2018லிருந்து நிதியாண்டை மாற்றியமைக்க இந்தியா திட்டம்

எதிர்வரும் 2018ஆம் ஆண்டில் இருந்து இந்திய நிதியாண்டு மாற்றம் காணலாம். ஏப்ரல்=மார்ச் என்று 150 ஆண்டுகாலமாக பின்பற்றப்பட்டு வந்த நடைமுறையை ஜனவரி= டிசம்பர் என்று மாற்ற இந்திய அரசு திட்டமிட்டுள்ளது. இதன் தொடர்ச்சியாக, அடுத்த வரவு=செலவுத் திட்டம் இவ்வாண்டு நவம்பர் மாதத்தில் தாக்கலாகலாம் என்று இந்திய அரசு வட்டாரங்கள் தெரிவிக் கின்றன. இந்தியப் பிரதமர் நிதியாண்டு கணக்கீட்டை மாற்ற வேண்டும் என்று கூறிய நிலையில், இந்தியா வின் நிதியாண்டை ஆங்கிலப் புத்தாண்டு முதல் நாளிலிருந்து தொடங்கும் முயற்சியில் இந்திய அரசு இறங்கியுள்ளதாக அந்த வட்டாரங்கள் கூறுகின்றன.

இந்தியாவில் ஏற்கெனவே, காலங்காலமாக பிப்ரவரி மாத கடைசி வாரத்தில் தாக்கல் செய் யப்பட்டு வந்த வரவு-செலவுத் திட்டம் தற்பொழுது பிப்ரவரி 1ஆம் தேதி தாக்கல் செய்யப்பட்டு வருகிறது. புதிய நிதியாண்டு ஜனவரியில் தொடங்க வேண்டுமெனில் நாடா ளுமன்றத்தின் வரவு-செலவுத் திட்டக் கூட்டத் தொடர் டிசம்பர் மாதத்திற்கு முன்னரே தொடங்க வேண்டும். அவ்வாறு தொடங்கினால்தான் வரவு=செலவுத் திட்டம் தொடர்பான நடவடிக்கைகள் ஆண்டிறுதிக்குள் முடிவுறும். வரவு=செலவுத் திட்டம் தொடர் பான நடவடிக்கைகள், விவாதங் கள் டிசம்பர் மாத இறுதிக்குள் முடிவுற வேண்டுமானால் நாடாளு மன்றக் கூட்டம் நவம்பர் மாத முதல் வாரத்திலேயே தொடங்க வேண்டும் என்று கூறப்படுகிறது. இந்திய நிதியாண்டு மார்ச் 31ஆம் தேதியுடன் முடிவுறும் இப் போதைய நடைமுறை, பிரிட்டிஷ் நிதியாண்டை ஒட்டி இருக்கும் வகையில் 1867ஆம் ஆண்டு அறிமுகமானது.

இப்பகுதியில் மேலும் செய்திகள்

இந்தியாவின் அசாம் மாநிலம், கௌஹாத்தி நகரில் நேற்று நடைபெற்ற போராட்டத்தில் கலந்துகொண்டு மத்திய அரசுக்கு எதிராக முழக்கமிடும் ஆர்ப்பாட்டக்காரர்கள். படம்: ஏஎஃப்பி

14 Dec 2019

குடியுரிமை சட்டத் திருத்தப் போராட்டம் : மூவர் உயிரிழப்பு

இரு தலை உடைய நாகம் புராண நம்பிக்கையுடன் தொடர்புடையது என கூறிய பொதுமக்கள் பாம்பை அதிகாரிகளிடம் ஒப்படைக்க மறுத்துவிட்டனர். படம்: இந்திய ஊடகம்

13 Dec 2019

புராண நம்பிக்கை: இருதலை பாம்பை தர மறுத்த கிராம மக்கள்

சீராய்வு மனு தள்ளுபடி செய்யப்பட்டால் அடுத்த ஒருசில நாட்களில் நான்கு குற்றவாளிகளுக்கும் தூக்குத் தண்டனை நிறைவேற்றப்படும் என்று தகவல்கள் தெரிவிக்கின்றன. படம்: இந்திய ஊடகம்

13 Dec 2019

‘ஹேங்மேன்’, கயிறு தயார்; நால்வரையும் ஒரே நேரத்தில் தூக்கிலிட ஏற்பாடுகள் தீவிரம்