ராசிபலன்

மேஷம்
ரிஷபம்
மிதுனம்
கடகம்
சிம்மம்
கன்னி
துலாம்
விருச்சிகம்
தனுசு
மகரம்
கும்பம்
மீனம்

கும்பம்

இன்றைய பலன்:

எக்காரணம் கொண்டும் யாரிடமும் கடுமையாக நடந்து கொள்ள வேண்டாம். கூடுமான வரையில் இன்று அனைவரிட மும் இணக்கமான போக்கை கடைப்பிடிக்கப் பாருங்கள். சிறு தடைகள் உண்டு. எனினும் சமாளித்து நடைபோடுவீர்கள்.

அதிர்ஷ்ட எண்கள்: 3, 9.
நிறம்: இளஞ்சிவப்பு, மஞ்சள்.

 

வார பலன் :  08-12-2019 முதல் 14-12-2019 வரை

அன்புள்ள கும்ப ராசிக்காரர்களே,

வருடக் கோள்களான குரு, சனி, கேதுவும் மாதக் கோளான சுக்கிரனும் ராசிக்கு 11ஆம் இடத்தில் சஞ்சரிக்கும் அமைப்பு மகத்தான பலன்களைத் தரும். 3ஆம் இட சந்திரன், 9ஆம் இட செவ்வாய், 10ஆம் இட புதன், சூரியன் ஏற்றம் தருவர். 5ஆம் இட ராகுவால் நலமில்லை.

ஆதாயங்களுக்காக ஓடியாடி உழைக்கக்கூடியவர்கள் என உங்களைக் குறிப்பிடலாம். இவ்வாரம் உங்களுக்குச் சாதகமாக சில விஷயங்கள் நடந்தேறும் என எதிர்பார்க்கலாம். அடுத்து வரும் நாட்களில் மனதில் உற்சாக உணர்வு குடிகொண்டிருக்கும். பணம் பல வழிகளிலும் வந்து சேர்ந்து உங்கள் பையை நிரப்பும். தேவைகள் குறைவின்றிப் பூர்த்தியாகும். பணம் கொடுக்கல் வாங்கல் வகையில் நீடித்த சிக்கல்கள் சில முடிவுக்கு வருவது நிம்மதியைத் தரும்.

சுபப்பேச்சுகள் வளர்முகமாய் அமையும். முன்பே நிச்சயித்த சுப காரியங்கள் நல்லவிதமாக நடந்தேறும். இழுத்தடித்து வந்த சில வழக்குகள் தொடர்பில் நல்ல திருப்பங்களை எதிர்பார்க்கலாம். நண்பர்களில் சிலர் தோள் கொடுப்பர். உறவினர்கள் உங்களிடம் சில உதவிகளை எதிர்பார்ப்பர். உடல்நலம் நன்றாக இருக்கும். உபாதைகள் ஏதும் தலைதூக்காது என நம்பலாம். பயணங்கள் இனிய அனுபவங்களையும் ஆதாயங்களையும் தரும்.

ஈடுபட்ட காரியங்களில் பலவற்றைச் சிறப்பாக செய்து முடித்து பாராட்டுகளைப் பெறுவீர்கள். புதுப் பொறுப்புகளை ஏற்பதில் அவசரம் கூடாது. பணியாளர்களும் வியாபாரிகளும் உழைப்புக்குரிய ஏற்றம் காண்பர். வார இறுதியில் சவாலான பொறுப்புகள் வந்து சேரும்.

நல்லதொரு குடும்பம் பல்கலைக்கழகம் எனச் சொல்லும் வகையில் உங்கள் குடும்பம் இருக்கும். குடும்பத்தாருடன் விருந்து நிகழ்ச்சிகளில் பங்கேற்று மகிழலாம்.

அனுகூலமான நாட்கள்: டிசம்பர் 8, 9.
அதிர்ஷ்ட எண்கள்: 4, 7.