அமீர்கானை முறியடித்த ரஜினிகாந்த் சங்கர் இயக்கத்தில் ரஜினி நடிக்கும் '2.0' படத்துக்கு ரூ. 330 கோடிக்கு காப்பீடு எடுக்கப்பட்டுள்ளது. இது இந்திய அளவில் ஒரு சாதனையாக கருதப்படுகிறது. இதற்கு முன்பு அமீர் கானின் 'பிகே' படம் ரூ.300 கோடிக்கு காப்பீடு செய்யப்பட்டது. அந்தச் சாதனையை ரஜினி படம் முறியடித்துள்ளது. '2.0' படம், இது 'எந்திரன்' படத்தின் இரண்டாம் பாகம் என்று கூறப்படுகிறது. 'எந்திரன்' என்ற தலைப்பை அதை முதலில் தயாரித்த நிறுவனம் அளிக்க மறுத்துவிட்டதாலேயே இந்தப் படத்திற்கு '2.0' என்று பெயரிடப்பட்டுள்ளதாகக் கூறப்படுகிறது.
இந்தப் படத்தை ரூ. 350 கோடி செலவில் லைக்கா புரொடக்ஷன்ஸ் நிறுவனம் தயாரிக்கிறது. ரஜினி, அக் ஷய் குமார், ஏமி ஜாக்ஸன், ஷங்கர் ஆகிய நான்கு பேரின் சம்பளம் மட்டுமே மொத்தமாக ரூ. 150 கோடி வரை வருகிறதாம். தமிழில் அதிக பட்ஜெட்டில் உருவாகும் இப்படத்துக்கு மேலும் சிறப்பு சேர்க்கும் வகையில் ரூ. 330 கோடிக்கு காப்பீடு செய்யப்பட்டுள்ளது.