கடகம்

இன்றைய பலன்:

இது திருப்திகரமான நாளாக அமையும் என எதிர் பார்க்கலாம். நீண்ட நாள் சிக்கல் ஒன்றில் இருந்து விடுபடுவீர்கள். மற்றும் சிலருக்கு எதிர்பார்த்திருந்த தரப்பில் இருந்து உதவிகள் கிடைப்பது உற்சாகம் தரும். 

அதிர்ஷ்ட எண்கள்: 5, 9.
நிறம்: பச்சை, வெளிர்நீலம்.

வார பலன் :  19-1-2019 முதல் 25-1-2020 வரை

அன்புள்ள கடக ராசிக்காரர்களே,

வருடக் கோள்களான கேது மற்றும் சனீஸ்வரன் ராசிக்கு 6ஆம் இடத்தில் சஞ்சரிக்கும் அமைப்பு பிரமாதம் எனலாம். 4ஆம் இட சந்திரன், 8ஆம் இட சுக்கிரன் நற் பலன்களைத் தருவர். 5ஆம் இட செவ்வாய், 6ஆம் இட குரு, 12ஆம் இட ராகுவால் நலமில்லை. புதன், சூரியனுக்கு 7ஆம் இடம் சாதகமாகாது.

தன் கையே தனக்கு உதவி என்பதில் நம்பிக்கை கொண்டவர் நீங்கள். இவ்வாரம் நல்ல பல வாய்ப்புகளும் புதுப் பொறுப்புகளும் தேடி வரக்கூடும். உங்கள் சக்திக்குட்பட்ட, அதேசமயம் அதிக ஆதாயம் உள்ளவற்றை ஏற்கலாம். நட்பு வட்டாரத்தில் எதிர்பார்த்த சில உதவிகள் கிட்டும். சில முக்கிய விவகாரங்கள் தொடர்பில் நீங்கள் எடுக்கும் முடிவுகள் சரியாக இருக்கும். அடுத்து வரும் நாட்களில் உங்களுக்குரிய பணிச்சுமை அதிகரிக்கலாம். இதற்காக அலுத்துக்கொள்ளத் தேவையில்லை. உங்கள் உழைப்புக்குரிய நற்பலனை நிச்சயம் அறுவடை செய்திடலாம். தடைகளைச் சமாளிக்க நண்பர்கள் உதவுவர். உங்கள் உடல்நலனில் எந்தக் குறையும் ஏற்படாது. வரவுகள் திருப்தி தரும். குரு தர மறுக்கும் வரவுகளை சனியருளால் பெறலாம். மறுபக்கம் எதிர்பாராமல் முளைக்கும் செலவுகளையும் ஈடுகட்டலாம். முன்பே முடிவான மங்கள காரியங்கள் அமோகமாக நடந்தேறும். பணியாளர்கள் உற்சாகமாகவும் வேகமாகவும் செயல்படுவர். கூட்டுத்தொழில் புரிவோர் கூட்டாளிகளிடம் சற்றே கவனமாக இருப்பது நல்லது. வார இறுதியில் மறைமுக எதிரிகளின் ஆதிக்கம் இருக்கும். கவனம் தேவை.

இல்லறம் நல்லறமாகத் திகழும். உடன்பிறந்தோர் உற்ற துணையாய் இருப்பர். 

அனுகூலமான நாட்கள்: ஜனவரி 19, 21.

அதிர்ஷ்ட எண்கள்: 4, 6.