விருச்சிகம்

இன்றைய பலன்:

ஆதாயம் இல்லை என்று நன்கு தெரிந்தும் சில இனங்களில் கால் பதிக்கிறீர்கள் எனில் தவறு உங்கள்மீதுதான். இன்று வெளிவேலைகளில் சில சிக்கல்கள் இன்றி நடந்தேறும். குழப்பங்கள் சில முடிவுக்கு வரும்.

அதிர்ஷ்ட எண்கள்: 6, 9.
நிறம்: வெளிர்மஞ்சள், பச்சை.
 

வார பலன் : 08-12-2019 முதல் 14-12-2019 வரை

அன்புள்ள விருச்சிக ராசிக்காரர்களே,

உங்கள் ராசிக்கு 6ஆம் இடத்தில் உலவும் சந்திரன் அனுக்கிரகப் பார்வை வீசுவார். 2ஆம் இட குரு, சுக்கிரன் சுபப் பலன்களைத் தருவார்கள். ஜென்ம புதனால் நலமுண்டு. இங்குள்ள சூரியனின் ஆதரவு இல்லை. 2ஆம் இட கேது, சனி, 8ஆம் இட ராகு, 12ஆம் இட செவ்வாயின் சுபத்தன்மை கெடும்.

சூழ்நிலைக்கேற்ப வளைந்து கொடுத்து செயல்படக்கூடிய பக்குவசாலிகள் என உங்களைக் குறிப்பிடலாம். அடுத்து வரும் நாட்களில் உங்களுக்குரிய வரவுகள் சிறப்பாக இருக்கும். வழக்கமான வருமானம் தடையின்றிக் கிடைப்பதால் தேவைகள் அனைத்தும் பூர்த்தியாகும். பல நாட்களுக்கு முன் கைவிட்டுப்போன சில தொகைகள் தற்போது கிடைப்பது ஆச்சரியம் கலந்த மகிழ்ச்சியைத் தரும்.

பணம் கொடுக்கல் வாங்கல் வகையிலான சிக்கல்கள் படிப்படியாகத் தீரும். சேமிப்புகளை உயர்த்த நினைக்கிறீர்கள் எனில் செலவுகளைக் கட்டுப்படுத்துவது முக்கியம். நட்பு, உறவு வட்டாரம் இயல்பாகப் பழகும். தானாகத் தேடி வந்து இனிக்கப் பேசுபவர்களை நல்லவர்கள் என்று நம்பி ஏமாற வேண்டாம். தற்போது நீங்கள் ஈடுபடும் வேலைகளில் சரிபாதி சுலபத்தில் முடியும் எனில், மற்றவை நண்பர்களின் உதவியுடன் செய்ய வேண்டியிருக்கும். சுபப்பேச்சுகள், சொத்துகள் தொடர்பிலான நீண்ட நாள் தடைகள் விலகும். ஒருசிலருக்கு பூர்வீகச் சொத்துகள் வகையில் திடீர் ஆதாயம் கிடைக்கலாம்.

உடல்நலம் பொறுத்தவரையில் பொதுவாக நன்றாகத் தான் இருக்கும். ஓய்வில்லாத உழைப்பு காரணமாக சிறு அலுப்பு எட்டிப்பார்க்கும். பணியாளர்களுக்குச் சவாலான பொறுப்புகள் வந்து சேரும். வியாபாரத்தில் லாபம் மெல்ல உயரும். வார இறுதியில் நிகழும் சந்திப்புகள் ஆதாயம் தரும்.

குடும்பத்தில் மகிழ்ச்சி பொங்கும். உடன்பிறந்தோர் உற்ற துணையாய் இருப்பர்.

அனுகூலமான நாட்கள்:  டிசம்பர் 9, 11.
அதிர்ஷ்ட எண்கள்: 1, 6.