மலேசியாவில் இந்திய ஆடவர் சுட்டுக்கொலை

மலேசியாவின் கெடா மாநிலத்தில் இந்திய ஆடவர் ஒருவர் சுட்டுக் கொல்லப்பட்டுள்ளார். அவரை மிக அருகிலிருந்து துப்பாக்கிக்காரர்கள் சுட்டதாகக் கூறப்பட்டது.

உயிரிழந்தவர் முரளி சண்முகம், 36 என அடையாளம் காணப்பட்டுள்ளது. அவர் சம்பவ இடத்திலே மாண்டதாகத் தெரிவிக்கப்பட்டது.

தாமான் இந்தான் எனும் வட்டாரத்தில் நேற்று மாலை இந்தச் சம்பவம் நடந்தது.

சம்பவம் நடந்தபோது மாண்டவருடன் இருந்த அவருடைய மனைவி, மகன், நண்பர் ஒருவர் காயமின்றி உயிர்தப்பினர்.

ஒரு காபிக்கடையில் உணவு சாப்பிட்டுவிட்டுக் கிளம்பிக்கொண்டிருந்தபோது, இரண்டு மோட்டார் சைக்கிள்களில் வந்த நான்கு பேர் துப்பாக்கிச் சூடு நடத்தியதாகச் சம்பவத்தைப் பார்த்தவர்கள் கூறினர். துப்பாக்கிக்காரர்களுக்கும் மாண்டவருக்கும் சுமார் ஒரு மீட்டர் தூரம் இடைவெளிதான் இருந்ததாகக் கூறப்பட்டது. முரளியை சில முறை சுட்டபிறகு, துப்பாக்கிக்காரன் ஒருவன் மோட்டார் சைக்கிளிலிருந்து இறங்கி முரளியின் தலையில் சுட்டதாகவும் தெரிவிக்கப்பட்டது.

துப்பாக்கிக்காரர்கள் அனைவரும் தலைக்கவசம், முகக்கவசம், கையுறை ஆகியவற்றை அணிந்திருந்ததாகக் கூறப்பட்டது. அதனால் அவர்களைத் தெளிவாகப் பார்க்கமுடியவில்லை என்று சம்பவத்தைப் பார்த்தவர்கள் கூறினர்.

"யாரோ பட்டாசு கொளுத்தி போட்டதாக நான் முதலில் நினைத்தேன். வெளியே வந்து பார்த்தபின்பு தான் துப்பாக்கிச் சூடு என்று தெரியவந்தது," என்று காபிக்கடை வாடிக்கையாளர் ஒருவர் சொன்னார்.

மாண்டவர் தமது காபிக்கடைக்கு வாரந்தோறும் குடும்பத்துடன் மதிய உணவு சாப்பிட வருவார் என்று காபிக்கடை உரிமையாளர் கூறினார்.

சம்பவ இடத்தில் எட்டு துப்பாக்கிக் குண்டு கவசங்கள் கண்டெடுக்கப்பட்டுள்ளதாகக் காவல் துறை தெரிவித்தது. சம்பவ இடத்தில் உள்ள கண்காணிப்புக் காமிராக்களைச் சோதித்துவருவதாக அதிகாரிகள் குறிப்பிட்டனர்.

தாக்குதலுக்கான காரணம் இன்னும் உறுதிப்படுத்தப்படவில்லை. முழுமையான விசாரணை மேற்கொள்ளப்படும் எனத் தெரிவிக்கப்பட்டது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!