ப. பாலசுப்பிரமணியம்
ஏப்ரல் முழுவதும் ரசிகர்கள் இருக்கையில் அமர்ந்தவாறு நிகழ்ச்சிகளை ரசிக்க, வசந்தம் ஒளிவழி புதிய நிகழ்ச்சிகளை அறிமுகம் செய்துள்ளது.
நிகழ்ச்சி: என்ன நடக்குது?
ஆடல், பாடல், வித்தியாசமான மேடை படைப்புகள், கேளிக்கையான விளையாட்டுகள் என குதூ கலத்தைக் கிளப்பிவிட ஆயத்தமாக உள்ளனர் நிகழ்ச்சி படைப்பாளர்களான இளமாறனும் பாரதியும்.
ஒளிபரப்பு நேரம்: திங்கள் (இரவு 9 மணி)
நிகழ்ச்சி: 'சுவை சீசன் 3'
வெளிநாட்டு உணவு வகைகளிலிருந்து உள்ளூர் பதார்த்தங்கள் வரை அனைத்தையும் எப்படி வீட்டில் சமைப்பது என்பதை இந்நிகழ்ச்சி விளக்குகிறது. விக்கேஷும் லீனாவும் இணைந்து படைக்கும் இந்நிகழ்ச்சியை காணத் தவறாதீர்கள்.
ஒளிபரப்பு நேரம்: செவ்வாய் (இரவு 9 மணி)
நிகழ்ச்சி: நெஞ்சுக்குள்ளே
நெஞ்சுக்குள் புதைந்திருக்கும் பாடல்களை வெளிக்கொணரச் செய்கிறது இந்நிகழ்ச்சி. ஒவ்வொரு வாரமும் ஓர் உள்ளூர் ஊடகப் பிரபலம் தனக்கு பிடித்தமான பாடல்களை பகிர்ந்துகொள்ள அதனை நேரடியாக வாசித்து மலரும் நினைவுகளுக்கு கொண்டுச் செல்ல ஒரு இசைக் குழு தயாராக இருக்கும்.
ஒளிபரப்பு நேரம்: புதன் (இரவு 9.30 மணி)
நிகழ்ச்சி: 'கல்யாணம் டேம்ஸ் அண்ட் கண்டிஷன்ஸ் அப்லாய்ஸ்' (நாடகம்)
துடிப்புமிக்கவர், அனைவருடனும் சரளமாகப் பழகுவதோடு தைரியம் மிக்கவராகவும் அஞ்சலி திகழ்கிறார். இவர் அர்ஜுன் எனும் இயற்கை புகைப்படம் பிடிப்பவரை காதல் செய்து திருமணம் செய்கிறார். இவர்களின் இன்பமான காதல் பயணத்தையும் தலைவலியைக் கொடுக்கும் திருமண வாழ்க்கையையும் இந்நாடகம் ஆராய்கின்றது.
ஒளிபரப்பு நேரம்: திங்கள் முதல் வியாழன் வரை (இரவு 10 மணி)
நிகழ்ச்சி: 'வல்லமை தாராயோ' (நாடகத் தொடர்)
மகேஷ் ஒரு திறன்மிக்க மருத்துவர், சந்தியா ஒரு கலகலப்பான கலை ஆசிரியர். வாழ்க்கையின் பாதையில் இருவரும் சந்திக்கின்றனர். மகேஷுக்கு பக்கபலமாக நல்ல வேலையிட குழு இருந்தாலும் அவர் வேலையிடத்தில் அனுபவித்த தோல்வி அவரை தொடர்ந்து ஆட்டிப்படைக்கின்றது. எப்போது மகேஷ் வீழ்வார் என அவரின் போட்டியாளர்கள் காத்திருக்க, அவரின் தொழில் பாதிப்படைகிறது. மகேஷின் குழுவினர் அவரின் பெயரைக் காப்பாற்றுவார்களா, சந்தியாவும் மகேஷும் இணைந்து சவால்களை எதிர்கொள்வார்களா என்பதுதான் கதை.
ஒளிபரப்பு நேரம்: திங்கள் முதல் வியாழன் வரை (இரவு 10.30 மணி)
நிகழ்ச்சி: 'சேட்டை த சீரிஸ்' (சிறுவர் நாடகத் தொடர்)
அக்கம்பக்கத்திலும் பள்ளியிலும் நடக்கும் சின்னஞ்சிறு பிரச்சினைகளைக் கண்டறிந்து அதற்கு தகுந்த நடவடிக்கை எடுத்து தீர்த்து வைக்கின்றனர் 'சேட்டை' சிறுவர்கள். இது குற்றம் செய்பவர்களைப் பிடிப்பது மட்டும் இல்லை, அதனை எவ்வாறு முறையாகச் செய்வது என்பதை இந்த நகைச்சுவைத் தொடர் விளக்குகிறது.
ஒளிபரப்பு நேரம்: வெள்ளி (இரவு 8 மணி)
நிகழ்ச்சி: 'கதையல்ல வாழ்க்கை'
இந்திய சமூகத்தினரைப் பாதிக்கும் விஷயங்களை அலசி ஆராய்கிறது இந்த 'கதையல்ல வாழ்க்கை' உரையாடல் நிகழ்ச்சி. உண்மை வாழ்க்கைப் பிரச்சினைகளை வெளிக்காட்டும் திரைப் படங்கள் சில வெற்றிப் படங்களாக உருவெடுத்துள்ளன. படைப்பாளர் திரு முகம்மது அலியின் படைப்பில், இந்தத் திடைப்படங்கள் உணர்த்தும் பண்புநெறிகள் சில இன்னும் தீவிரமாகக் கலந்துரையாடப்படும்.
ஒளிபரப்பு நேரம்: வியாழன் (இரவு 9 மணி)
நிகழ்ச்சி: தெரியாத தமிழ் சினிமா - திரை, இசை, பாடல்கள்
தமிழ் மொழியின் அழகை நினைவுப்படும் பாடல் வரிகளை மீண்டும் கேட்கத் தூண்டும் வகையில் புரவலன் இந்த 1 மணி நேர நிகழ்ச்சியைப் படைப்பார்.
ஒளிபரப்பு நேரம்: ஞாயிறு (இரவு 7 மணி)