சிவகார்த்திகேயனின் படங்கள் அனைத்தும் தயாரிப்பாளர் களுக்கு நல்ல லாபம் தருவதாகவே அமைந்து வருகிறது. இதுவரை நடித்த இவரின் அனைத்துப் படங்களும் பெரும் வெற்றி பெற்றுள்ளன. அந்த வரிசையில் அண்மையில் வெளியாகி சிறியவர்கள் முதல் பெரியவர்கள் வரை அனைவரின் வரவேற்பையும் பெற்ற 'ரஜினிமுருகன்' திரைப்படமும் சேர்ந்துள்ளது. இப்படம் மூலம் இதுவரை மட்டுமே 50 கோடி ரூபாய் வசூல் ஆகியுள்ளது. மிகப்பெரிய வசூலை அள்ளித் தந்த இப்படத்தை இப்போது கன்னடத்தில் மொழி மாற்றம் செய்ய உள்ளதாக கூறப்படு கிறது. இது குறித்து விரைவில் அதிகாரபூர்வ அறிவிப்பு வரும் என எதிர்பார்க்கப்படுகின்றது.
இதேபோல், விஜய் சேதுபதி நடித்துவரும் 'தர்மதுரை' படமும் இந்தியில் மொழி மாற்றம் செய்யப்படும் எனக் கூறப்படுகிறது. இப்படத்தின் இசை வெளியீட்டு விழா விரைவில் நடைபெறவுள்ளதாக இணையத்தளங்களில் அறிவிப்பு வெளி வந்துள்ளது. விஜய் சேதுபதி, தமன்னா, ஐஸ்வர்யா ராஜேஷ், ஸ்ருஷ்டி டாங்கே, ஷிவேதா, ராதிகா உள்பட பலர் நடித்துள்ள இந்தப் படத்தைத் தேசிய விருது பெற்ற 'தென்மேற்குப் பருவக்காற்று' படத்தின் இயக்குநர் சீனு ராமசாமி இயக்கியுள்ளார். யுவன்சங்கர் ராஜா இசையமைத்துள்ள இந்தப் படம் வரும் ஜூன் மாதம் வெளியாகும் என எதிர்பார்க்கப் படுகிறது. இந்நிலையில் தமிழில் இந்தப் படம் வெற்றி பெற்றால் இந்தப் படத்தை இந்தியில் மொழி மாற்றம் செய்ய திட்டமிட்டிருப்பதாகவும் அதில் அமீர்கானை நடிக்க வைக்க முயற்சி செய்யப்படும் என்றும் தயாரிப்பு தரப்பில் இருந்து கூறப்படுகிறது.