மலேசியா: அன்றாட கொவிட்-19 அறிவிப்பு இனி இல்லை

கோலாலம்பூர்: மலேசியாவில் மூன்று மாதங்களுக்குப் பிறகு கிருமித்தொற்று சம்பவங்கள் குறைந்து

வரும் நிலையில், சமூக ஊடகங்களில் அன்றாடம் நேரடியாக ஒளிபரப்பாகி வந்த கொவிட்-19 பாதுகாப்பு மற்றும் சுகாதார விளக்க சந்திப்பை நிறுத்த அந்நாடு முடிவு செய்துள்ளது.

கொரோனா தொற்று பாதுகாப்பு நடவடிக்கைகள் குறித்து தற்காப்பு மூத்த அமைச்சர் இஸ்மாயில் சப்ரி யாக்கோப்பும் கிருமித்தொற்று நிலவரம் குறித்து சுகாதார அமைச்சின் இயக்குநர் நூர் ஹிஷாம் அப்துல்லாவும் அன்றாடம் விளக்கம் அளித்து வந்தனர்.

இந்த விளக்கக் கூட்டம் இன்று முதல் வாரத்திற்கு மூன்று நாட்களாக குறைக்கப்பட்டுள்ளது.

திங்கள், புதன் மற்றும் வெள்ளிக்கிழமைகளில் இந்த விளக்கக் கூட்டம் இருக்கும் என நேற்று புத்ரஜெயாவில் நடைபெற்ற செய்தியாளர் கூட்டத்தில் பேசிய போது இஸ்மாயில் சப்ரி யாக்கோப் கூறினார்.

இதற்குப் பிறகு இனிமேல் வண்ணமயமான பாத்தேக் சட்டையை காட்சி இருக்காது என இஸ்மாயில் சப்ரி செய்தியாளர்களிடம் நகைச்சுவையுடன் கூறினார்.

செய்தியாளர் கூட்டத்திற்கு அவர் அணிந்துவரும் பாத்தேக் சட்டை குறித்து சமுக வலைத்தளங்களில் பரவலான மீம்ஸ் வெளியானதைச் சுட்டிக்காட்டும் வகையில் அவரது நகைச்சுவை இருந்தது.

இதற்கிடையே, கிருமித்தொற்று நிலவரம் குறித்து அன்றாட அறிக்கை வெளியிடப்படும் என்று மலேசியாவின் சுகாதார அமைச்சு கூறியுள்ளது.

மலேசியாவில் நேற்று புதிதாக எட்டு பேருக்குக் கிருமித்தொற்று உறுதி செய்யப்பட்டதாகவும் ஒருவர் மாண்டதாகவும் நேற்று மாலை கடைசியாக நடந்த அன்றாட விளக்கக் கூட்டத்தில் தெரிவிக்கப்பட் டது.

மலேசியாவில் மொத்தம் 8,453 பேர் கிருமித்தொற்றால் பாதிக்கப்பட்டுள்ளனர், 121 பேர் பலியாகினர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!