அண்மையில் ஹைதராபாத்தில் நடந்த ஒரு விழாவில் நடிகை அனுஷ்காவிடம், இன்றைய நடிகைகளில் யார் நன்றாக நடிக்கிறார்கள் என்று கேட்டதற்கு, "எல்லா நடிகைகளும் தற்பொழுது தங்களுடைய திறமையைக் காட்டி நடித்து வருகிறார்கள். எங்களுக்குள் போட்டி போட்டுக்கொண்டு நடிக்கின்றோம். அது ஒரு நல்ல விஷயம். "அப்போதுதான் அதிகப் பொருட் செலவில் படம் எடுக்கும் தயாரிப்பாளர்களுக்கும் படத்தைப் பார்க்க வரும் ரசிகர்களுக்கும் நல்ல தரமான படத்தைக் கொடுக்கமுடியும். அந்த விஷயத்தில் நான் என் படங்களில் என் முழு திறமையையும் காட்டி நடிக்கின்றேன்.
"அந்தக் கால நடிகைகளுக்குள் ஒருவருக்கொருவர் பொறாமை இருக்கும் என்றும் ஒரு நடிகைக்குப் பெயரும் புகழும் கிடைப்பதை இன்னொரு நடிகை விரும்பமாட்டார் என்றும் கேள்விப்பட்டு இருக்கிறேன். பழைய நடிகைகள் மத்தியில் அடிக்கடி தகராறுகள் நடக்கும் என்றும் கூறுவார்கள். "ஆனால் இப்போது அப்படி இல்லை. ஒருவருக்கொருவர் நட்பாக பழகுகிறோம். ஒரு நடிகை திறமையாக நடித்து இருந்தால் அவரை தொலைபேசியிலோ நேரிலோ தொடர்பு கொண்டு பாராட்டுகிறோம்.இது ஆரோக்கியமான நிலைமை ஆகும். மற்ற நடிகைகள் சிறப்பாக நடித்திருந்தால் அவர்களை நான் பாராட்டத் தயங்கமாட்டேன்.