துலாம்

இன்றைய பலன்:

நிச்சயம் சிக்கல் வரும் எனத் தெரிந்திருந்தும் சில விவகாரங்களில் தலையிடுகிறீர்கள் எனில் தவறு உங்கள்மீதுதான். இதை மனதிற் கொண்டு இன்று கவனமாக நடைபோடுவது நல்லது. சிறு வரவுகள் தேடிவரும்.

அதிர்ஷ்ட எண்கள்: 5, 6.
நிறம்: வெண்மை, நீலம்.

வார பலன்:  19-1-2019 முதல் 25-1-2020 வரை

அன்புள்ள துலா ராசிக்காரர்களே,

உங்கள் ஜென்மராசியில் வீற்றிருக்கும் சந்திரன் அனுகூலங்களைத் தருவார். 5ஆம் இட சுக்கிரனால் நலமுண்டு. 3ஆம் இட சனி, கேது, 9ஆம் இட ராகு ஏற்றங்களைத் தருவர். 4ஆம் இட புதனால் நலமுண்டு. இங்குள்ள சூரியனின் ஆதரவு இல்லை. 2ஆம் இட செவ்வாய், 3ஆம் இட குருவின் சுபத்தன்மை கெடும்.

இருப்பதைக் கொண்டு நிறைவாக வாழ வேண்டும் என நினைப்பவர் நீங்கள். இவ்வாரம் புதிய திட்டங்கள் பலவற்றைச் செயல்படுத்த இயலும். இதற்கேற்ப சூழ்நிலையும் சாதகமாக இருக்கும். அடுத்து வரும் நாட்களில் உங்களுக்குரிய வரவுகள் சிறப்பாக இருக்கும். வழக்கமான தொகைகளில் சில கைக்கு வராமல் போகும் வாய்ப்புண்டு. மறுபக்கம் செலவுகள் அதிகரிக்கும். எதை ஈடுகட்டுவது, எதை தள்ளிப்போடுவது என்பதைப் பிரிக்கமுடியாத வகையில் அனைத்தும் முக்கிய செலவுகளாகவே அமையும். கொடுக்கல் வாங்கல் தொடர்பில் மிகுந்த கவனம் தேவை. இது விஷயத்தில் யாரையும் கண்மூடித்தனமாக நம்பிவிட வேண்டாம். உடல்நலம் குறித்த கவலையே தேவையில்லை. உபாதைகள் ஏதும் இன்றி உற்சாகமாக வலம் வருவீர்கள். முன்பு நலம் குன்றியிருந்த வீட்டாரும் இப்போது நலம் பெறுவர். ஈடுபட்ட காரியங்களில் பலவற்றை கச்சிதமாகச் செய்து முடித்து பாராட்டு பெறுவீர்கள். காரியத் தடைகளால் அதிக பாதிப்புகள் இருக்காது. புதிய முயற்சிகளில் அகலக்கால் வைப்பது கூடாது. பணியிடத்தில் மேலதிகாரிகளின் ஆதரவு கிடைத்திடும். வியாபார ரீதியில் எதிர்பார்த்த வளர்ச்சி உண்டாகும். வார இறுதியில் திடீர்ப் பயணங்கள் மேற்கொள்ள நேரிடலாம். இச்சமயம் முக்கிய சந்திப்புகள் நிகழவும் வாய்ப்புள்ளது.

இல்லறம் நல்லறமாகத் திகழும். உறவினர் வீட்டு விசேஷங்களில் பங்கேற்று மகிழலாம்.

அனுகூலமான நாட்கள்: ஜனவரி 20, 21.

அதிர்ஷ்ட எண்கள்: 4, 8.