நாடா புயல் எதிரொலி: 5 மாவட்ட பள்ளிகளுக்கு இருநாள் விடுமுறை

சென்னை: நாடா புயல் எச்சரிக்கையைத் தொடர்ந்து சென்னை, காஞ்சிபுரம், திருவள்ளூர், நாகை, கடலூர் ஆகிய 5 மாவட்டங்களுக்கு இன்றும் நாளையும் விடுமுறை அளிப்பதாகப் பள்ளி கல்வித்துறை அறிவித்துள்ளது. சென்னை அருகே மையம் கொண்டுள்ள நாடா புயல் நாளை கரையைக் கடக்கிறது. இந்தப் புயல் காரணமாக சென்னை, தமிழக கடலோர மாவட்டங்களில் நாளை அதிகாலை முதல் மழை பெய்யத் தொடங்கும் என வானிலை ஆய்வு மையம் தெரிவித்துள்ளது. நாடா புயல் உருவாகியுள்ளதால் நாகை, கடலூர், புதுச்சேரி துறைமுகங்களில் 2ஆம் எண் புயல் எச்சரிக்கைக் கூண்டு ஏற்றப்பட்டுள்ளது.