மாணவர் முரசு
இ-பேப்பர்
சுதாஸகி ராமன்
சிங்கப்பூரில் தமிழ்த் திரைப் படங்கள் தயாரிக்கப்படுவது மிகவும் குறைவே என்பதை அறிந்து அத்துறைக்குப் பங் காற்ற வேண்டும் என்ற எண்ணத்தில் திகிலூட்டும் திரைப் படம் ஒன்றை இயக்கியுள்ளார் 22 வயது இளைஞர் சு. சரவணன். மர்மத் திருப்பங்களுடன் கூடிய 'யார்ஷன்' எனப்படும் இந்தத் திரைப்படத்தில் திகிலூட்டும் சிறப்பு நுட்பங்களை கையாண்டுள்ளார் இயக்குநர். 'யார்ஷன்' எனும் முக்கிய கதாபாத்திரம் நிலையற்ற உணர்வு நிலைகளுக்கு ஆளாகிறார். இந்த உணர்வு நிலைகளால் யார்ஷனுக்கும் அவரை சுற்றி இருப்பவர்களுக்கும் ஏற்பட்ட பாதிப்புகளை படம் சித்திரிக்கிறது.
"இப்படம் உருவாவதற்கு கடந்த ஓராண்டு காலமாக உழைத்த நடிகர்கள், தயாரிப்புக் குழுவினருக்கும் ஏப்ரல் 30ஆம் தேதி வெளியிடவிருப்பது அவர்களுடைய உழைப்புக்கு அங்கீகாரமாக அமையும் என்று நம்புகிறேன்," என்றார் சரவணன்.
மேல் விவரங்களுக்கு: https://www.facebook.com/Yarshan- யார்ஷன்-Tamil-Film-1502465926713608/
