குடிநீர் கேட்டு நடந்த சாலை மறியல்

26 Jun 2017 06:00 | மாற்றம் செய்யப்பட்ட நாள் / நேரம்: 27 Jun 2017 08:24

ஈரோடு: பருவ மழை பொய்த்ததால் தமிழகம் கடும் வறட்சி நிலவும் நிலையில், பல்வேறு பகுதிகளில் குடிநீர் தட்டுப்பாடும் ஏற்பட்டுள்ளது. இந்நிலையில் பெருந்துறை செங்கோடம்பள்ளம் பகுதியில் குடிநீர் கேட்டு பெண்கள் காலிக் குடங்களுடன் சாலை மறியலில் ஈடுபட்டனர். இப்பகுதியில் கடந்த இரு வாரங் களாக குடிநீர் விநியோகிக்கப்படவில்லை. இதுகுறித்து புகார் அளித்தும் அதிகாரிகள் உரிய நடவடிக்கை எடுக்கவில்லை எனக் குற்றம்சாட்டும் பொதுமக்கள், காலிக் குடங்களுடன் ஈரோடு-பெருந்துறை சாலையில் மறியலில் ஈடுபட்டனர். இத னால் போக்குவரத்து பாதிக்கப்பட்டதையடுத்து, போலிசார் பேச்சுவார்த்தை நடத்தி மக்களை கலைந்துபோக வைத்தனர்.