விருச்சிகம்

இன்றைய பலன்:

விருச்சிகம் சிறு தடைகளைக் கண்டு மலைத்துப்போய் விட வேண்டாம். இன்று நேர் வழியில் செயல்பட்டு பொறுப்புகளை நிறைவேற்றுவீர்கள்.

அதிர்ஷ்ட எண்கள்: 4, 7 நிறம்: ஊதா, மஞ்சள்

வாரப் பலன்:

அன்­புள்ள விருச்­சிக ராசிக்­கா­ரர்­களே,

மாதக் கோள்களான புதன், சுக்கிரன், சூரியன் சிறப்பான இடங்களில் சஞ்சரிக்கின்றன. கேதுவின் அருள் கிட்டும். சனி, செவ்வாய், ராகு, சந்திரனால் நலமில்லை. குருவால் நன்மை, தொல்லை இருக்காது.

கனிவான பேச்சு, செயல்பாடுகளின் உதவியோடு அனைவரையும் ஈர்ப்பவர்கள் நீங்கள். இவ்வாரம் கூரையைப் பிய்த்துக்கொண்டு பணம் கொட்டும். அனைத்து வேலைகளும் முதல் முயற்சியிலேயே முடிந்துவிடும் என்றெல்லாம் கூறுவதற்கு இல்லை. மாறாக, நேர்வழியில் கச்சிதமாகச் செயல்படாவிட்டால் பின்னடைவைச் சந்திப்பீர்கள் என்பதே சரி. இவ்வாரம் சுற்றியுள்ள பலர் பலவிதமாகப் பேசி உங்களை குழப்பக்கூடும். வேலைகள் அதிகரிக்கும். எதிர்பார்த்த உதவிகள் கிடைக்குமா என்பது சந்தேகம்தான். தனித்திறமைகளை வைத்து நிலைமையைச் சமாளிக்கப் பாருங்கள். இச்சமயம் ஓய்வு, கூடுதல் ஆதாயங்கள் குறித்தெல்லாம் யோசிக்கக்கூடாது. முழுக் கவனத்துடனும் அர்ப்பணிப்புடனும் செயல்பட்டால் நற்பெயரைத் தக்க வைக்கலாம். உடல்நலம் பாதிக்கப்படக்கூடும். எனினும் கவலைப்பட ஒன்றுமில்லை. வருமானம் ஒரே சீராக இருக்காது. வழக்கமான தொகைகளில் சில வராமல் போகக்கூடும். பணியாளர்கள் தங்கள் உழைப்பிற்கான ஆதாயங்களை இப்போது அறுவடை செய்திடுவர். வியாபாரத்தில் லாபம் சுமார் எனும்படி இருக்கும். இவ்வாரத்தின் இறுதியில் சூழ்நிலை சாதகமாகும். இச்சமயம் உங்கள் நலனில் அக்கறை உள்ளவர்கள் துணை நிற்பர். தடைபட்ட பணிகள் முன்னேற்றம் காண்பது உற்சாகம் தரும்.

வீட்டில் இயல்புநிலை இருக்கும். பெற்றோர் கூறும் அறிவுரைகளைப் பின்பற்றுவது நல்லது.

அனுகூலமான நாள்கள்: ஏப்ரல் 18, 19

அதிர்ஷ்ட எண்கள்: 2, 7