ராசிபலன்

கும்பம்

இன்றைய பலன்:

கும்பம் உங்களை தங்கள் வலையில் சிக்கவைக்க ஒருசிலர் தூண்டில் வீசக்கூடும். அத்தகையவர்களிடம் இனம்கண்டு ஒதுங்கி நில்லுங்கள். பண விவகாரங்களில் கூடுதல் கவனம் தேவை. புதுச் செலவுகள் முளைக்கும்.

அதிர்ஷ்ட எண்கள்: 4, 9.

நிறம்: இளஞ்சிவப்பு, பச்சை.

வார பலன் : 18-07-2021 முதல் 24-07-2021 வரை

அன்புள்ள கும்ப ராசிக்காரர்களே,

இவ்வாரம் உங்கள் ராசிக்கு 6ஆம் இடத்தில் நுழையும் புதன், சூரியனின் பலம் அதிகரிக்கும். 9ஆம் இட சந்திரன் நல் ஆதரவு நல்குவார். ஜென்ம குரு, 4ஆம் இட ராகு, 10ஆம் இட கேது, 12ஆம் இட சனியின் பலம் கெடும். 7ஆம் இடம் வரும் சுக்கிரன், செவ்வாயின் இடமாற்றங்கள் சாதகமற்றவை.

சூழ்நிலைக்கு ஏற்ப சாதுரியமாகச் செயல்படக் கூடியவர்கள் என உங்களைக் குறிப்பிடலாம். இவ்வாரம் உங்களது இயல்புக்கேற்ப செயல்பட வேண்டியது அவசியமாகிறது. சற்றே அசந்தாலும் நற்பெயர் பாதிக்கப்படக் கூடும் என்பதால் எங்கும் எதிலும் இரட்டிப்புக் கவனம் தேவை. அடுத்து வரும் நாள்களில் சுற்றி உள்ள அனைவரையும் நம்பிவிட முடியாது. சிலர் நட்பு, உறவுப் போர்வையில் கூட இருந்தே குழி பறிக்கக்கூடும். எனவே, ‘தான் உண்டு தன் வேலை உண்டு’ என இருந்துவிடப் பாருங்கள். உடல்நலம் நன்றாக இருக்கும். ஆதாயங்களுக்கு ஆசைப்பட்டு அலைந்து திரிவது கூடாது. வேலைப்பளு அதிகரிக்கும் எனில், மறுபக்கம் தடைகளும் இடையூறுகளும் ஒன்றன் பின் ஒன்றாக வரிசைகட்டி நிற்கும். உதவிகளை எதிர்பார்க்க வேண்டாம். உழைப்பு, விடாமுயற்சி ஆகியவை போராட்டத்தை மீறி வெற்றியைத் தரும். வருமான நிலை சற்று ஏற்ற இறக்கமாக இருக்கும். அத்தியாவசியத் தேவைகள் ஈடேறும். சிலருக்கு சேமிப்புகள் கரையக் கூடும். புது முயற்சிகள், வழக்குகள் தொடர்பில் நிதானம் தேவை. சொத்துகள் தொடர்பில் சிலருக்கு எதிர்பாராத ஆதாயங்களுக்கு வாய்ப்புண்டு. பணியாளர்களும் வியாபாரிகளும் கடமையே கண்ணாக இருப்பது நல்லது. வார இறுதியில் எதிரிகளின் போக்கை கவனித்துச் செயல்படவும். இச்சமயம் குலதெய்வ வழிபாடுகளைச் செய்வது நல்லது.

குடும்ப வாழ்க்கை இனிக்கும். பிள்ளைகளால் ஆதாயமுண்டு.

அனுகூலமான நாட்கள்: ஜூலை 23, 24.

அதிர்ஷ்ட எண்கள்: 1, 5.