மதுரையில் 3 கிலோ தங்கம் பறிமுதல்

மதுரை: உரிய ஆவணங்கள் இன்றி காரில் கொண்டு செல்லப்பட்ட 3 கிலோ தங்கமும் 19 லட்சம் ரூபாய் ரொக்கப் பண மும் தேர்தல் பறக்கும் படையால் பறிமுதல் செய்யப்பட்டன. மதுரையில் உள்ள திருப் பரங்குன்றம் தொகுதிக்கு இடைத் தேர்தல் நடைபெற உள்ளது. இதே போல் அரவக்குறிச்சி, தஞ்சை சட்டப்பேரவைத் தொகுதிகளுக்கும் தேர்தல் நடைபெறுகிறது. இம்மூன்று தொகுதிகளையும் உள்ளடக்கிய மதுரை, தஞ்சை, கரூர் மாவட்டங்களில் தற்போது தேர்தல் நடத்தை விதிமுறைகள் அமலுக்கு வந்துள்ளன. எனவே ஆங்காங்கு தேர்தல் பறக்கும் படையினர் வாகனச் சோதனையில் ஈடுபட்டு வருகிறார்கள்.

இந்நிலையில் நேற்று முன்தினம் மேலூர் அருகே நடந்த வாகனச் சோதனையின் போது ஒரு காரில் ரொக்கப் பணமும் தங்கமும் இருப்பது தெரிய வந்தது. எனினும் காரில் வந்தவரிடம் உரிய ஆவணங்கள் ஏதும் இல்லை. இதையடுத்து அவற்றை அதிகா ரிகள் பறிமுதல் செய்தனர். பின்னர் நடந்த விசாரணையில் அவை மதுரை தெற்கு ஆவணி மூல வீதியைச் சேர்ந்த நகைக் கடை உரிமையாளருக்குச் சொந்த மானது என தெரிய வந்தது. இதையடுத்து அவரிடம் அதிகா ரிகள் விசாரணை நடத்தினர். இதற்கிடையே மூன்று தொகுதி களுக்கான வேட்பு மனுத்தாக்கல் நேற்றுடன் முடிவுக்கு வந்தது. இன்று வேட்பு மனுக்கள் பரிசீலிக் கப்படுகின்றன. 5ஆம் தேதிக்குள் மனுக்களை திரும்பப் பெற அவகாசம் உள்ளது. அதன்பின்னர் இறுதி வேட்பாளர் பட்டியல் வெளியிடப்படும். இந்நிலையில் தேர்தலின் போது பாதுகாப்புப் பணியை மேற்கொள்ள துணை ராணுவப் படையினர் தமிழகம் வந்துள்ளனர். அவர்கள் மூன்று தொகுதிகளுக்கும் அனுப்பி வைக்கப்பட்டுள்ளனர்.

இம்முறை அதிமுக, திமுக, தேமுதிக, பாஜக, பாமக உள்ளிட்ட கட்சிகள் கூட்டணி இன்றி தனித்து களமிறங்கி உள்ளதால் தேர்தல் களத்தில் கடும் போட்டி நிலவுகிறது. இதேபோல் புதுவை மாநிலம், நெல்லித்தோப்பு தொகுதிக்கும் இடைத்தேர்தல் நடைபெற உள்ளது. நான்கு தொகுதிகளிலும் வரும் 19ஆம் தேதி வாக்குப் பதிவும் 22ஆம் தேதி வாக்கு எண்ணிக்கையும் நடைபெற உள்ளது. தற்போது பிரசாரம் சூடு பிடித்துள்ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!