தமிழ் உலகம் இழந்த தமிழறிஞர்

லதா

அழகுத் தமிழ் பேசி பல தமி­ழர்­களுக்குத் தமிழ் உணர்வு ஊட்டி வந்த அமெ­ரிக்க பேரா­சி­ரி­யர் பெர்னாட் பெட் அமெ­ரிக்­கா­வில் கால­மானார். அவ­ருக்கு வயது 54. சிங்கப்­பூ­ரில் யேல்- என்­யு­எஸ் கல்­லூ­ரி­யில் மானு­ட­வி­யல் துறைப் பிரிவை அமைத்து, அங்கு பணி­யாற்றி வந்த பெர்னாட் பெட் மாரடைப்­பினால் உயி­ரி­ழந்த­தா­கத் தக­வல்­கள் கூறு­கின்றன. ஓராண்டு ஆய்வு விடுப்­பில் கடந்த ஆகஸ்ட் மாதத்­தி­லி­ருந்து அமெ­ரிக்­கா­வின் ஸ்டாம்­ஃ­போர்ட் பல்­கலைக்­க­ழ­கத்­தில் ஆய்வை மேற்­கொண்­டி­ருந்தார் அவர்.

"சிங்கப்­பூ­ரில் தமிழ் சார்ந்த பல பணி­களைச் செய்ய வேண்டும் என்ற பேரார்­வம் கொண்­டி­ருந்த அவரது இழப்பு ஈடு­செய்ய முடி­யா­தது," எனக் குறிப்­பிட்­டார் தேசிய பல்­கலைக்­க­ழ­கத்தைச் சேர்ந்த முனைவர் சித்ரா சங்க­ரன். "திரும்பி வந்த­தும் தமிழ்ச் சமூ­கத்­து­டன் ஒன்­று­க­லந்து செயல்­பட வேண்டும், பணிகள் செய்ய வேண்டும்," என்று அவர் கூறிச் சென்றது இன்னும் காது­களில் ஒலிக்­கிறது என்ற முனைவர் சித்ரா சங்க­ரன், சிங்கப்­பூர் தமிழ் நூல்­களின் மின்மரபுடைமை அறிமுக நிகழ்ச்­சி­யில் மெக்­பெத்­தாக நடித்து அவர் எல்­லா­ருடைய மனதை­யும் கவர்ந்ததை நினை­வு ­கூர்ந்தார். சிகாகோ பல்­கலைக்­க­ழ­கத்­தில் தமிழ்ப் பேரா­சி­ரி­ய­ரா­கப் பணியைத் துவக்­கிய பேட், மிச்­சி­கன், கொலம்­பியா பல்­கலைக் கழ­கங்களில் பத்­தாண்டு காலம் பணி­யாற்­றி­ உள்­ளார்.

தமிழ் மேடைப்­பேச்சு, திரா­வி­டக் கலா­சார அர­சி­யல் போன்றவை குறித்த ஆய்­வுக்­கட்­டுரை­களை அவர் எழு­தி­யுள்­ளார். 'Ta­mil Or­a­t­o­ry and the Dr­a­vi­di­an Ae­s­t­h­e­tic: De­m­o­c­r­a­tic Pr­a­c­ti­ce in So­u­th In­dia' என்ற அவரது நூல் முக்­கி­ய­மான ஒன்று. தமிழை உல­க­ளா­விய ரீதி­யில்­ ச­மூ­க­வி­யல் ஆய்­வு­களுக்கு உட்­படுத்­து­வ­தில் முக்கிய பங்கு வகித்­த­வர். பேரா­சி­ரி­யர் பெர்னாட் பெட் எனக் குறிப்­பிட்­டார், தேசிய பல்­கலைக்­க­ழக, தெற்­கா­சிய கல்வித் துறையின் துணைப் பேரா­சி­ரி­யர் சித்­தார்த்­தன் மௌனகுரு. "தமிழ்ச் சமூகம் தொடர்­பாக மானு­ட­வி­யல், சமூ­க­வி­யல் துறை­களில் ஆய்வு செய்­த­வர்­களில் முக்­கி­ய­மா­ன­வர். அவர் தமிழ் கற்கை நெறிகளை பல்வேறு மேற்­கத்­திய பல்­கலைக்­க­ழ­கங்களில் அறி­மு­கப்­படுத்­தி­யுள்­ளார்.

யேல்-என்யுஎஸ் கல்லூரியில் மாணவர்களுடன் பேராசிரியர் பெர்னாட் பெட். படம்: இணையம்

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!