மகரம்

இன்றைய பலன்:

மகரம் நினைத்தது ஒன்று, நடப்பது வேறொன்று என்பது போன்ற சூழ்நிலை இருக்கலாம். எனினும் சமாளித்து நடைபோடுவீர்கள். முன்பு தடைபட்ட பணிகள் இன்று வேகம் காணக்கூடும்.

அதிர்ஷ்ட எண்கள்: 2, 5 நிறம்: இளஞ்சிவப்பு, நீலம்

வாரப் பலன்:

அன்­புள்ள மகர ராசிக்­கா­ரர்­களே,

இவ்வாரம் சந்திரனின் அருளைப் பெறலாம். புதன், சுக்கிரன் நற்பலன்களைத் தருவர். ராகு, கேது, செவ்வாய், சூரியனால் நலமில்லை. குரு, சனியின் மங்கலத்தன்மை கெடும்.

நல்ல பேச்சாலும் நற்குணங்களாலும் கவனம் ஈர்ப்பவர்கள் நீங்கள். தற்போது உங்களது வாழ்க்கைப் பாதையில் எதிர்பாராத தடைகளும் இடையூறுகளும் ஏற்படக்கூடும். சிலர் உங்கள் மீது வீண்பழி சுமத்தக் காத்திருப்பார்கள். மற்றொரு தரப்பு உங்கள் உழைப்பை உறிஞ்சி ஆதாயங்களை அபகரிக்கும் எண்ணத்தோடு செயல்படுவர். இத்தகையவர்களை உங்களது நட்பு, உறவு வட்டாரங்களில் களையெடுக்கப் பாருங்கள். இவ்வாரம் அவ்வப்போது சிறு மனக்குழப்பங்களுக்கு ஆட்பட நேரிடலாம். முக்கியப் பணிகளை முடிக்க அதிக உழைப்பு தேவைப்படும். உழைப்பிற்குரிய ஆதாயங்கள் கிடைக்காமல் போகலாம். எனினும் விடாமுயற்சியாலும் உழைப்பாலும் நற்பெயரைத் தக்கவைத்துக் கொண்ட மனநிறைவு கிட்டும் என்பதில் மாற்றுக் கருத்தில்லை. தற்போது வருமான நிலை அவ்வளவு சிறப்பாக இருக்காது. வழக்கமான தொகைகள் சில உரிய நேரத்தில் வந்து சேராமல் போகலாம். அடிப்படைத் தேவைகள் நிறைவேறும் என்றாலும் அவ்வப்போது பணப்பற்றாக்குறையால் குழம்ப நேரிடும். உடல்நலம் பாதிக்கப்படலாம் என்பதால் கவனம் தேவை. பணியாளர்கள் திடீர் சங்கடங்களை எதிர்கொள்வர். வியாபாரிகள் அகலக்கால் வைத்துவிடக்கூடாது. வார இறுதியில் நிலைமை உங்கள் கட்டுக்குள் வரக்கூடும். இச்சமயம் எதிர்பாராத ஆதாயங்கள் கிட்டும்.

குடும்பத்தில் அமைதி நிலவும். உடன்பிறந்தோர் உதவிகரமாக இருப்பர்.

அனுகூலமான நாள்கள்: ஏப்ரல் 17, 19

அதிர்ஷ்ட எண்கள்: 4, 9