வில்சன் சைலஸ்
மூன்று வயதிலிருந்து 12 வயதுக் குட்பட்ட சிறார்களுக்கான விறு விறுப்பான நிகழ்ச்சிகளுடன் மீண்டும் வந்துவிட்டது 'ஸ்மார்ட் கிட்ஸ் ஏசியா' விழா. சுகாதாரம், திறன்கள், விளையாட்டு, கேளிக்கை, கல்வி என ஐந்து பிரிவுகளின் கீழ் உயர்தர கல்வி பங்காளிகள், சிறப்பு வகுப்புகளை நடத்தும் அமைப்புகள், பிள்ளைகள் சார்ந்த சேவைகள் ஆகிய பல திட்டங்களின் மூலம் பிள்ளைகள் பயனடைவர். மேலும், சிறார்களுக்குப் பிடித்தமான கேலிச்சித்திர மாந்தர்களு டன் சந்திப்பு, விறுவிறுப்பான விளையாட்டுகள், கல்வி சார்ந்த இலவச பாடங்கள், சுவாரசியமான பேச்சுப் போட்டி போன்ற பிரத்தியேக நிகழ்ச்சிகளும் இந்த மூன்று நாள் விழாவில் ஏற்பாடு செய்யப் பட்டுள்ளன.
தொலைக்காட்சியில் பிள்ளைகள் விரும்பிப் பார்க்கும் 'மை லிட்டில் போனி', 'ரோபோகார் போலி', 'பொரொரொ அன்ட் ஃப்ரெண்ட்ஸ்', 'சில்வெனியன் ஃபேமிலிஸ்' ஆகிய கேலிச்சித்திரங்களில் வரும் கதாபாத்திரங் களை அவர்கள் நேரில் சந்திக்க லாம். சிங்கப்பூர் சன்டெக் மண்டபம் 405, 406ல் வரும் ஜூலை 1ஆம் தேதியிலிருந்து 3ஆம் தேதி வரை நடைபெறும் 'ஸ்மார்ட்கிட்ஸ் ஏசியா' விழாவில் இந்தக் கேலிச்சித்திர கதாபாத்திரங்கள் பிள்ளை களுக்காக மேடையேறவும் இருக்கின்றன.
மேலும், முப்பதே நிமிடங்களில் தொடக்கநிலை இரண்டு பயிலும் மாணவர்களின் ஆங்கில ஆற்றலை மேம்படுத்துதல், தோல் வரையியல், பிள்ளைகளின் அறிவாற்றலை வளர்த்தல், வயலின் வாசித்தல் ஆகியவற்றுக்கான இலவச முன் மாதிரி வகுப்புகளுக்குப் பெற்றோர் தங்கள் பிள்ளைகளுடன் செல்லலாம். மூன்று நாட்களிலும் நடை பெறும் இதுபோன்ற வெவ்வேறு முன் மாதிரி வகுப்புகளிலிருந்து பிடித்தமானவற்றைப் பெற்றோர் தேர்வு செய்துகொள்வதற்கு ஏதுவாக நாள் முழுவதும் இந்த வகுப்புகள் நடத்தப்படவுள்ளன.
இவ்வாண்டு மார்ச் மாதம் நடைபெற்ற 'ஸ்மார்ட்கிட்ஸ் ஏசியா' விழாவில் பல சிறார்கள் கலந்துகொண்டு பயனடைந்ததைத் தொடர்ந்து கடந்த 2012ஆம் ஆண்டு 'ஸ்பீயர் எக்ஸிபிட்ஸ்' அமைப்பின் மூலம் தொடங்கப்பட்ட இவ்விழா பெற்றோரின் ஆதரவையும் வரவேற் பையும் பெற்று முதன்முறையாக ஒரே ஆண்டில் இரண்டாவது முறையாக வரும் ஜூலை மாதம் ஏற்பாடு செய்யப்படுகிறது.
கருத்துப் பரிமாற்றம், தன்னம்பிக்கை, புத்தாக்கம் ஆகியவற் றைப் பிள்ளைகளிடம் வளர்க்கும் நோக்கில் 'ஸ்பீக் அப்! கிட்ஸ்' என்ற பிள்ளைகளுக்கான முதல் தேசிய பொது பேச்சுப் போட்டியும் நிகழ்ச்சியில் அரங்கேறுவது சிறப்பு அம்சங்களில் ஒன்று. இந்தப் போட்டியில் 7 வயதில்இருந்து 12 வயதுக்குட்பட்ட பிள்ளைகள் நேரடியாக மேடையில் பேசி $10,000 வரையிலான பரிசுகளை வெல்வதற்கான அரிய வாய்ப்பும் உள்ளது.
'ஸ்மார்ட் கிட்ஸ் ஏசியா' விழாவின் ஓர் அங்கமாக கடந்த மார்ச் மாதம் அரங்கேறிய கலைஞர்கள் படைத்த மேடை நிகழ்ச்சி. படம்: 'ஸ்மார்ட் கிட்ஸ் ஏசியா'