துலாம்

இன்றைய பலன்:

துலாம் ஏமாற்றுப் பேர்வழிகள் முற்றுகையிட வாய்ப்புண்டு. இன்று கூடுமானவரை எந்தப் பணியையும் ஒத்திப்போட வேண்டாம். சந்திப்புகள் சாதகமாகும்.

அதிர்ஷ்ட எண்கள்: 5, 9 நிறம்: ஊதா, பச்சை

வாரப் பலன்:

அன்­புள்ள துலா ராசிக்­கா­ரர்­களே,

ஆண்டுக்கோள்களான குருவும் ராகுவும் ஏற்றமான பலன்களைத் தருகின்றன. புதன், சந்திரன், சுக்கிரனின் ஆதரவைப் பெறலாம். சூரியன், கேது, சனி, செவ்வாய் ஆகிய அமைப்புகள் சாதகமற்றவை.

நல்லவர்களைத் தேடிப்பிடித்து நண்பர்களாக மாற்றிக் கொள்பவர்கள் நீங்கள். தற்போது குருபகவான் வழக்கம்போல் உங்களுக்கு ஆதரவாக உள்ளார். எனவே, நீங்கள் திட்டமிட்டபடி பலவற்றைச் சாதிப்பீர்கள். அதேசமயம், இதர கிரகங்களின் அமைப்பைக் கண்டு சற்றே அடக்கி வாசிப்பதும் நல்லது. அடுத்து வரும் நாள்களில் பொருளாதார நிலை நன்றாக இருக்கும். எதிர்பார்த்த தொகைகள் பல உரிய நேரத்தில் கைக்கு வந்து சேரும். உங்களுடைய நீண்டநாள் விருப்பங்கள் நிறைவேறக்கூடும். புதுப் பொருள்களின் சேர்க்கை உண்டாகும். தற்போது முக்கியப் பொறுப்புகளை நிறைவேற்ற நினைப்பீர்கள் எனில், ஓய்வின்றி உழைப்பது அவசியம். தடைகள், போட்டிகள் இருக்கவே செய்யும் என்பதை மனத்தில் கொள்ளுங்கள். வயிற்று வலி, உடல்சோர்வு என அவ்வப்போது சிறு உடல் கோளாறுகள் தோன்றி மறையும் நேரமிது. உரிய ஓய்வும் மருத்துவ ஆலோசனைகளும் பெற வேண்டும். புது முயற்சிகள் இழுத்தடிக்கக்கூடும். சொத்துகள் தொடர்பான முயற்சிகள் சாதகமாகும். பணியாளர்களுக்கு மேலதிகாரிகள் ஆதரவு கிட்டும். செய்தொழிலில் சாதகமான திருப்பங்கள் உண்டாகும். வார இறுதியில் முக்கியச் சந்திப்புகள் நிகழும் வாய்ப்புண்டு. இச்சமயம் பண விவகாரங்களில் இரட்டிப்புக் கவனம் தேவை.

குடும்ப உறுப்பினர்கள் இடையே நல்லிணக்கம் இருக்கும். உடன்பிறந்தோர் ஆதரவுண்டு.

அனுகூலமான நாள்கள்: ஏப்ரல் 16, 17

அதிர்ஷ்ட எண்கள்: 1, 4