ரிஷபம்

இன்றைய பலன்:

கூடுமானவரை எதிலும் அடக்கி வாசிக்கப் பாருங்கள். இன்று உங்களுக்கு எதிராக எதுவும் நடந்துவிடாது என்பதே உண்மை. எதிர்பார்த்த சில தொகைகள் வராமல் போகலாம். எனினும் செலவுகள் கட் டுப்பட்டு இருக்கும்.

அதிர்ஷ்ட எண்கள்: 3, 9.
நிறம்: பொன்னிறம், நீலம்.

வார பலன் :  19-1-2019 முதல் 25-1-2020 வரை

அன்புள்ள ரிஷப ராசிக்காரர்களே,

உங்கள் ராசிக்கு 10ஆம் இடத்தில் வீற்றிருக்கும் சுக்கிரன் அனுக்கிரகப் பார்வை வீசுவார். 9ஆம் இட புதன், சூரியன் நற்பலன்களைத் தருவார்கள். 6ஆம் இட சந்திரனின் அருளைப் பெறலாம். 2ஆம் இட ராகு, 7ஆம் இட செவ்வாய், 8ஆம் இட சனி, குரு, கேது ஆகியோரின் சஞ்சாரம் சாதகமாக இல்லை.

வாழ்க்கைப் பாதையில் உள்ள மேடு பள்ளங்களை யதார்த்தமாக எடுத்துக்கொள்ளும் பக்குவசாலி என உங்களைக் குறிப்பிடலாம். இவ்வாரம் உங்களுடைய இதே இயல்புடன் நடந்தால் சிறு சங்கடங்களைக் கடந்து சிலவற்றைச் சாதிப்பீர்கள் என்பது உறுதி. பொதுவாக அடுத்து வரும் நாட்களில் உங்கள் எண்ணம்போல் எல்லாம் நடந்தேறும் என்று சொல்வதற்கில்லை. அதற்காக எதுவுமே நமக்குச் சாதகமாக நடக்காதா? என்று குழம்பவேண்டாம். வரவுகளில் சில குறித்த நேரத்தில் கைக்கு கிடைக்காமல் போகலாம். சொத்துகள், சுபப்பேச்சுகள் தொடர்பிலான முடிவுகளை எடுக்க இது உகந்த நேரமல்ல. ஈடுபட்ட காரியங்கள் முதல் முயற்சியிலேயே வெற்றிகாணும் எனச் சொல்வதற்கில்லை. சில பணிகள் ஆமை வேகத்தில் நகரக்கூடும். இச்சமயம் உங்களுக்குத் தேவையான உதவிகளை நெருக்கமானவர்களிடம் கேட்டுப் பெறுவதில் தவறில்லை. பணியாற்றும் இடத்தில் கவனமாகவும் சூழ்நிலைக்கேற்ப வளைந்துகொடுத்தும் செயல்பட வேண்டியது முக்கியம். சுயதொழில் புரிவோர் அலட்சியமாகச் செயல்பட்டால் வீண் நஷ்டங்களைச் சந்திக்க நேரிடலாம். வார இறுதியில் தடைகள் குறைந்து முக்கியப் பணிகள் வேகம் காணும்.

குடும்பத்தார் வீட்டு விஷயங்களை மூன்றாம் மனி தர்களுடன் பகிர்ந்துகொள்ளாமல் இருப்பது நல்லது.

அனுகூலமான நாட்கள்: ஜனவரி 24, 25.

அதிர்ஷ்ட எண்கள்: 2, 5.