மருத்துவம் படிக்க இடம்பெற்றுத் தருவதாகப் பலரிடம் கொள்ளை

சென்னை: மருத்துவக் கல்லூரியில் படிக்க இடம்பெற்றுத் தருவதாகக் கூறி 4 கோடி ரூபாய் வரை சுருட்டிய சென்னையைச் சேர்ந்த இளையர் ஒருவரை காவல்துறை யினர் கைது செய்தனர். சேது மாதவன் என்ற அந்த ஆடவர் மீது திருச்சியைச் சேர்ந்த கல்லூரிப் பேராசிரியை செல்வமணி என்பவர் அளித்த மோசடிப் புகாரின் பேரில், போலிசார் இந் நடவடிக்கையை மேற்கொண்டனர். சென்னையைச் சேர்ந்த 39 வயதான சேது மாதவன், சொந்த நிறுவனம் நடத்தி வந்துள்ளார்.

இந்நிலையில் அவர் கர்நாடகாவில் உள்ள மருத்துவக் கல்லூரியில் படிக்க இடம்பெற்றுத் தருவதாகப் பலரிடமும் கூறி லட்சக்கணக்கில் பணம் பறித்து வந்ததாகக் கூறப்படுகிறது. திருச்சியைச் சேர்ந்த பேராசிரி யையான செல்வமணி என்பவரும் தனது மகளுக்கு மருத்துவக் கல்லூரியில் இடம்பெற்றுத் தருமாறு கேட்டு சேது மாதவனை அணுகியுள்ளார். அவரிடம் பேச்சு வார்த்தை நடத்திய சேது மாதவன் 37 லட்சம் ரூபாய் கொடுத்தால் இடம்பெற்றுத் தருவதாகக் கூறி உள்ளார். இதையடுத்து, தனது மகளை மருத்துவராக்கும் கனவுடன் 37 லட்சம் ரூபாயை சேது மாதவனிடம் கொடுத்திருக்கிறார் செல்வமணி.

ஆனால் தான் சொன்னபடி சேது மாதவன் நடக்கவில்லை. மருத் துவக் கல்லூரியில் அவரால் இடம் பெற்றுத்தர முடியவில்லை. இந்நிலையில் தன்னைப் போலவே தமிழகத்தின் பல்வேறு பகுதிகளில் பலரிடமும் இதே போல் வாக்குறுதி அளித்து சேது மாதவன் லட்சக்கணக்கில் பணம் பெற்றது செல்வமணிக்கு தெரிய வந்தது. இதையடுத்து அவர் சேது மாதவன் மீது காவல்துறையில் பண மோசடிப் புகார் அளித்தார். அதன்பேரில் விசாரணை நடத்திய போலிசார், சேதுமாத வனை கைது செய்து சிறையில் அடைத்தனர்.

இப்பகுதியில் மேலும் செய்திகள்

பேய் போன்ற வேடமிட்ட இவர்கள் வாகனங்களில் சென்றவர்களை பயமுறுத்தியதுடன் நில்லாமல் திறந்த வெளியில் தூங்கிக்கொண்டிருந்தவர்களையும் குறிவைத்ததாகத் தெரிகிறது. படம்: ஊடகம்

13 Nov 2019

பேய் வேடமிட்டு பதற வைத்த இளையர்களைக் கைது செய்து கதறவிட்ட அதிகாரிகள்

காலக்கெடுவுக்குள் ஆட்சி அமைக்க இயலாததால், குடியரசுத் தலைவர் ஆட்சியை அமல்படுத்த மகாராஷ்டிர ஆளுநர் கோஷியாரி பரிந்துரைத்தார். படம்: ஊடகம்

12 Nov 2019

மகாராஷ்டிராவில் குடியரசுத் தலைவர் ஆட்சி