வாஷிங்டன்: சுமார் 95 ஆண்டுகளுக்கு முன்பு காணாமற்போன அமெரிக்க கடற்படை கப்பல் ஒன்று சான்பிரான்சிஸ்கோ அருகே கண்டுபிடிக்கப்பட்டுள்ளது. அமெரிக்க கடற்படை வரலாற்றில் நீடித்த மிகப் பெரிய ஒரு புதிர் முடிவுக்கு வந்துள்ளது என்று அமெரிக்க அதிகாரிகள் தெரிவித்தனர். 1921ஆம் ஆண்டு மார்ச் 25 ஆம் தேதி சான்பிரான்சிஸ்கோவிலிருந்து ஹவாய் புறப்பட்ட அமெரிக்கக் கப்பல் பாதி வழியில் மாயமாய் மறைந்தது. அக்கப்பலில் அப்போது 56 பேர் இருந்ததாகக் கூறப்பட்டது. இந்நிலையில் அக்கப்பலின் சிதைந்த பாகம் ஒன்று 2009ஆம் ஆண்டு கண்டுபிடிக்கப்பட்டது.
அமெரிக்காவின் கனெஸ்டோகா என்னும் இந்தக் கப்பல் கடைசியாக 1921ஆம் ஆண்டின் முற்பகுதியில் காணாமல் போனது. படம்: ராய்ட்டர்ஸ்