ஆதரவற்ற குழந்தைகள்: பாசத்துடன் வளர்த்து வரும் அரசு செயலர்

15 Dec 2018 06:00 | மாற்றம் செய்யப்பட்ட நாள் / நேரம்: 16 Dec 2018 08:18

நாகை: சுனாமியின் போது நாகையில் உயிர் தப்பிய இரு பெண் குழந்தைகளைச் சுகாதாரத் துறை செயலர் மருத்துவர் ராதாகிருஷ்ணன் அங்குள்ள காப்பகம் ஒன்றில் அனுமதித்து வளர்த்து வருகிறார். இந்நிலையில் நேற்று முன்தினம் நாகை மாவட்டத்தில் புயல் நிவாரணப் பணிகளைப் பார்வையிடச் சென்ற அவர், அவ்விரு சிறுமிகளைக் காண காப்பகம் சென்றார். எனினும் அவர்களில் மீனா என்ற சிறுமி மட்டுமே காப்பகத்தில் இருந்தார். ராதாகிருஷ்ணனைக் கண்ட மீனா, அவரைப் பாசத்துடன் 'அப்பா' என்று அழைத்த போது காப்பகத்தில் இருந்த அனைவரும் நெகிழ்ந்து போயினர். இதையடுத்து மீனாவுக்குப் அன்புடன் சில அறிவுரைகளைக் கூறிய ராதாகிருஷ்ணன், தனது பராமரிப்பின் கீழ் கல்லூரியில் படித்து வரும் மற்றொரு பெண்ணான சௌமியாவைக் கைபேசியில் தொடர்பு கொண்டு பேசினார். இரு குழந்தைகளைப் பொறுப்புடன் வளர்த்து ஆளாக்கும் அவரைக் காப்பக நிர்வாகிகள் பாராட்டினர்.