‘மனைவியைக் காப்பாற்றுங்கள்’ என்று கதறி அழுத கணவர்

4 May 2021 05:30

இந்தியாவின் காஸியபாத் நகரில் கிருமித் தொற்று கட்டுக்கடங்காமல் பரவும் சூழ் நிலையில் நேற்று சீக்கிய கோயிலுக்கு வெளியே மூச்சுத் திணறலால் பாதிக்கப்பட்ட தனது மனைவியைக் காப்பாற்றுமாறு கதறி அழுதார் முகேஷ் பரத்வாஜ். அவரது மனைவிக்கு சாலையோரமாக உயிர்வாயு அளிக்கப்பட்டது. இந்தியாவில் உயிர்வாயு தோம்புக்கு கடுமையான தட்டுப்பாடு ஏற்பட்டு உள்ளதால் இத்தாலி, ஜெர்மனி உள்ளிட்ட ஐரோப்பிய நாடுகள் மற்றும் அமெரிக்கா உதவிக்கரம் நீட்டியுள்ளன. கத்தார் நேற்று 300 டன் எடை உள்ள மருத்துவ உதவிப் பொருட்களை இந்தியாவுக்கு அனுப்பியது. சிங்கப்பூர் ஏற்கெனவே இந்தியாவுக்கு உயிர்வாயு கலன்களை அனுப்பி வைத்தது. 'சிக்கி' எனும் சிங்கப்பூர் இந்திய வர்த்தக தொழில்சபையும் 'லிஷா' எனும் லிட்டில் இந்தியா கடைக்காரர்கள் மரபுடைமை சங்கமும் சிங்கப்பூர் செஞ்சிலுவைச் சங்கத்தின் கீழ் நிதி திரட்டி வருகின்றன. இதற்காக லிட்டில் இந்தியாவில் உண்டியல் வைக்கப்பட்டுள்ளது. படம்: ஏஎஃப்பி