வெட்டுக்கத்தியைக் காட்டி போலிசை மிரட்டிய லாரி ஓட்டுநர் கைது

வெட்டுக்கத்தியைக் காட்டி போலிசாரை மிரட்டிய லாரி ஓட்டுநரை போலிசார் கைது செய்துள்ளனர்.

மாஞ்சுங் மாவட்டத்தில் உள்ள செரி மாஞ்சுங் பகுதியில் அதிகாலை வேளையில் மோட்டார்சைக்கிளில் ரோந்துப் பணியில் ஈடுபட்டிருந்த போலிஸ் அதிகாரி, ஓர் உணவகத்தில் இரும்புப் பொருட்களை லாரி ஓட்டுநர் ஒருவர் திருடுவதைக் கண்டார்.

போலிசாரைக் கண்டதும் தனது லாரியில் ஏறிய அந்த ஆடவர் அங்கிருந்து தப்பி ஓடியதாக மாஞ்சுங் மாவட்ட போலிஸ் அதிகாரி நோர் ஒமார் சாப்பி கூறினார்.

அந்த லாரி ஓட்டுநரை போலிஸ் அதிகாரி தனது மோட்டார் சைக்கிளில் துரத்திச் சென்றார்.

சுமார் மூன்று கிலோமீட்டர் தூரம் வரை துரத்திச் சென்ற போலிஸ் அதிகாரி, சிட்டியாவான் பகுதியில் லாரி ஓட்டுநரை மடக்கிப் பிடித்தார்.

அதனைக் கண்ட லாரி ஓட்டுநர் ஒரு வெட்டுக்கத்தியை எடுத்து போலிஸ் அதிகாரியை மிரட்டினார். ஆனால், லாரி ஓட்டுநரைச் சமாளித்த போலிஸ் அதிகாரி, பின்னர் அந்த ஓட்டுநரைக் கைது செய்தார் என்று திரு நோர் ஒமார் கூறினார்.

லாரி ஓட்டுநர் போதைப்பொருள் உட்கொண்டிருந்தாரா என்பதைக் கண்டுபிடிக்க அவரது சிறுநீர் சோதனை செய்யப்பட்டது. ஆனால், அவர் போதைப்பொருள் உட்கொள்ளவில்லை என்பது தெரியவந்தது.

லாரி ஓட்டுநர் இரண்டு நாள் விசாரணைக் காவலில் வைக்கப்பட்டார்.

#தமிழ்முரசு #சமூகத்தின்குரல் #tamilmurasu #voiceofthecommunity

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!