மது வாங்க அலைமோதும் கூட்டம்

சென்னை: தமிழக சட்டமன்றத் தேர்தலை முன்னிட்டு அசம்பாவிதச் சம்பவங்கள் நிகழாமல் வாக்குப்பதிவு அமைதி யாக நடைபெற இன்று முதல் திங்கட்கிழமை வரையிலும் (மே 14, 15, 16) வாக்கு எண்ணிக்கை நடைபெறும் மே 19ஆம் தேதியும் டாஸ்மாக் கடைகளுக்கு விடுமுறை அளிக்குமாறு தேர்தல் ஆணையம் உத்தரவிட்டுள்ளது. இந்நிலையில் அரசியல் கட்சி வேட்பாளர்கள் வாக்கு சேகரிக்கச் செல்லும்போது உடன் வரும் தொண்டர்களுக்கு பிரியாணியுடன் 500 ரூபாய் பணமும் வழங்குவதாகக் கூறப்படுகிறது. இதனால் உற்சாகமடைந்த தொண்டர்கள் அருகில் உள்ள டாஸ்மாக் கடைகளுக்குச் சென்று விடுமுறை நாட்களுக்கு தேவையான மதுபானங்களை இப்போதே வாங்கி வைக்கத் தொடங்கி உள்ளனர். இதனால் டாஸ்மாக் மதுபானக் கடைகளில் கூட்டம் நிரம்பி வழிகிறது. மாலை உச்சநேரத்தில் கூட்டம் அலைமோதுகிறது என்றும் அதிகமானோர் வாங்கிச் செல்வதால் பெரும்பாலான கடைகளில் மதுபானம் இருப்பு இல்லை என்றும் இணையச் செய்திகள் குறிப்பிடுகின்றன.