மகரம்

இன்றைய பலன்:

மகரம் ஓய்வு குறித்து யோசிக்காமல் உழைத்தீர்கள் எனில், இரட்டிப்பு ஆதாயங்களைப் பெற்று மகிழலாம். இன்று முக்கிய விவகாரங்கள் தொடர்பில் நீங்களே நன்கு யோசித்து முடிவெடுப்பது நல்லது.

அதிர்ஷ்ட எண்கள்: 1, 2

நிறம்: ஊதா, பச்சை

வார பலன் : 15-08-2021 முதல் 21-08-2021 வரை

அன்புள்ள மகர ராசிக்காரர்களே,

வருடக் கோளான கேது ராசிக்கு 11ஆம் இடத்தில் சஞ்சரிக்கும் அமைப்பு சிறப்பானது. இங்குள்ள சந்திரனும் நலம்புரிவார். 2ஆம் இட குரு, 8ஆம் இட புதன், 9ஆம் இட சுக்கிரனின் அருளைப் பெறலாம். ஜென்ம சனி, 5ஆம் இட ராகுவால் நலமில்லை. 8ஆம் இடம் வரும் சூரியன், அங்குள்ள செவ்வாயுடன் இணைந்து சஞ்சரிக்கும் அமைப்பு சாதகமற்றது.

காலம், நேரம் பார்க்காமல் உழைக்கக் கூடியவர்கள் என உங்களைக் குறிப்பிடலாம். தற்போது குருவருள் கிட்டும் எனில், மறுபுறம் ஜென்ம சனியின் சீற்றமும் இருக்கும். எனவே இடைநிலைப் பலன்கள் உண்டாகும் எனப் புலனாகிறது. அடுத்து வரும் நாள்களில் உங்கள் மனதில் தைரியம், தன்னம்பிக்கை அதிகரிக்கும். எதிரிகளையும் எதிர்ப்புகளையும் சமாளிக்கும் ஆற்றல் மேலோங்கும். வருமான நிலை நன்றாக இருக்கும். வரவுகள் சரளமாகக் கிடைக்கும். மறுபுறம் செலவுகள் அதிகரிக்கும். குடும்ப நலன், பிள்ளைகளின் எதிர்காலம் தொடர்பில் முக்கிய செலவுகள் இருக்கும். ஒருசிலருக்கு வீடு, வாகனம் வகையில் வீண் விரயங்கள் ஏற்படலாம். இச்சமயம் நெருக்கமானவர்கள் என்றாலும் பண விவகாரங்களில் கறாராகவும் கவனமாகவும் நடந்துகொள்ளுங்கள். இவ்வாரம் நீங்கள் ஈடுபடும் பணிகள் சில சட்டென முடியும் எனில், சில நண்பர்களின் உதவியுடன் செய்ய வேண்டி இருக்கும். மங்கலப் பேச்சுகளில் இருந்த தடைகள் விலகிடும். உடல்நலம் ஒரே சீராக இருக்காது. எனவே பயணங்களைத் தவிர்த்திடுங்கள். பணியாளர்களும் வியாபாரிகளும் உழைப்புக்குரிய ஆதாயங்களைப் பெறுவர். வார இறுதியில் முக்கிய சந்திப்புகள் நிகழலாம். இச்சமயம் புது பொறுப்புகள் தேடி வரலாம்.

குடும்பத்தில் அமைதியான சூழ்நிலை இருக்கும். பிள்ளைகளின் புத்திக்கூர்மை பளிச்சிடும்.

அனுகூலமான நாள்கள்: ஆகஸ்ட் 16, 18.

அதிர்ஷ்ட எண்கள்: 1, 5.