நாயைக் கொன்ற இளையர்கள் கைது

8 May 2017 06:00 | மாற்றம் செய்யப்பட்ட நாள் / நேரம்: 9 May 2017 06:45

வேலூர்: தங்களைப் பார்த்து இடைவிடாமல் குரைத்த நாயைச் சுட்டுக் கொன்ற இரு இளையர்களை வேலூர் போலிசார் கைது செய்தனர். 21 வயதான அருண்பாண்டியன் நேற்று முன்தினம் தனது நண்பர் அஸ்வினுடன் வனப்பகுதியில் வேட்டையாடச் சென்றார். போகும் வழியில் ரெட்டிவலசை கிராமத்தைக் கடந்தபோது, அங்கிருந்த நாய் இருவரையும் பார்த்து குரைத்துள்ளது. இதனால் ஆத்திரமடைந்த நண்பர்கள் இருவரும் அந்த நாயைத் தங்களிடம் இருந்த நாட்டு துப்பாக்கியால் சுட்டுக் கொன்றனர். இதைக் கண்ட கிராம மக்கள் இருவரையும் மடக்கிப்பிடித்து காவல்துறையிடம் ஒப்படைத்தனர். இதையடுத்து இளையர் களிடம் இருந்த நாட்டுத் துப்பாக்கி பறிமுதல் செய்யப்பட்டது.