கோல்ப் விளையாட்டில் உலகத் தரவரிசையில் முதல் நிலையில் இருந்த கோல்ப் வீரர் டைகர் உட்ஸை போல் கொஞ்சமும் அலட்டிக் கொள்ளாமல் ஒரே வீச்சில் பந்தை குழிக்குள் தள்ளி (ஹோல்= இன்=ஒன்) சாதனை படைக்க முடியுமா? முடியும் என்று நிரூபித்திருக் கிறார் 11 வயதுச் சிறுவன். அதுவும் தனது முதல் வீச்சில் 'ஹோல்= இன்=ஒன்' சாதனை படைத்துள்ளார் சிறுவன் டெய்லர் குரோஸியர். டெக்சாஸ் நகரில் புதிதாகத் திறக்கப்பட்ட கோல்ப் விளையாட்டுத் திடலில் இந்தச் சாதனையை நிகழ்த்தியுள்ளார் டெய்லர் குரோஸி யர். சிறுவன் டெய்லரின் இந்த அதிரடி ஆட்டத்தைப் பார்த்துக் கொண்டிருந்த டைகர் உட்ஸ் மெய்சிலிர்த்துப்போனார். உற்சாகத்தின் உச்சிக்கே சென்ற டைகர் உட்ஸ், ஓடி வந்து சிறுவனைத் தழுவிக் கொண்டு பாராட்டினார்.
ஆச்சரியமூட்டும் அந்த அற்புதமான பந்தடிப்பின் காணொளியை டைகர் உட்ஸ் தனது டுவிட்டர் பக்கத்தில் பதிவேற்றம் செய்திருந் தார். டெக்சஸ் நகரில் திறக்கப்பட்டுள்ள இந்தப் புதிய கோல்ப் விளையாட்டுத் திடல் டைகர் உட்ஸின் உதவியால் வடிவமைக்கப் பட்டது. "குடும்பத்தினருடனும் நண்பர்களுடனும் மகிழ்ச்சியாக ஒன்று கூடி விளையாடிக் களிக்கும் இடமாக இந்தத் திடல் வடிவமைக் கப்பட்டுள்ளது. "இந்த ஒன்றுகூடலின் வழி இளம் கோல்ப் வீரர்களை அறிமுகப்படுத்தலாம்," என டைகர் உட்ஸ் தனது இணையப் பக்கத்தில் கூறியுள்ளார். முதுகில் அறுவை சிகிச்சை செய்துகொண்ட டைகர் உட்ஸ் இப்போது குணமடைந்து வருவதாக தனது பதிவில் தெரிவித்திருந் தார். ஆனால் எப்போது மீண்டும் கோல்ப் போட்டியில் குதிக்கப் போகிறார் என்பது பற்றி எதையும் அவர் தெரிவிக்கவில்லை. வீட்டிலேயே பயிற்சி மேற்கொண்டு வருவதாகவும் தெரிவித்திருந்தார்.