மலேசியாவில் புதிதாக 15 பேர் பாதிப்பு

படம்: ராய்ட்டர்ஸ் / லிம் ஹுயே தெங்

7 Aug 2020 08:55 | மாற்றம் செய்யப்பட்ட நாள் / நேரம்: 7 Aug 2020 08:55

பெட்டாலிங் ஜெயா: மலேசியாவில் புதிதாக 15 பேருக்கு கிருமித்தொற்று இருப்பதை அந்நாட்டின் சுகாதாரத்துறை உறுதி செய்துள்ளது. இவர்களையும் சேர்த்து மொத்தம் 9,038 பேர் கிருமித் தொற்றால் பாதிக்கப்பட்டுள்ளனர். 213 பேருக்கு சிகிச்சை அளிக்கப்படுகிறது. புதிதாக கிருமி தொற்றியவர்களில் 7 பேர் வெளிநாடுகளுக்குச் சென்று வந்தவர்கள். அவர்களில் ஐந்து பேர் மலேசியர்கள், இருவர் வெளிநாட்டுக்காரர்கள் என்று அந்நாட்டின் சுகாதாரத்துறை இயக்குநர் நூல் ஹி‌ஷாம் அப்துல்லா கூறினார். பாதிக்கப்பட்ட மலேசியர்கள் கெடா மற்றும் சிலாங்கூர் மாநிலங்களைச் சேர்ந்தவர்கள். கொவிட்-19 நோய்த்தொற்றுக்குப் பாதிக்கப்பட்டவர்களில் இருவர் தீவிரசிகிச்சைப் பிரிவில் அனுமதிக்கப்பட்டுள்ளனர்.