்டனைச் சட்டத்தில் மாற்றங்கள்,” ஆகியவற்றைக் குறிப்பிடலாம் என்றார் அமைச்சர்.

இந்த ஆண்டு கொண்டு வரப்பட்ட துன்புறுத்தலுக்கு எதிரான சட்டத் திருத்தங்களால், பாதிக்கப்பட்டவர்கள் துன்புறுத்தல், பின் தொடர்தல், இணையத் தொந்தரவு ஆகியவற்றிலிருந்து பாதுகாப்பு பெறுவது சாத்தியமானது.

“பெண்கள் புகார் கொடுக்கும் மற்றும் அவர்களுக்கு நீதி கிடைக்க வழி ஏற்படுத்தும் முறையும் எளிதாக்கப்பட்டது. அதற்காக ‘ஒன்சேஃப் சென்டர்’ எனும் நிலையம் போலிசால் அமைக்கப்பட்டது.

“அதன் மூலம் பாலியல் தாக்குதலுக்கு ஆளான பாதிக்கப்பட்டவர்கள் தடயவியல் மற்றும் மருத்துவப் பரிசோதனைக்கு மிகவும் ரகசியமான ஓர் இடத்திற்கு செல்ல  வழி வகுக்கும்.

“கல்வி மற்றும் சமுதாய, குடும்ப மேம்பாட்டு துணை அமைச்சர் சுன் சூலிங், உள்துறை மற்றும் தேசிய வளர்ச்சி துணை அமைச்சர் ஃபைசால் இப்ராஹிம் இருவரும் தலைமையேற்கும் குடும்ப வன்முறைக்கு எதிரான பணிக்குழு இவ்வாண்டு முற்பகுதியில் தொடங்கப்பட்டது. அக்குழு தனது ஆய்வை முடித்து, அடுத்த ஆண்டில் தனது பரிந்துரைகளைச் சமர்ப்பிக்கும்.

“மருத்துவம், சட்டம், கணக்கியல், நிதி, பொருளியலில் சில அம்சங்கள் ஆகியவற்றில் பெண்கள் சிறப்பாகப் பணியாற்றி வருகின்றனர். ஆனால் அவற்றில் அவர்களின் பங்களிப்பை மேலும் சிறப்பாக்க முயற்சிகள் நடைபெற்றுக்கொண்டிருக்கின்றன,” என்றும் அமைச்சர் சண்முகம் வலியுறுத்தினார்.
 

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

எட்வின் டோங்: சமூக முன்னேற்றத்தையும் நற்பண்புகளையும் சட்டங்கள் பிரதிபலிக்க வேண்டும்

எது குற்றம் என தீர்மானிக்கவும் குற்றத்திற்குப் பொருத்தமான தண்டனை எது என்பதை முடிவு செய்யவும் உருவாக்கப்பட்டு உள்ள எல்லா சட்டங்களும் சிங்கப்பூர் சமூகத்தின் முன்னேற்றத்தையும் நற்பண்புகளையும் பிரிதிபலிப்பதாக இருக்க வேண்டும். கலாசார, சமூக, இளையர் அமைச்சர் எட்வின் டோங் இதனைத் தெரிவித்து உள்ளார்.

சிங்கப்பூரின் குற்றவியல் நீதி அமைப்பு, காயம் ஏற்படுத்துவதையும் பாலியல் குற்றங்களையும் தண்டிக்கும் கட்டமைப்பு ஆகியன குறித்து விவாதிப்பதற்காக இன்று நடத்தப்பட்ட மெய்நிகர் கலந்துரையாடலில் பங்கேற்றுப் பேசினார் இரண்டாம் சட்ட அமைச்சருமான திரு டோங்.

தேசிய இளையர் மன்றம், உள்துறை அமைச்சு, சட்ட அமைச்சு ஆகியன இணைந்து நடத்திய இந்நிகழ்வில் 15 வயதுக்கும் 35 வயதுக்கும் இடைப்பட்ட 50 பேர் கலந்துகொண்டனர்.

குற்றவியல் நீதி அமைப்பில் தண்டனை விதிப்பதற்கான நடைமுறையை இளையர்கள் புரிந்துகொள்வதற்கும் உதவியாகவும் அதுகுறித்து அவர்கள் கொண்டிருக்கும் கருத்துகளைக் கேட்டறியவும் இந்தக் கலந்துரையாடலுக்கு ஏற்பாடு செய்யப்பட்டது.

தேசிய பல்கலைக்கழகத்தில் பல் மருத்துவ மாணவரான யின் ஸி குயின், 23, என்பவர் கடந்த ஆண்டு மே மாதம் தமது முன்னாள் காதலியைத் தாக்கியதற்காக கடந்த ஜூலை மாதம் சமூகம் சார்ந்த தண்டனை விதிக்கப்பட்டதைத் தொடர்ந்து இந்தக் கலந்துரையாடலுக்கான அவசியம் ஏற்பட்டது. தாக்குதல் சம்பவத்தின்போது அந்தப் பெண்ணின் குரல்வளையை நெரித்ததோடு அவரது கண்ணில் தமது கட்டை விரலால் அழுத்தியதைத் தொடர்ந்து ரத்தம் சொட்டியது.

இதற்கான தண்டனை விதிக்கப்பட்டதைத் தொடர்ந்து இதேபோன்ற சம்பவங்களுக்கான  தண்டனைக் கட்டமைப்பை மறுஆய்வு செய்ய வேண்டிய நிலை அரசாங்கத்திற்கு ஏற்பட்டது. மாணவருக்கு விதிக்கப்பட்ட தண்டனை தொடர்பில் சுமார் 500 இளையர்களிடம் கருத்து திரட்டப்பட்டதாக தேசிய இளையர் மன்றம் தெரிவித்தது. ஜுலை 22, ஜூலை 23 ஆகிய இரு நாட்கள் நடத்தப்பட்ட கருத்தாய்வில் 15 வயது முதல் 35 வயது வரை உள்ளவர்கள் பங்கேற்றதாகவும் மாணவருக்கு விதிக்கப்பட்ட தண்டனை மிகவும் குறைவு என பத்தில் ஒன்பது பேர் கூறியதாகவும் மன்றம் குறிப்பிட்டது.

மேலும், மாணவரின் செயல் கடுமையானது என கருத்தாய்வில் பங்கேற்ற பெண்களில் முக்கால்வாசிப் பேர் அல்லது 76 விழுக்காட்டினர் கூறினர். ஆண்களில் 69 விழுக்காட்டினரும் அந்தக் கருத்தையே பிரதிபலித்தனர்.

தண்டனை விதிக்கப்பட்டது குறித்துப் பலரும் ஏமாற்றம் தெரிவித்திருப்பதைத் தாம் நன்கு உணர்ந்திருப்பதாகக் கூறிய அமைச்சர் டோங், இந்த விவகாரத்தின் பின்னணியில் உள்ள உணர்வெழுச்சியைத் தாம் புரிந்திருப்பதாகவும் தெரிவித்தார். இருப்பினும் நீதிமன்றத்தின் தீர்ப்பு மதிக்கப்பட வேண்டிய ஒன்று என்றார் அவர்.

“அதே சமயம் இது போன்ற சம்பவங்களுக்கு ஏற்ற சட்டக் கொள்கைகள் என்னென்ன என்றும் இவை சமூக நற்பண்புகளோடு ஒத்துப்போகிறதா என்பதை உறுதி செய்வது எவ்வாறு என்றும் கேள்விகள் எழுப்ப நமக்கு உரிமை உண்டு,” என்றார் அவர்.

சில குற்றவாளிகளுக்கு, குறிப்பாக இளையோருக்கும் கடுமையான குற்றம் புரியாதோருக்கும் இரண்டாவது வாய்ப்பு அளிக்கப்படுகிறது என்பதை அவர் வலியுறுத்தினார். 
கலந்துரையாடலுக்குப் பின்னர் தமது ஃபேஸ்புக்கில் குறிப்பிட்ட திரு டோங், பகிரப்பட்ட கருத்துகள் அனைத்தும் தண்டனைக் கட்டமைப்பின் மறுஆய்வின்போது உள்துறை அமைச்சும் சட்ட அமைச்சும் கவனத்தில் கொள்ளும் என்று தெரிவித்தார்.
 

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon

Pages