இலக்கை எட்ட பார்வையின்மை தடையல்ல

ப. பால­சுப்­பி­ர­ம­ணி­யம்

எளிதில் நாம் மேற்கொள்ளக் ­கூ­டிய பல செயல்பாடுகள் சிறு வய­தி­லேயே கண் பார்வை இழந்த ஜான் தனே­‌ஷுக்கு சவாலாக அமை­ய­லாம். இருப்­பி­னும், ஒரு­ போ­தும் இவர் நம்­பிக்கை இழக்க­வில்லை. தற்போது ரிபப்­ளிக் பல­துறைத் தொழிற்­கல்­லூ­ரி­யில் முதலாம் ஆண்டு மாண­வ­ராக சமூக நிறுவன நிர்­வா­கத் துறையில் பட்­ட­யக் கல்வி மேற்­கொள்­கிறார் 17 வயது ஜான். தாயார், பாட்­டி­ ஆகியோரை உள்­ள­டக்­கிய ஒற்றைப் பெற்றோர் குடும்பத்­தி­ன் அங்கமான ஜான் படி­ப்ப­டி­யாக முன்னேறி, கற்கும் சூழலில் ஒருங்­கிணைய பலர் உதவி­யுள்­ள­னர். இந்த நன்றியை அவர் மறந்­தி­ட­வில்லை.

தன் பங்­கிற்குப் பிற­ருக்கு உத­வு­வதே தன் வாழ்க்கைத் தொழி­லாக அமைய வேண்டும் என இத்துறையில் பயில முடி­வு­ செய்­த­தாக ஜான் கூறினார். இவரது கற்­றலுக்கு ‘ஸ்கிரீன் ரீடர்’ செயலி உத­வு­கிறது. அச்செயலி சொற்களை அவ­ருக்கு வாசித்­துக்­காட்­டுகிறது. கற்­றலுக்கு அவர் கைக்கணி­னியை­யும் சாதாரண விசைப்பலகையையும் பயன்­படுத்­து­கிறார். “குழு நட­வ­டிக்கை­யென்று வரும்­போது, அதில் ஜானின் முழு ஈடுபாடு இருக்­கும். வகுப்­பில் நிறைய கேள்­வி­கள் கேட்பார், எனது மாண­வர்­களில் அதிக தன்­முனைப்பு உடை­ய­வ­ராக அவர் திகழ்­கிறார்,” எனக் கூறினார் ஜானின் விரி­வுரை­யா­ள­ரான திரு பீட்டர் லீ, 39.

கண் ­பார்வை­யின்மை­யால் சில பாடங்களை ஜான் மேற்­கொள்ள முடியாது. ஆனாலும் அந்த வகுப்­பு­கள் நடத்தப்படும்­போது விரி­வுரை­யா­ளர்­கள் கற்­பிப்­பதைச் செவி­ம­டுத்து ஜான் கேள்விக் கணைகளைத் தொடுக்கும்போது அது சக மாண­வர்­களி டையே நேர்­மறை­யான தாக்­கத்தை ஏற்­படுத்­து­கிறது என ஜானின் மற்றொரு விரி­வுரை­யா­ள­ரான திரு டேனி லீ தெரி­வித்­தார். “நல்ல மதிப்­பெண்­கள் பெற்று பல்­கலைக்­க­ழ­கத்­திற்கு முன்னேற வேண்டும். அங்கு சட்டம், சமூ­க ­வி­யல் தொடர்­பான துறை­களில் பயின்று ஒரு வழக்­க­றி­ஞ­ராக வேண்டும்,” என்பதே தமது இலக்கு என்றார் ஜான்.

வழக்­க­றி­ஞ­ரின் சேவையை நாடு­வதற்கு சில­ருக்கு வசதி இருக்­காது என உணரும் ஜான், எதிர்­கா­லத்­தில் அத்­தகை­யோ­ருக்கு இல­வ­ச­மாக உதவ விரும்­பு­கிறார். விருப்­ப­மான நட­வ­டிக்கை­களில் அவர் ஈடுபட பார்வை­ யின்மை தடையாக இருந்த­ தில்லை. பொழு­து­போக்கு நட­வ­டிக்கை­களில் ஒன்றாக, நேரம் கிடைக்­கும்­போ­தெல்­லாம் ஜான் ஜூரோங் நீச்சல் வளா­கத்­திற்குச் சென்று நீந்­துகிறார். “யாருக்கு உதவி தேவைப்­பட்­டா­லும் அவ­ருக்கு உத­வு­வ­தில் மனம் ஒருவித ­தி­ருப்தி கொள்கிறது. தனிமனிதனாக உலகை என்னால் மாற்­றி­ட­ மு­டி­ யாது. ஆனால் என் வாழ்­நா­ளில் குறைந்தது 5 பேருக்­கா­வது உதவ முடிந்தால் நான் வாழ்ந்த வாழ்க்கைக்கு அர்த்­தம் இருக்­கும் என்று கருதுகிறேன்,” என்றார் ஜான்.

இப்பகுதியில் மேலும் செய்திகள்

திருநாவுக்கரசு வள்ளியம்மை

18 Nov 2019

பாடலும் என் பள்ளியும்

குமாரி சர்மிலி செல்வராஜி

18 Nov 2019

‘தடமாற்றங்களால் ஏற்படும் தடுமாற்றங்கள்’

‘ஊடறு’ அனைத்துலக அமைப்பின் ஏற்பாட்டில் ‘பெண்நிலைச் சந்திப்பும் பெண்ணிய உரையாடலும்’ நிகழ்வு நவம்பர் 2, 3 இரு நாட்களும் காலை 10.30 மணி முதல் இரவு 7.30 மணி வரையில் தேசிய நூலகத்தில் நடைபெற்றது.
நிகழ்ச்சியில் சிறப்பு விருந்தினராகப் பங்கேற்று ‘சிங்கையில் இந்தியப் பெண்கள்’ என்ற தலைப்பில் உரையாற்றிய திருவாட்டி கான்ஸ்டன்ஸ் சிங்கம் சிங்கப்பூர் பெண்களின் சிறப்புகளை எடுத்துரைத்தார்.
படங்கள்: ஸ்ட்ரெய்டஸ் டைம்ஸ்

18 Nov 2019

பெண்ணியத்திற்காக குரலெழுப்பும் மாதர்