மாணவர் முரசு
இ-பேப்பர்
வாரணாசி: வாரணாசி தொகுதியில் நேற்று பிரதமர் மோடி வேட்பு மனுத் தாக்கல் செய்தார். அதில் அவருடைய சொத்து விவரங்கள் பற்றிய தகவல்கள் இடம்பெற்றுள்ளன.
அதன்படி மோடியின் அசையும் மற்றும் அசையா சொத்துகளின் மொத்த மதிப்பு ரூ. 2.51 கோடி.
கடந்த ஐந்து ஆண்டுகளுக்கான ஆண்டு வருமானத்தையும் அவர் வேட்பு மனுவில் குறிப்பிட்டுள்ளார்.
2018 நிதியாண்டில் மோடியின் ஆண்டு வருமானம் ரூ. 19.92 லட்சம், 2017 நிதியாண்டில் ஆண்டு வருமானம் ரூ. 14.59 லட்சம், 2016 நிதியாண்டில் ரூ. 19.23 லட்சம், 2015 நிதியாண்டில் ரூ. 8.58 லட்சம் மற்றும் 2014 நிதியாண்டில் மோடியின் ஆண்டு வருமானம் ரூ. 9.69 லட்சமாக இருந்துள்ளது. பிரதமர் பதவிக்காக வழங்கப்படும் மாத வருமானம் மட்டுமே அவருடைய அதிகபட்ச ஊதியமாக இருந்து வருகிறது. மேலும் தன்னுடைய கையிருப்பில் ரூ. 38,750 பணமும் வங்கி கணக்கில் ரூ. 4.143 பணமும் இருப்பதாக மோடி தெரிவித்துள்ளார். எஸ்பிஐ வங்கியில் மோடி பெயரில் உள்ள வைப்பு நிதியில் ரூ. 1.27 கோடி பணம் உள்ளது. தவிர, ஆயுள் காப்பீட்டுத் திட்டத்தில் அவரிடம் ரூ. 1.90 லட்சம் பணம் உள்ளது. அவரிடம் சொந்தமாக 45 கிராம் தங்கம் உள்ளது. அதன் மதிப்பு ரூ. 1.13 லட்சம்.
