மாணவர் முரசு
இ-பேப்பர்
கோடை வெயிலால் ஏற்படும் வயிற்றுப் பிரச்சினைகள்
கோடை வெயில் வாட்டும் இந்த காலகட்டத்தில் பலர் வயிற்றுப் போக்கு, இரைப்பை அழற்சி, வாந்தி, குமட்டல் போன்ற வயிற்று பிரச்சினைகளால் மருத்துவமனைகளை நாடுவது அதிகரித்து உள்ளது என்று குடும்ப நல மருத்துவர் சிம் சாய் ஜென் கூறியுள்ளார். மருத்துவமனையின் அவரசர சிகிச்சைப் பிரிவிலும் இதுபோன்ற காரணங்களால் பலர் அணுகியதாக கூறப்படுகிறது.
வயிற்று சூடு என்பது எல்லாரும் சந்திக்கும் ஒரு பொதுவான பிரச்சினையாக உள்ளது. வயிற்று சூடு அதிகரிக்கும்போது ஏராளமான பிரச்சினைகளும் சேர்ந்து தொற்றிக் கொள்கிறது.
வயிறு நிரம்பிய உணர்வு, வீக்கம், தொடர்ந்து வயிற்று வலி, நெஞ்சு எரிச்சல், குமட்டல் மற்றும் சில உணவுகள் ஒவ்வாமை போன்ற உணர்வு ஏற்படும்.
காரணங்கள்:
இந்த வயிற்று சூடானது உணவுகள் செரிப்பதில் பல பிரச்சினைகளை ஏற்படுத்தும். வயிற்றின் வெப்பநிலை அதிகரிக்க குறிப்பிட்ட காரணம் என்று எதுவும் இல்லை.
பொதுவாக காரமான உணவுகள், அதிகமாக சாப்பிடுவது, தாமதமாக சாப்பிடுவது, அதிக ஆல்கஹால் குடிப்பது, அதிக மாத்திரைகள் எடுத்துக்கொள்வது, உட்கார்ந்த வாழ்க்கை முறை, புகைப்பழக்கம் போன்றவை இதன் காரணங்கள் ஆகும்.
வயிற்றுச்சூட்டைக் குறைக்கும் உணவுகள்:
பெரும்பாலான பால் பொருட்கள் ஜீரணிப்பது கடினமானது. ஆனால் தயிர் சற்று எதிர்மறையான குணங்களைக் கொண்டது. இதில் உள்ள பல பண்புகள் குடலில் நல்ல பாக்டீரியாக்களை உருவாக்கி வயிற்றின் சூட்டை குறைத்து செரிமானத்தை அதிகரிக்கிறது. தயிர் பிடிக்காது என்றால் மோர் குடிக்கலாம். அதுவும் நல்ல பலனைத் தரும்.
குளிர்ந்த பால் வயிறு
வெப்பநிலையை குறைப்பதோடு வயிற்றின் அமிலத்தன்மையையும் குறைக்கிறது. இதில் உள்ள சில பண்புகள் வெப்பத்தால் வயிற்றில் ஏற்படக்கூடிய அசௌகரியத்தை குறைக்கிறது. தினமும் குளிர்ந்த பாலை பச்சையாக குடிப்பது சூட்டால் ஏற்படும் பிரச்சினையைக் குறைக்கிறது.
வயிறு சூட்டின் அறி
குறிகளாக அசௌகரியத்தை தவிர வேறு எதுவும் உணர
முடியாது. இதற்கு சிறந்த மருந்து சோறாகும். சோறு வயிற்று சூட்டை குறைத்து உடலில் நீரின் அளவை அதிகரிக்கிறது. சோற்றில் எந்தவித மசாலாப் பொருட்களையும் சேர்க்கக்கூடாது. இதனைத் தயிருடன் சேர்த்து உண்ணலாம்.
சிட்ரிக் அமிலம் இல்லாத உணவுகள் மற்றும் பழங்களை தேர்ந்தெடுத்து உண்ணலாம். ஆப்பிள், வெள்ளரிக்காய், தர்பூசணி போன்ற பழங்களில் சிட்ரஸ் அமிலத்தின் அளவு குறைவாக இருப்பதுடன் நீர்சத்துக்களும் அதிகம் உள்ளது. இவை வயிற்றின் வெப்பநிலையை குறைப்பதுடன் செரிமானத்தையும் சீராக்குகிறது.
பல்வேறு விதமான உணவுப் பழக்கங்களால் ஏற்படும் வயிற்றுசூட்டை தணிக்க அதிகளவு தண்ணீர் குடிக்க வேண்டும். தண்ணீர் நமது உடலில் உள்ள தேவையற்ற நச்சுக்களை வெளியேற்ற உதவுவதுடன் செரிமான மண்டலத்தையும் சீராக்குகிறது.
இளநீர் உடல் சூட்டை தணித்து வெப்பநிலையை சமநிலைப்படுத்த உதவுகிறது. இதற்கு காரணம் இதில் உள்ள அல்கலைன் ஆகும். இது மற்ற உணவுகளால் ஏற்படும் சூட்டை குறைக்கிறது. மூச்சுப் பயிற்சி ஒரு சிறந்த உடற்பயிற்சி ஆகும். எனவே ஆழ்ந்து சுவாசிக்கும்போது குடல் குளிர்ச்சி அடையும். இது நெஞ்செரிச்சல் மற்றும் வயிற்று பிரச்சினைகளை குறைக்க உதவுகிறது.
